ನವದೆಹಲಿ: ಪ್ರಧಾನಿ ಮೋದಿ ನೇತೃತ್ವದಲ್ಲಿ ಫಣಿ ಚಂಡಮಾರುತದ ಕುರಿತಾದ ಪರಿಶೀಲನಾ ಸಭೆ ನಡೆಸಲು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಒಲ್ಲೆ ಎಂದಿದ್ದಾರೆ.
ಇಂದು ಬೆಳಗ್ಗೆ ಒಡಿಶಾದಲ್ಲಿ ಮೋದಿ ವೈಮಾನಿಕ ವೀಕ್ಷಣೆ ನಡೆಸಿದ್ದಾರೆ. ಆ ಬಳಿಕ ಮೋದಿ ಪಶ್ಚಿಮ ಬಂಗಾಳಕ್ಕೆ ಭೇಟಿ ನೀಡಿ, ಪರಿಶೀಲನಾ ಸಭೆ ನಡೆಸುವುದಾಗಿ ಪತ್ರವನ್ನು ಬರೆದಿದ್ದರು.
ಪತ್ರಕ್ಕೆ ಉತ್ತರಿಸಿದ ಮುಖ್ಯಮಂತ್ರಿ ಕಾರ್ಯಾಲಯ, ಪ್ರಸ್ತುತ ಎಲ್ಲ ಅಧಿಕಾರಿಗಳು ಚುನಾವಣೆಯಲ್ಲಿ ಬ್ಯುಸಿಯಾಗಿದ್ದಾರೆ, ಹೀಗಾಗಿ ಸಭೆ ನಡೆಸುವುದು ಅಸಾಧ್ಯ ಎಂದಿದೆ.
ಈ ಮೊದಲು ಮೋದಿ ಕಚೇರಿಯಿಂದ ಚಂಡಮಾರುತದ ಬಗ್ಗೆ ಮಾಹಿತಿ ಪಡೆಯಲು ಮಮತಾ ಬ್ಯಾನರ್ಜಿಯವರಿಗೆ ದೂರವಾಣಿ ಕರೆ ಮಾಡಲಾಗಿತ್ತು. ಆದರೆ, ಎರಡು ಬಾರಿ ಕರೆ ಮಾಡಿದರೂ ದೀದಿ ಉತ್ತರಿಸಿಲ್ಲ ಎಂದು ಪಿಎಂಒ ಹೇಳಿತ್ತು.
