ಬ್ರೇಜಿಲ್: ಬೃಹದಾಕಾರದ ಹೆಬ್ಬಾವೊಂದು ಬ್ರೆಜಿಲ್ನ ನಡುರಸ್ತೆಯಲ್ಲಿ ಏಕಾಏಕಿ ಪ್ರತ್ಯಕ್ಷವಾಗಿ ಜನರು ಆತಂಕಗೊಳ್ಳುವಂತೆ ಮಾಡಿತ್ತು.
ಬೃಹದಾಕಾರದ ಹೆಬ್ಬಾವು ಪ್ರತ್ಯಕ್ಷ
ಬರೋಬ್ಬರಿ ಮೂರು ಮೀಟರ್ ಉದ್ದ ಹಾಗೂ 30 ಕೆಜಿ ತೂಕದ ಹೆಬ್ಬಾವು ರಸ್ತೆಯ ಒಂದು ಬದಿಯಿಂದ ಇನ್ನೊಂದು ಬದಿಗೆ ದಾಟಲು ಮುಂದಾದಾಗ ವಾಹನ ಸವಾರರು ಅದನ್ನ ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ. ಹೆಬ್ಬಾವು ರೋಡ್ ದಾಟುತ್ತಿದ್ದ ವೇಳೆ ಕೆಲ ನಿಮಿಷಗಳ ಕಾಲ ವಾಹನ ನಿಲ್ಲಿಸಿ ಅದನ್ನ ಭಯದಿಂದಲೇ ನೋಡ್ತಿದ್ದರು. ಕಾಡಿನಿಂದ ಆಹಾರಕ್ಕಾಗಿ ಹೀಗೆ ರಸ್ತೆಯ ಒಂದು ಅಂಗುಲದಿಂದ ಇನ್ನೊಂದು ಅಂಗುಲಕ್ಕೆ ರಸ್ತೆ ಡಿವೈಡರ್‌ ಹತ್ಕೊಂಡು ಹೋಗುವ ದೃಶ್ಯ ಯಾರಿಗೇ ಆದರೂ ಭಯ ಹುಟ್ಟಿಸುವಂತಿತ್ತು.
ಬೃಹತ್ ಹೆಬ್ಬಾವು ರೋಡ್ ದಾಟುತ್ತಿದ್ದಾಗ ಸ್ಥಳೀಯರು ಅದನ್ನ ವಿಡಿಯೋ ಮಾಡಿ ಎಲ್ಲೆಡೆ ಹರಿಬಿಟ್ಟಿದ್ದಾರೆ. ಇದಕ್ಕೆ ಗ್ರೀನ್ ಅನಾಕೊಂಡ ಎಂದು ಹೆಸರಿಸಲಾಗಿದ್ದು, ಇಂತಹ ಹೆಬ್ಬಾವು ಬ್ರೆಜಿಲ್ ಕಾಡಿನಲ್ಲಿ ಅತೀ ಹೆಚ್ಚು ಕಂಡು ಬರುತ್ತವೆ ಅಂತಾ ವನ್ಯಜೀವಿ ತಜ್ಞ ಹೇಳಿದ್ದಾರೆ.
