ಶ್ರೀನಗರ (ಜಮ್ಮು ಮತ್ತು ಕಾಶ್ಮೀರ): ಲೇಹ್ನಲ್ಲಿ ಮತ್ತೆ ಹಿಮಪಾತವಾಗುತ್ತಿರುವುದರಿಂದ ಶ್ರೀನಗರ-ಲೇಹ್ ಹೆದ್ದಾರಿಯನ್ನು ಮತ್ತೊಮ್ಮೆ ಮುಚ್ಚಲಾಗಿದೆ. ನಿನ್ನೆಯಷ್ಟೇ ಈ ಹೆದ್ದಾರಿಯನ್ನು ವಾಹನ ಸಂಚಾರಕ್ಕೆ ಅನುವು ಮಾಡಿಕೊಡಲಾಗಿತ್ತು.
ಇಂದು ಬೆಳಗ್ಗೆ ದ್ರಾಸ್, ಮಣಿಮಾರ್ಗ್, ಸೋನಮಾರ್ಗ್ ಮತ್ತು ಜೊಜಿಲಾ ಪ್ರದೇಶದಲ್ಲಿ ಹಿಮಪಾತವಾಗಿದ್ದು, ಶ್ರೀನಗರ-ಲೇಹ್ ಹೆದ್ದಾರಿಯಲ್ಲಿ ಸಂಚಾರವನ್ನು ಮತ್ತೆ ಸ್ಥಗಿತಗೊಳಿಸಲಾಗಿದೆ. ನಾಲ್ಕು ತಿಂಗಳ ಬಳಿಕ ಗಡಿ ರಸ್ತೆಗಳ ಸಂಸ್ಥೆ (ಬಿಆರ್ಒ) ನಿನ್ನೆಯಷ್ಟೇ ತೆರೆದಿತ್ತು ಹಾಗೂ ಏಕಮುಖ ಸಂಚಾರ ಮತ್ತು ಸಣ್ಣ ವಾಹನಗಳನ್ನು ಮಾತ್ರ ಹೆದ್ದಾರಿಯಲ್ಲಿ ಓಡಿಸಲು ಅನುಮತಿಸಲಾಯಿತು. 434 ಕಿ.ಮೀ ಉದ್ದದ ಶ್ರೀನಗರ-ಲೇಹ್ ಹೆದ್ದಾರಿಯನ್ನು ಅತಿಯಾದ ಹಿಮಪಾತವಾಗುತ್ತಿದ್ದ ಕಾರಣ ಡಿಸೆಂಬರ್ 31 ರಂದು ಮುಚ್ಚಲಾಗಿತ್ತು.
ರಸ್ತೆಯಲ್ಲಿ ಹಲವಾರು ಅಡಿಗಳವರೆಗೆ ಹಿಮ ಸಂಗ್ರಹವಾಗಿದ್ದರಿಂದ ಹೆದ್ದಾರಿಯು ಸುಮಾರು 112 ದಿನಗಳವರೆಗೆ ಮುಚ್ಚಲ್ಪಟ್ಟಿತ್ತು. ಬಿಆರ್ಒ ಹಲವಾರು ಬಾರಿ ಹಿಮವನ್ನು ತೆರವುಗೊಳಿಸುತ್ತಿದ್ದರೂ, ನಿರಂತರವಾಗಿ ಹಿಮಪಾತದಿಂದಾಗಿ ಹೆದ್ದಾರಿ ಸಂಚಾರವನ್ನು ಮತ್ತೆ ಮುಚ್ಚಬೇಕಾಯಿತು.
