ಹೈದರಾಬಾದ್: ಧೋನಿ ನಾಯಕತ್ವದ ಸಿಎಸ್ಕೆ ತಂಡ ಬುಧವಾರ ಹೈದರಾಬಾದ್ನಲ್ಲಿ ಸನ್ರೈಸರ್ಸ್ ತಂಡವನ್ನು ಎದುರಿಸಲಿದೆ.
ಟಾಸ್ ಗೆದ್ದರೂ ಎರಡು ಪಂದ್ಯ ಕಳೆದುಕೊಂಡಿರುವ ಹೈದರಾಬಾದ್ ತಂಡ ಕಡಿಮೆ ಮೊತ್ತವನ್ನು ಚೇಸ್ ಮಾಡಲಾಗದೆ ಸೋಲನ್ನೊಪ್ಪಿಕೊಂಡಿದೆ. ಹೈದರಾಬಾದ್ ವಾರ್ನರ್ ಹಾಗೂ ಬ್ಯಾರ್ಸ್ಟೋವ್ ಅವರ ಮೇಲೆ ಹೆಚ್ಚು ಅವಲಂಬಿತವಾಗಿದ್ದು ಅವರಿಬ್ಬರು ವಿಫಲರಾದರೆ ಪಂದ್ಯ ಸೋಲುಕಾಣುತ್ತಿದೆ.
ಮನೀಷ್ ಪಾಂಡೆ, ದೀಪಕ್ ಹೂಡಾ, ಯೂಸುಫ್ ಪಠಾಣ್, ವಿಜಯ್ ಶಂಕರ್, ಮೊಹಮದ್ ನಬಿ ಸೇರಿದಂತೆ ಮಧ್ಯಮ ಕ್ರಮಾಂಕ ಸಂಪೂರ್ಣ ವಿಫಲವಾಗುತ್ತಿದೆ. ಏನೇ ಪ್ರಯೋಗ ಮಾಡಿದರೂ ಹೈದರಾಬಾದ್ಗೆ ಗೆಲುವು ಮರೀಚಿಕೆಯಾಗಿದೆ.
ಮುಂಬೈ ವಿರುದ್ಧ 137 ರನ್ ಚೇಸ್ ಮಾಡಲಾಗದೆ 96ಕ್ಕೆ, ಡೆಲ್ಲಿ ವಿರುದ್ಧ 156 ರನ್ ಚೇಸ್ ಮಾಡಲಾಗದೆ 116ಕ್ಕೆ ಆಲೌಟ್ ಆಗುವ ಮೂಲಕ ಹೀನಾಯ ಸೋಲುಕಂಡಿದೆ. ಇಂದಿನ ಪಂದ್ಯದಲ್ಲಿ ಬಲಿಷ್ಠ ಬೌಲಿಂಗ್ ಪಡೆ ಹೊಂದಿರುವ ಸಿಎಸ್ಕೆ ವಿರುದ್ದ ಕಣಕ್ಕಿಳಿಯುತ್ತಿದ್ದು, ಮಧ್ಯಮ ಕ್ರಮಾಂಕದ ಆಟಗಾರರು ತಪ್ಪನ್ನು ತಿದ್ದಿಕೊಳ್ಳದಿದ್ದರೆ ಇಂದಿನ ಪಂದ್ಯದಲ್ಲೂ ಸೋಲು ಕಾಣಬೇಕಾಗುತ್ತದೆ.
ಇನ್ನು ಚೆನ್ನೈ ಆಡಿರುವ 8 ಪಂದ್ಯಗಳಲ್ಲಿ 7ರಲ್ಲಿ ಜಯ ಸಾಧಿಸಿದೆ. ಇಂದಿನ ಪಂದ್ಯ ಗೆದ್ದರೆ ಇನ್ನು 4-5 ಪಂದ್ಯಗಳಿರುವ ಮುನ್ನವೇ ಪ್ಲೇ ಆಫ್ ಖಚಿತಪಡಿಸಿಕೊಳ್ಳಲಿದೆ. ಸಿಎಸ್ಕೆ ಬಹುತೇಕ ಹಿಂದಿನ ಪಂದ್ಯದಲ್ಲಿ ಆಡಿರುವ ತಂಡವನ್ನೇ ಕಣಕ್ಕಿಸಿಸುವ ಸಾಧ್ಯತೆಯಿದೆ.
ಮುಖಾಮುಖಿ:
ಎರಡು ತಂಡಗಳು 11 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಚೆನ್ನೈ 9ರಲ್ಲಿ ಹೈದರಾಬಾದ್ 2ರಲ್ಲಿ ಜಯ ಸಾಧಿಸಿದೆ. ಹೈದರಾಬಾದ್ನಲ್ಲಿ ನಡೆದಿರುವ 3 ಪಂದ್ಯಗಳಲ್ಲಿ ಸಿಎಸ್ಕೆ 2, ಎಸ್ಆರ್ಹೆಚ್ 1ರಲ್ಲಿ ಜಯ ಸಾಧಿಸಿದೆ.
ಎರಡೂ ತಂಡಗಳ ಸಂಭಾವ್ಯ 11ರ ಬಳಗ ಇಂತಿದೆ:
ಸನ್ರೈಸರ್ಸ್ ಹೈದರಾಬಾದ್:
ಜಾನಿ ಬ್ಯಾರ್ಸ್ಟೋವ್, ಡೇವಿಡ್ ವಾರ್ನರ್, ಕೇನ್ ವಿಲಿಯಮ್ಸನ್/ಮಾರ್ಟಿನ್ ಗಫ್ಟಿಲ್, ವಿಜಯ್ ಶಂಕರ್, ಮನೀಷ್ ಪಾಂಡೆ, ಯೂಸುಫ್ ಪಠಾಣ್, ಶಕಿಬ್ ಅಲ್ ಹಸನ್/ಮಹಮ್ಮದ್ ನಬಿ, ಭುವನೇಶ್ವರ್ ಕುಮಾರ್, ರಶೀದ್ ಖಾನ್, ಸಿದ್ದಾರ್ಥ್ ಕೌಲ್, ಸಂದೀಪ್ ಶರ್ಮಾ
ಚೆನ್ನೈ ಸೂಪರ್ ಕಿಂಗ್ಸ್:
ಶೇನ್ ವಾಟ್ಸನ್, ಅಂಬಾಟಿ ರಾಯುಡು, ಸುರೇಶ್ ರೈನಾ, ಎಂ.ಎಸ್.ಧೋನಿ, ಕೇದಾರ್ ಜಾಧವ್, ಇಮ್ರಾನ್ ತಾಹಿರ್, ಹರಭಜನ್ ಸಿಂಗ್, ಡ್ವೇನ್ ಬ್ರಾವೋ, ರವೀಂದ್ರ ಜಡೇಜಾ, ದೀಪಕ್ ಚಹಾರ್, ಶಾರ್ದುಲ್ ಠಾಕೂರ್
