ಹೈದರಾಬಾದ್: ಐಸಿಸಿ ಏಕದಿನ ವಿಶ್ವಕಪ್ ಮಹಾಯುದ್ದಕ್ಕೆ ಕ್ಷಣಗಣನೆ ಆರಂಭಗೊಂಡಿದೆ. ಮೇ.30ರಿಂದ 10 ತಂಡಗಳು ಪ್ರಶಸ್ತಿಗಾಗಿ ಬಿಗ್ಫೈಟ್ ನಡೆಸಲಿದ್ದು, ಎಲ್ಲ ಟೀಂಗಳ ಪ್ಲೇಯರ್ಸ್ ಅದ್ಭುತ ಪ್ರದರ್ಶನ ನೀಡುವ ಆತ್ಮವಿಶ್ವಾಸ ಹೊಂದಿದ್ದಾರೆ.
ಇಲ್ಲಿಯವರೆಗೆ 11 ವಿಶ್ವಕಪ್ ಮಹಾಟೂರ್ನಿಗಳು ನಡೆದಿದ್ದು, ಆಸ್ಟ್ರೇಲಿಯಾ ಅತೀ ಹೆಚ್ಚು ಸಲ ಟ್ರೋಫಿ ಗೆದ್ದಿರುವ ತಂಡವಾಗಿ ಹೊರಹೊಮ್ಮಿದೆ. 1975ರಿಂದ 1992ರವರೆಗೆ ಒಟ್ಟು ಐದು ವಿಶ್ವಕಪ್ ಟೂರ್ನಿ ನಡೆದಿವೆ. ಆದರೆ 1992ರ ನಂತರ ನಡೆದ ವಿಶ್ವಕಪ್ನಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ಒಬ್ಬ ಪ್ಲೇಯರ್ಗೆ ಮ್ಯಾನ್ ಆಫ್ ದಿ ಸಿರೀಸ್ ಅವಾರ್ಡ್ ನೀಡಲಾಗ್ತಿದೆ.
ಪ್ರಮುಖವಾಗಿ ಈ ಹಿಂದಿನ ವಿಶ್ವಕಪ್ಗಳಲ್ಲಿ ಮ್ಯಾನ್ ಆಫ್ ದಿ ಸಿರೀಸ್ ಪ್ರಶಸ್ತಿಗೆ ಮುತ್ತಿಕ್ಕಿರುವ ಪ್ರಮುಖ ಏಳು ಪ್ಲೇಯರ್ಸ್ಗಳ ಮಾಹಿತಿ ಇಂತಿದೆ.
ಮಾರ್ಟಿನ್ ಕ್ರೌನ್(ನ್ಯೂಜಿಲೆಂಡ್)-1992ರ ವಿಶ್ವಕಪ್
ಬ್ಯಾಟ್ಸ್ಮನ್: 9ಇನ್ನಿಂಗ್ಸ್: 456ರನ್
1992ರಲ್ಲಿ ನ್ಯೂಜಿಲೆಂಡ್ ಹಾಗೂ ಇಂಗ್ಲೆಂಡ್ನಲ್ಲಿ ಆಯೋಜನೆಗೊಂಡಿದ್ದ ವಿಶ್ವಕಪ್ನಲ್ಲಿ ಮಾರ್ಟಿನ್ ಕ್ರೌನ್ ತಂಡದ ಪರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದ್ದರು. ಸೆಮಿಫೈನಲ್ ಪ್ರವೇಶ ಪಡೆದುಕೊಂಡಿದ್ದ ತಂಡ ಇಮ್ರಾನ್ ಖಾನ್ ನೇತೃತ್ವದ ಪಾಕ್ ವಿರುದ್ಧ ಸೋಲು ಕಂಡಿತ್ತು. ಲೀಗ್ ಹಂತದ ಪಂದ್ಯದಲ್ಲಿ 83 ಎಸೆತಗಳಲ್ಲಿ 91ರನ್ಗಳಿಕೆ ಮಾಡಿದ್ದ ಕ್ರೌನ್, ಈ ವಿಶ್ವಕಪ್ನಲ್ಲಿ ಅತೀ ಹೆಚ್ಚು ರನ್ ಸಿಡಿಸಿದ ಆಟಗಾರನೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.
ಸನತ್ ಜಯಸೂರ್ಯ(ಶ್ರೀಲಂಕಾ)-1996 ವಿಶ್ವಕಪ್
ಆಲ್ರೌಂಡರ್: 8ಇನ್ನಿಂಗ್ಸ್:221ರನ್, 7ವಿಕೆಟ್
ಶ್ರೀಲಂಕಾ ತಂಡದ ಮಾಜಿ ಸ್ಫೋಟಕ ಪ್ಲೇಯರ್ ಜಯಸೂರ್ಯ ಅದ್ಭುತ ಪ್ರದರ್ಶನ ನೀಡಿ ತಂಡಕ್ಕೆ ಟ್ರೋಫಿ ಗೆಲ್ಲಿಸಿಕೊಡುವಲ್ಲಿ ಮಹತ್ವದ ಪಾತ್ರ ವಹಿಸಿದ್ದರು.
ಲ್ಯಾನ್ಸ್ ಕ್ಲೂಸ್ನರ್(ದಕ್ಷಿಣ ಆಫ್ರಿಕಾ)-1999ರ ವಿಶ್ವಕಪ್
ಆಲ್ರೌಂಡರ್: 8ಇನ್ನಿಂಗ್ಸ್:281ರನ್,17ವಿಕೆಟ್
ದಕ್ಷಿಣ ಆಫ್ರಿಕಾದ ಮಾಜಿ ಆಲ್ರೌಂಡರ್ ಲ್ಯಾನ್ಸ್ 1999ರ ವಿಶ್ವಕಪ್ನಲ್ಲಿ ಮಹತ್ವದ ಪ್ಲೇಯರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ಕೇವಲ 8ಇನ್ನಿಂಗ್ಸ್ ನಿಂದ 281ರನ್ಗಳಿಕೆ ಮಾಡಿದ್ದ ಈ ಪ್ಲೇಯರ್,17ವಿಕೆಟ್ ಕಬಳಿಸಿದ್ದರು.
