ಮುಂಬೈ: ಭಾರತ ತಂಡಕ್ಕೆ ಆಯ್ಕೆಯಾಗಿರುವ ಏಕೈಕ ಕನ್ನಡಿಗ ಕ್ರಿಕೆಟರ್ ಕೆ.ಎಲ್. ರಾಹುಲ್ರನ್ನು ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕುಳಿತು ಚಿಯರ್ ಮಾಡಲು ಬೀಟೌನ್ ಬೆಡಗಿಯೊಬ್ಬರು ಸಿದ್ದರಾಗಿದ್ದಾರೆಂಬ ಗುಸುಗುಸು ಕೇಳಿ ಬರುತ್ತಿದೆ.
ಕಳೆದ ಒಂದು ದಶಕಗಳಿಂದ ಕ್ರಿಕೆಟ್ ಹಾಗೂ ಬಾಲಿವುಡ್ ನಟಿಯರ ನಡುವಿನ ಸ್ನೇಹ-ಪ್ರೀತಿ ಸಂಬಂಧ ಕಾಮನ್ ಎನ್ನುಂತಾಗಿದೆ. ಅದು ಐಪಿಎಲ್ ಬಂದ ಮೇಲಂತೂ ಬಾಲಿವುಡ್ ನಟಿಯರು ಹಾಗೂ ಕ್ರಿಕೆಟಿಗರ ನಡುವೆ ಸ್ನೇಹ ಹೆಚ್ಚಾಗುತ್ತಿದೆ.
ಈಗಾಗಲೆ ಭಾರತ ತಂಡದ ನಾಯಕ ಕೊಹ್ಲಿ ಬಾಲಿವುಡ್ ಸ್ಟಾರ್ ಅನುಷ್ಕಾ ಶರ್ಮಾರನ್ನು, ಮಾಜಿ ವೇಗಿ ಜಹೀರ್ ಖಾನ್ ಚೆಕ್ ದೇ ಇಂಡಿಯಾ ಖ್ಯಾತಿಯ ಸಾಗರಿಕಾ ಘಟ್ಗೆಯನ್ನು, ಹರ್ಭಜನ್ಸಿಂಗ್ ಗೀತಾ ಬಸ್ರಾರನ್ನು, ಯುವರಾಜ್ ಸಿಂಗ್ ಬ್ರಿಟನ್ ಮೂಲದ ಹೇಜಲ್ ಕೀಚ್ರನ್ನು ಮದುವೆಯಾಗಿದ್ದಾರೆ.
ಇದೀಗ ಕೆಎಲ್ ರಾಹುಲ್ ಕೂಡ ಅದೇ ಸಾಲಿಗೆ ಸೇರಲಿದ್ದಾರಾ ಎಂಬ ಕುತೂಹಲವಿದೆ. ಏಕೆಂದರೆ ರಾಹುಲ್ರನ್ನು ಐಪಿಎಲ್ ಪಂದ್ಯದ ವೇಳೆ ಆಲಿಯಾ ಬಟ್ ಗೆಳತಿಯಾದ ಆಕಾನ್ಷಾ ರಂಜನ್ ಕಪೂರ್ ಚಿಯರ್ ಮಾಡುತ್ತಿದ್ದು ಕಂಡುಬಂದಿದೆ. ಇದರ ಜೊತೆಗೆ ರಾಹುಲ್ ಹಾಗೂ ಆಕಾನ್ಷಾ ಇಬ್ಬರೂ ಸಿನಿಮಾ, ಡಿನ್ನರ್ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದರ ಜೊತೆಗೆ ರಾಹುಲ್ ಜೊತೆ ಇರುವ ಸೆಲ್ಫಿಯನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವುದರಿಂದ ಇವರಿಬ್ಬರ ನಡುವೆ ಏನೋ ಇರಬಹುದು ಎಂಬ ಸುದ್ದಿ ನಿಜವಾಗುತ್ತಿದೆ.
- " class="align-text-top noRightClick twitterSection" data="
">
ಈ ಹಿಂದೆಯೂ ರಾಹುಲ್ ಬಾಲಿವುಡ್ ನಟಿ ನಿಧಿ ಅಗರ್ವಾಲ್ ಜೊತೆಗೆ ಕಾಣಿಸಿಕೊಂಡು ಇವರಿಬ್ಬರು ಲವ್ವನಲ್ಲಿದ್ದಾರೆ ಎಂಬ ಗುಸುಗುಸು ಇತ್ತು.. ಆದರೆ ಸ್ವತಃ ರಾಹುಲ್ ನಾವಿಬ್ಬರು ಸ್ನೇಹಿತರು ಎಂದು ಸ್ಪಷ್ಟನೇ ನೀಡಿ ಗಾಸಿಪ್ಗೆ ಪೂರ್ಣ ವಿರಾಮ ಹಾಕಿದ್ದರು.
ಇದೀಗ ಅಕಾನ್ಷಾ ವಿಚಾರದಲ್ಲೂ ಸ್ವತಃ ರಾಹುಲ್ ಸ್ಪಷ್ಟನೆ ನೀಡಲಿದ್ದಾರಾ ಎಂದು ಕಾದು ನೋಡಬೇಕಿದೆ.
