6ನೇ ಕ್ರಮಾಂಕದಲ್ಲಿ ಪಾಂಡ್ಯ ವೇಗದ ಅರ್ಧಶತಕ.. ಧೋನಿ, ರಸೆಲ್​ ದಾಖಲೆ ನುಚ್ಚುನೂರಾಗಿಸಿದ ಆಲ್‌ರೌಂಡರ್‌!

ಕೆಕೆಆರ್​ ವಿರುದ್ಧ ಸ್ಫೋಟಕ ಬ್ಯಾಟಿಂಗ್​ ಮಾಡಿದ ಮುಂಬೈ ಇಂಡಿಯನ್ಸ್​ನ ಆಲ್​ರೌಂಡರ್ ಹಾರ್ದಿಕ್​ ಪಾಂಡ್ಯ ಆಕರ್ಷಕ 91ರನ್​ ಸಿಡಿಸಿ 6ನೇ ಕ್ರಮಾಂಕದಲ್ಲಿ ಅತೀ ಹೆಚ್ಚು ರನ್​ ಸಿಡಿಸಿದ ದಾಖಲೆ ನಿರ್ಮಿಸಿದರು.

ಕೋಲ್ಕತ್ತಾ: ಭಾನುವಾರ ನಡೆದ ಕೋಲ್ಕತಾ ನೈಟ್​ರೈಡರ್ಸ್​ ವಿರುದ್ಧ ಏಕಾಂಗಿ ಹೋರಾಟ ನಡೆಸಿದ ಹಾರ್ದಿಕ್​ ಪಾಂಡ್ಯ 34 ಎಸೆತಗಳಲ್ಲಿ91 ರನ್​ಗಳಿಸುವ ಮೂಲಕ ಈವರೆಗಿದ್ದ ಧೋನಿ,ರಸೆಲ್​ ದಾಖಲೆಯನ್ನ ಅಳಿಸಿ ಹಾಕಿದ್ದಾರೆ.

233 ರನ್​ಗಳ ಬೃಹತ್​ ಗುರಿ ಬೆನ್ನತ್ತಿದ್ದ ಮುಂಬೈ ಇಂಡಿಯನ್ಸ್​ ತಂಡದ ಪರ ಏಕಾಂಗಿ ಹೋರಾಟ ನಡೆಸಿದ ಹಾರ್ದಿಕ್​ ಪಾಂಡ್ಯ 6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ನಡೆಸಿ ಬರೋಬ್ಬರಿ 9 ಸಿಕ್ಸರ್​ ಹಾಗೂ 6 ಬೌಂಡರಿ ಸಹಿತ 91 ರನ್​ಗಳಿಸಿ ಔಟಾದರು. ಬರೀ 9 ರನ್​ಗಳಿಂದ ಶತಕ ವಂಚಿತರಾದರು.

• FIFTY comes up for @hardikpandya7. This is his fastest half-century in #VIVOIPL pic.twitter.com/usrYW2CMwq

  — IndianPremierLeague (@IPL) April 28, 2019 " class="align-text-top noRightClick twitterSection" data="

  FIFTY comes up for @hardikpandya7. This is his fastest half-century in #VIVOIPL pic.twitter.com/usrYW2CMwq

  — IndianPremierLeague (@IPL) April 28, 2019

  ">

  FIFTY comes up for @hardikpandya7. This is his fastest half-century in #VIVOIPL pic.twitter.com/usrYW2CMwq

  — IndianPremierLeague (@IPL) April 28, 2019

ಹಾರ್ದಿಕ್​ ಪಾಂಡ್ಯ ತಮ್ಮ ಸ್ಫೋಟಕ ಬ್ಯಾಟಿಂಗ್‌​ನಿಂದ ಐಪಿಎಲ್ ಇತಿಹಾಸದಲ್ಲೇ 6ನೇ ಕ್ರಮಾಂಕದ ಬ್ಯಾಟ್ಸ್​ಮನ್​ನೊಬ್ಬ ಅತೀ ಹೆಚ್ಚು ರನ್​ಗಳಿಸಿದ ದಾಖಲೆಗೆ ಪಾತ್ರರಾದರು. ಪಾಂಡ್ಯ 91ರನ್​ಗಳಿಸುವ ಮೂಲಕ 6 ಅಥವಾ ಅದಕ್ಕಿಂತ ಕೆಳ ಕ್ರಮಾಂಕದಲ್ಲಿ ವೈಯಕ್ತಿಕ ಹೆಚ್ಚುರನ್​ ದಾಖಲಿಸಿದ ಆಟಗಾರ ಎಂದೆನಿಸಿದರು. ಈ ಮೂಲಕ ಧೋನಿ, ರಸೆಲ್​ ಹಾಗೂ ಕ್ರಿಸ್​ ಮೋರಿಸ್​ ದಾಖಲೆ ಮುರಿದರು.

ಪಾಂಡ್ಯಗಿಂತ ಮೊದಲು ಕೆಕೆಆರ್​ನ ರಸೆಲ್​ 2018ರಲ್ಲಿ 7ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ನಡೆಸಿ 88 ರನ್​ಗಳಿಸಿದ್ದರು. ಧೋನಿ ಇದೇ ವರ್ಷ ಆರ್​ಸಿಬಿ ವಿರುದ್ಧ 84ರನ್​ಗಳಿಸಿದ್ದರು. 2016ರಲ್ಲಿ ಕ್ರಿಸ್​ ಮೋರಿಸ್ ಗುಜರಾತ್​ ವಿರುದ್ಧ 82 ರನ್​ಗಳಿಸಿ ಕೆಳ ಕ್ರಮಾಂಕದಲ್ಲಿ ಗರಿಷ್ಠ ರನ್​ ದಾಖಲೆ ​ ಹೊಂದಿದ್ದರು.