ನವದೆಹಲಿ: ಖಾಸಗಿ ಕಾರ್ಯಕ್ರಮದಲ್ಲಿ ಮಹಿಳೆಯರ ಬಗ್ಗೆ ಅವಹೇಳನಕಾರಿ ಹೇಳಿಕೆ ನೀಡಿದ್ದ ಹಾರ್ದಿಕ್ ಪಾಂಡ್ಯ ಹಾಗೂ ರಾಹುಲ್ ಸಂಕಷ್ಟಕ್ಕಿಡಾಗಿದ್ದು ಎಲ್ಲರಿಗೂ ಗೊತ್ತಿದೆ. ಜತೆಗೆ ಆಸ್ಟ್ರೇಲಿಯಾ ಟೂರ್ನಿಯಿಂದ ಹೊರಬಿದ್ದಿದ್ದ ಈ ಇಬ್ಬರು ಪ್ಲೇಯರ್ಸ್ ಇದೀಗ ವಿಶ್ವಕಪ್ ಟೀಂನಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.
ಇನ್ನು ಪ್ರಕರಣದ ವಿಚಾರಣೆ ನಡೆಸಲು ಬಿಸಿಸಿಐ ನೇಮಕಗೊಳಿಸಿದ್ದ ಒಂಬುಡ್ಸ್ ಮನ್ ಇಬ್ಬರು ಆಟಗಾರರಿಗೆ ದಂಡ ವಿಧಿಸಿದೆ. ಕೆಲಸದ ವೇಳೆ ಪ್ರಾಣ ತೆತ್ತ 10 ಅರೆ ಸೇನಾ ಕಾನ್ಸ್ಟೆಬಲ್ ವಿಧವಾ ಪತ್ನಿಯರಿಗೆ ಒಂದು ಲಕ್ಷ ಹಣ ನೀಡುವಂತೆ ಆದೇಶ ನೀಡಲಾಗಿದೆ. ಇದೀಗ ಇಬ್ಬರು ಆಟಗಾರರು ತಲಾ ಒಂದು ಲಕ್ಷ ರೂಪಾಯಿಯನ್ನ ಹತ್ತು ಮಂದಿ ವಿಧವಾ ಮಹಿಳೆಯರಿಗೆ ನೀಡಬೇಕಾಗಿದೆ. ಇದರ ಜತೆಗೆ 10 ಲಕ್ಷ ರೂ ಹಣವನ್ನ ಅಂದರ ಕ್ರಿಕೆಟ್ ಅಭಿವೃದ್ಧಿಗಾಗಿ ಠೇವಣಿ ಇಡಲು ಸೂಚನೆ ನೀಡಲಾಗಿದೆ. ಮುಂದಿನ ನಾಲ್ಕು ವಾರಗಳಲ್ಲಿ ಈ ಹಣ ನೀಡುವಂತೆ ಕಟ್ಟಪ್ಪಣೆ ಮಾಡಲಾಗಿದೆ.
ಖಾಸಗಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಮಹಿಳೆಯರ ಕುರಿತು ವಿವಾದಿತ ಹೇಳಿಕೆ ನೀಡಿದ ಬಳಿಕ ಇಬ್ಬರು ಪ್ಲೇಯರ್ಸ್ ವಿರುದ್ಧ ಆಕ್ರೋಶ ವ್ಯಕ್ತವಾಗಿತ್ತು. ಅದೇ ವೇಳೆ ಇಬ್ಬರು ಆಟಗಾರರ ಮೇಲೆ ಕ್ರಮ ಕೈಗೊಂಡಿದ್ದ ಬಿಸಿಸಿಐ ಕೆಲ ಕ್ರಿಕೆಟ್ ಪಂದ್ಯಗಳಿಂದ ನಿಷೇಧ ಕೂಡ ಹಾಕಿತ್ತು.
