ಬ್ರಿಸ್ಟೋಲ್: ಇಂಗ್ಲೆಂಡ್ ವಿರುದ್ಧ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಆಂಗ್ಲರ ಪಡೆ, ಪಾಕ್ ವಿರುದ್ಧ ಗೆಲುವು ದಾಖಲು ಮಾಡಿಕೊಂಡಿದ್ದು, ಸರಣಿಯಲ್ಲಿ 3-0 ಅಂತರದ ಮುನ್ನಡೆ ಪಡೆದುಕೊಂಡಿದೆ.
ಈ ಪಂದ್ಯದಲ್ಲಿ ಪಾಕಿಸ್ತಾನದ ಆರಂಭಿಕ ಆಟಗಾರ ಇಮಾಮ್ ಉಲ್ ಹಕ್ ಭರ್ಜರಿ ಶತಕ ಸಿಡಿಸಿ(151) ಹೊಸ ದಾಖಲೆ ಬರೆದಿದ್ದು, 36 ವರ್ಷಗಳ ಹಿಂದೆ ಕಪಿಲ್ ದೇವ್ರಿಂದ ನಿರ್ಮಾಣಗೊಂಡಿದ್ದ ದಾಖಲೆ ಅಳಿಸಿ ಹಾಕಿದ್ದಾರೆ.
ಕಪಿಲ್ ದಾಖಲೆ ಬ್ರೇಕ್
ಈ ಹಿಂದೆ 1983ರ ವಿಶ್ವಕಪ್ನಲ್ಲಿ ಜಿಂಬಾಬ್ವೆ ವಿರುದ್ದ ಕಪಿಲ್ ದೇವ್ ಬರೋಬ್ಬರಿ 175 ರನ್ ಸಿಡಿಸಿದರು. ಜತೆಗೆ ತಮ್ಮ 24ನೇ ವಯಸ್ಸಿನಲ್ಲಿ 150ರನ್ ಸಿಡಿಸಿದ ವಿಶ್ವದ ಅತಿ ಕಿರಿಯ ಆಟಗಾರನೆಂಬ ದಾಖಲೆಗೆ ಪಾತ್ರರಾಗಿದ್ದರು. ಇದೀಗ ಕೇವಲ 23 ವರ್ಷದ ಪಾಕ್ನ ಇಮಾಮ್ ಉಲ್ 150ರನ್ ಸಿಡಿಸಿ ಕಪಿಲ್ ದಾಖಲೆ ಅಳಿಸಿ ಹಾಕಿದ್ದಾರೆ.
ಇನ್ನು ಮೂರನೇ ಏಕದಿನ ಪಂದ್ಯದಲ್ಲಿ ಪಾಕ್ ನೀಡಿದ್ದ 359ರನ್ಗಳ ಟಾರ್ಗೆಟ್ ಬೆನ್ನತ್ತಿದ್ದ ಇಂಗ್ಲೆಂಡ್ ತಂಡ ಕೇವಲ 4ವಿಕೆಟ್ ಕಳೆದುಕೊಂಡು 44.5 ಓವರ್ಗಳಲ್ಲಿ 359ರನ್ಗಳಿ ಗೆಲುವು ದಾಖಲು ಮಾಡಿದೆ.