ಸಚಿನ್ ತೆಂಡೂಲ್ಕರ್(ಭಾರತ)-2003ರ ವಿಶ್ವಕಪ್
ಬ್ಯಾಟ್ಸ್ಮನ್: 11ಇನ್ನಿಂಗ್ಸ್,673ರನ್
ಗಾಡ್ ಆಫ್ ದಿ ಕ್ರಿಕೆಟ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಸಚಿನ್, 2003ರ ವಿಶ್ವಕಪ್ನಲ್ಲಿ ರನ್ ಮಳೆ ಹರಿಸಿದ್ದರು. ಈ ವೇಳೆ ಫೈನಲ್ ಪಂದ್ಯದಲ್ಲಿ ಭಾರತ ಆಸ್ಟ್ರೇಲಿಯಾ ವಿರುದ್ಧ ಸೋಲು ಕಂಡಿತ್ತು. ಈ ಟೂರ್ನಿಯಲ್ಲಿ ಒಂದು ಶತಕ ಹಾಗೂ ಆರು ಫಿಫ್ಟಿ ಸಿಡಿಸಿ ಸಚಿನ್ ಮ್ಯಾನ್ ಆಫ್ ದಿ ಸಿರೀಸ್ ಪ್ರಶಸ್ತಿ ಗೆದ್ದಿದ್ದರು.
ಗ್ಲೆನ್ ಮೆಗ್ರಾಥ್(ಆಸ್ಟ್ರೇಲಿಯಾ)-2007 ವಿಶ್ವಕಪ್
ಬೌಲರ್: 11 ಪಂದ್ಯ, 26ವಿಕೆಟ್
ಆಸ್ಟ್ರೇಲಿಯಾ ತಂಡದ ವೇಗದ ಬೌಲರ್. ಆಸ್ಟ್ರೇಲಿಯಾ ಪರ ಅತಿ ಹೆಚ್ಚು ವಿಕೆಟ್(563) ಪಡೆದುಕೊಂಡಿರುವ ಈ ಬೌಲರ್ 2007 ವಿಶ್ವಕಪ್ನಲ್ಲಿ ಮ್ಯಾನ್ ಆಫ್ ದಿ ಸಿರೀಸ್ ಪ್ರಶಸ್ತಿಗೆ ಭಾಜನರಾಗಿದ್ದರು. ವಿಶ್ವಕಪ್ನಲ್ಲಿ ಬರೋಬ್ಬರಿ 71ವಿಕೆಟ್ ಪಡೆದುಕೊಂಡಿರುವ ಈ ಪ್ಲೇಯರ್ 2007ರ ವರ್ಲ್ಡ್ಕಪ್ನಲ್ಲಿ 11 ಪಂದ್ಯಗಳಿಂದ 26 ವಿಕೆಟ್ ಪಡೆದುಕೊಂಡಿದ್ದರು.
ಯುವರಾಜ್ ಸಿಂಗ್(ಭಾರತ)-2011 ವಿಶ್ವಕಪ್
ಆಲ್ರೌಂಡರ್: 8ಇನ್ನಿಂಗ್ಸ್,362ರನ್/9 ಇನ್ನಿಂಗ್ಸ್ 15ವಿಕೆಟ್
ಇಂಡಿಯಾ ತಂಡದ ಆಲ್ರೌಂಡರ್ ಹಾಗೂ ಟೀಂ ಇಂಡಿಯಾ ವಿಶ್ವಕಪ್ ಎತ್ತಿ ಹಿಡಿಯುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದ್ದ ಯುವಿ, ಈ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದರು. ಧೋನಿ ನೇತೃತ್ವದ ಟೀಂ ಇಂಡಿಯಾ ಈ ಟೂರ್ನಿಯಲ್ಲಿ ಶ್ರೀಲಂಕಾ ವಿರುದ್ಧ ಭರ್ಜರಿ ಗೆಲುವು ದಾಖಲು ಮಾಡಿ, ವಿಶ್ವಕಪ್ ಎತ್ತಿ ಹಿಡಿದಿತ್ತು.
ಮಿಚೆಲ್ ಸ್ಟಾರ್ಕ್(ಆಸ್ಟ್ರೇಲಿಯಾ)-2015 ವಿಶ್ವಕಪ್
ಬೌಲರ್: 8 ಪಂದ್ಯ 22ವಿಕೆಟ್
ಕಾಂಗರೂ ಪಡೆ ಐದನೇ ಸಲ ವಿಶ್ವಕಪ್ ಟ್ರೋಪಿ ಎತ್ತಿಹಿಡಿಯುವಲ್ಲಿ ಮಿಚೆಲ್ ಸ್ಟಾರ್ಕ್ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. 11ನೇ ಆವೃತ್ತಿ ವಿಶ್ವಕಪ್ನಲ್ಲಿ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದ್ದ ಈ ಪ್ಲೇಯರ್,22 ವಿಕೆಟ್ ಪಡೆದುಕೊಂಡಿದ್ದಾರೆ. ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ಹಾಗೂ ಆಸ್ಟ್ರೇಲಿಯಾ ಮುಖಾಮುಖಿಯಾಗಿದ್ದವು.
