ಕೊಲ್ಲಂ(ಕೇರಳ): ಹೆಲ್ಮೆಟ್ ಧರಿಸಿದ್ದ ಯುವಕನೊಬ್ಬ ಹಗಲು ಹೊತ್ತಿನಲ್ಲೇ ಜ್ಯುವೆಲ್ಲರಿ ಸಿಬ್ಬಂದಿಗೆ ಚಾಕುವಿನಿಂದ ಬೆದರಿಕೆ ಹಾಕಿ, ಚಿನ್ನಾಭರಣ ದೋಚಿದ ಘಟನೆ ಕೇರಳದ ಕೊಲ್ಲಂನಲ್ಲಿ ನಡೆದಿದೆ.
ಕೊಲ್ಲಂನ ಮೂನ್ನಂಕುಟ್ಟಿ ಜಂಕ್ಷನ್‌ನಲ್ಲಿರುವ ಜ್ಯುವೆಲ್ಲರಿ ಶಾಪ್ನಲ್ಲಿ ಘಟನೆ ನಡೆದಿದ್ದು, ಶಾಪ್ ಒಳಗೆ ಬಂದ ಹೆಲ್ಮೆಟ್ ಧರಿಸಿದ ವ್ಯಕ್ತಿಯೊಬ್ಬ ಸಿಬ್ಬಂದಿಗೆ ಚಾಕುವಿನಿಂದ ಬೆದರಿಕೆ ಹಾಕಿದ್ದು, ಕಪಾಟಿನಲ್ಲಿದ್ದ ಸುಮಾರು 25 ಗ್ರಾಮ್ ತೂಕದ ಚಿನ್ನದ ಸರವನ್ನು ತೆಗೆದುಕೊಂಡಿದ್ದಾನೆ.
ಇದಕ್ಕೆ ಸಿಬ್ಬಂದಿ ಪ್ರತಿರೋಧ ವ್ಯಕ್ತಪಡಿಸಿದಾಗ ಚಾಕುವಿನ ಜೊತೆಗೆ ದುಷ್ಕರ್ಮಿ ಕೆಳಗೆ ಬಿದ್ದಿದ್ದಾನೆ. ಸಿಬ್ಬಂದಿ ಬೆನ್ನಟ್ಟಿದರೂ ಕೂಡಾ ದುಷ್ಕರ್ಮಿ ತಪ್ಪಿಸಿಕೊಂಡಿರುವುದು ಸಿಸಿಟಿವಿ ದೃಶ್ಯಾವಳಿ ಮೂಲಕ ಬಯಲಾಗಿದೆ.
ಶಾಪ್ನ ಒಳಗಡೆ ಬರುವ ಮೊದಲು ಯುವಕ ಶಾಪ್ನ ಹೊರಗೆ ಕೆಲ ಸಮಯ ಕಳೆದಿದ್ದನು ಎಂದು ಪೊಲೀಸರು ಮಾಹಿತಿ ನೀಡಿದ್ದು, ಸಿಸಿಟಿವಿಯ ದೃಶ್ಯಗಳನ್ನು ಆಧರಿಸಿ, ತನಿಖೆ ಕೈಗೊಂಡಿದ್ದಾರೆ.
ಇದನ್ನೂ ಓದಿ: ಹೆದ್ದಾರಿಯಲ್ಲಿ ಬೈಕ್ ಎಗರಿಸಲು ಹೋಗಿ ಬಿದ್ದ ಯುವಕ : ಗಂಭೀರ ಗಾಯ
