ಹೈದರಾಬಾದ್: ಎಸ್ಆರ್ಹೆಚ್ ಹಾಗೂ ಕೆಕೆಆರ್ ಪಂದ್ಯ ವೀಕ್ಷಣೆ ವೇಳೆ ಕ್ರಿಕೆಟ್‌ ಅಭಿಮಾನಿಯೊಬ್ಬನಿಗೆ ಪಂದ್ಯ ವೀಕ್ಷಣೆ ಮಾಡಲು ಅಡಚಣೆ ಮಾಡಿ, ಬೆದರಿಕೆಯೊಡ್ಡಿದ ಆರೋಪದ ಮೇಲೆ ಆರು ಮಂದಿ ವಿರುದ್ಧ ಎಫ್‌ಐಆರ್‌ ದಾಖಲಿಸಲಾಗಿದೆ.
ಹೈದರಾಬಾದ್ ಉಪ್ಪಾಳದ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಕೋಲ್ಕತಾ ನೈಟ್‌ರೈಡರ್ಸ್‌ ಮತ್ತು ಸನ್‌ರೈಸರ್ಸ್‌ ಹೈದರಾಬಾದ್ ತಂಡಗಳ ಪಂದ್ಯದಲ್ಲಿ ಅಭಿಮಾನಿಯೊಬ್ಬನಿಗೆ ಪಂದ್ಯ ವೀಕ್ಷಣೆ ಅಡಚಣೆ ಮಾಡಿದ್ದಕ್ಕೆ ತೆಲುಗು ಟಿವಿ ನಟಿ ಪ್ರಶಾಂತಿ ಸೇರಿದಂತೆ 5 ಮಂದಿ ಮೇಲೆ ಸ್ಥಳೀಯ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಪಂದ್ಯ ವೀಕ್ಷಿಸಲು ಬಿಡದೇ, ನನ್ನನ್ನು ನಿಂದಿಸಿ, ಕೆಟ್ಟ ಮಾತುಗಳನ್ನಾಡಿದ್ದಲ್ಲದೇ, ಬೆದರಿಕೆ ಸಹ ಒಡ್ಡಿದ್ದಾರೆ ಎಂದು ಅಭಿಮಾನಿ ದೂರಿನಲ್ಲಿ ದಾಖಲಿಸಿದ್ದಾರೆ.
ಈ ಪಂದ್ಯದಲ್ಲಿ ಡೇವಿಡ್ ವಾರ್ನರ್ ಹಾಗೂ ಬ್ಯಾನಿ ಸ್ಟೋರ್ವರ್ ಅವರ ಅರ್ಧಶತಕಗಳ ನೆರವಿನಿಂದ ಹೈದರಾಬಾದ್ 9 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿ ಅಂಕಪಟ್ಟಿಯಲ್ಲಿ 4 ನೇ ಸ್ಥಾನಕ್ಕೇರಿದೆ.
