ಸನ್ನಿ ಲಿಯೋನ್ ಮೊದಲು ಪೋರ್ನ್ ಸ್ಟಾರ್ ಆಗಿರುವ ವಿಚಾರ ಬಹುತೇಕರಿಗೆ ಗೊತ್ತಿರುವ ವಿಚಾರ. ಈಗ ಅದೆಲ್ಲದರಿಂದ ಈಗ ಅವರು ದೂರ ಉಳಿದಿದ್ದು, 2012ರಿಂದ ಬಾಲಿವುಡ್ ಅಂಗಳದಲ್ಲಿ ಮಿಂಚು ಹರಿಸುತ್ತಿದ್ದಾರೆ. ಅನೇಕ ಚಿತ್ರ ಮತ್ತು ಸಾಮಾಜಿಕ ಕಾರ್ಯಾದ ಮೂಲಕ ಮನೆ ಮಾತಾಗಿದ್ದಾರೆ. ಈ ಹಿಂದಿನ ಕಹಿ ಘಟನೆಗಳನ್ನ ಮರೆತು ಸುಖವಾಗಿದ್ದ ಸನ್ನಿ ಲಿಯೋನ್ಗೆ ನೆಟ್ಟಿಗರ ಕಾಟ ಮಾತ್ರ ತಪ್ಪಿಲ್ಲವಂತೆ.
ಸಾಮಾಜಿಕ ಮಾಧ್ಯಮದಲ್ಲಿ ಸೆಲಿಬ್ರಿಟಿಗಳ ಪೋಸ್ಟ್ಗೆ ನೆಟ್ಟಿಗರ ಕಮೆಂಟ್ ಮತ್ತು ಅವರು ಕೇಳೊ ಪ್ರಶ್ನೆಗಳಿಗೆ ಉತ್ತರಿಸುವ ಟಿವಿ ಶೋವನ್ನು ಅರ್ಬಾಜ್ ಖಾನ್ ನಡೆಸಿಕೊಡುತ್ತಿದ್ದಾರೆ. ಅರ್ಬಾಜ್ ಖಾನ್ ನಡೆಸುತ್ತಿರುವ ಟಿವಿ ಶೋನಲ್ಲಿ ಅತಿಥಿಯಾಗಿ ಸನ್ನಿ ಆಗಮಿಸಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಸನ್ನಿ ಫೋಟೋಗೆ ನೆಟಿಜನ್ ಮಾಡಿರುವ ಅಸಭ್ಯ ಕಮೆಂಟ್ನ್ನು ಅರ್ಬಾಜ್ ಖಾನ್ ಓದಿದ್ದಾರೆ. ಈ ವೇಳೆ ಸನ್ನಿ ಲಿಯೋನ್ ಗಳ-ಗಳನೇ ಕಣ್ಣೀರು ಹಾಕಿದ್ದಾರೆ.
ಇನ್ನು ಅರ್ಬಾಜ್ ಖಾನ್ ಸನ್ನಿ ಲಿಯೋನ್ ಅವರನ್ನ ಸಮಾಧಾನ ಪಡಿಸಿದ್ದಾರೆ, ಆದ್ರೂ ದುಃಖವನ್ನ ಅವರಿಂದ ತಡೆಯಲು ಸಾಧ್ಯವೇ ಆಗಿಲ್ಲ. ಹಳೆಯದನ್ನೆಲ್ಲ ಬಿಟ್ಟು ಹೊಸ ಜೀವನ ನಡೆಸುತ್ತಿದ್ದರೂ ನೆಟ್ಟಿಗರು ಇಂತಹ ಪ್ರಶ್ನೆ ಕೇಳುತ್ತಿರುವುದು ಮನಸ್ಸಿಗೆ ನೋವುಂಟು ಮಾಡುತ್ತೆ ಎಂದು ಸನ್ನಿ ಭಾವುಕರಾಗಿದ್ದಾರೆ. ಇನ್ನು ಅರ್ಬಾಜ್ ಖಾನ್ ಮತ್ತು ಸನ್ನಿ ಜೊತೆಯಾಗಿ ‘ತೇರಾ ಇಂತಜಾರ್’ ಚಿತ್ರದಲ್ಲಿ ನಟಿಸಿದ್ದಾರೆ.
