ಕ್ರಿಕೆಟ್​ ಆಡುತ್ತಿದ್ದ ವೇಳೆ ಹೃದಯಾಘಾತ: ಮೈದಾನದಲ್ಲೇ ಉಸಿರು ಬಿಟ್ಟ ಕ್ರಿಕೆಟಿಗ

ಕ್ರಿಕೆಟ್​ ಆಡುತ್ತಿದ್ದ ವೇಳೆ ಮೈದಾನದಲ್ಲೇ ಕುಸಿದು ಬಿದ್ದ ಯುವಕ - ಆಸ್ಪತ್ರೆಗೆ ಕರೆದೊಯ್ಯುವ ಮೊದಲೇ ಸಾವು - ಗುಜರಾತ್​ನಲ್ಲಿ ಆಟದ ವೇಳೆ ಸಾವಾಗುತ್ತಿರುವ ಮೂರನೇ ಪ್ರಕರಣ

ರಾಜ್‌ಕೋಟ್ (ಗುಜರಾತ್​): ಬದಲಾಗುತ್ತಿರುವ ಜೀವನ ಶೈಲಿ ಮತ್ತು ಆಹಾರದಿಂದಾಗಿ ಮನುಷ್ಯನಾ ಜೀವಿತಾವಧಿ ಕುಂಟಿತವಾಗುತ್ತಿದೆ. ಮನುಷ್ಯನ ಜೀವಿತಾವಧಿ 100 ಎಂದು ಮೊದಲು ಹೇಳಲಾಗುತ್ತಿದೆಯಾದರೂ , ಈಗ ಸರಾಸರಿ 65 ರಿಂದ 75 ರ ನಡುವೆ ಆಗಿದೆ. ಅಲ್ಲದೇ ಈಗ ಯುವಕರಲ್ಲಿ ಕಂಡು ಬರುತ್ತಿರುವ ಹೃದಯಾಘಾತದಿಂದ ಸಣ್ಣ ವಯಸ್ಸಿನಲ್ಲೇ ಸಾವನಪ್ಪುವವರ ಸಂಖ್ಯೆಯೂ ಹೆಚ್ಚಾಗಿದೆ. ಜಿಮ್​ ಮತ್ತು ಸ್ಪೋರ್ಟ್ಸ್​ನಲ್ಲಿ ಇರುವಾಗ ಹೃದಯಾಘಾತ ಆಗಿರುವ ಘಟನೆಗಳು ಮರುಕಳಿಸುತ್ತಿವೆ.

ಗುಜರಾತ್​ನ ರಾಜ್​ಕೋಟ್​ನಲ್ಲಿ ಕ್ರಿಕೆಟ್​ ಆಡುವ ವೇಳೆ 31 ವರ್ಷದ ಹಾರ್ದಿಕ್​ ಚೌಹಾಣ್ ಎಂಬುವವರು ಮೈದಾನದಲ್ಲಿ ಕುಸಿದು ಬಿದ್ದು ಪ್ರಾಣ ಬಿಟ್ಟಿದ್ದಾರೆ. ಇಂಟರ್ ಪ್ರೆಸ್ ಕ್ರಿಕೆಟ್ ಟೂರ್ನಮೆಂಟ್ ಅಡಿಯಲ್ಲಿ ವಿವಿಧ ತಂಡಗಳ ನಡುವೆ ನಡೆಯುತ್ತಿದ್ದ ಪಂದ್ಯದಲ್ಲಿ ಈ ಘಟನೆ ಆಗಿದೆ. ಪಂದ್ಯದಲ್ಲಿ 18 ಎಸೆತದಲ್ಲಿ 30 ರನ್​ ಗಳಿಸಿ ಕ್ರೀಸ್​ನಲ್ಲಿದ್ದ ಹಾರ್ದಿಕ್​ಗೆ ಎದೆಯಲ್ಲಿ ನೋವು ಕಾಣಿಸಿಕೊಂಡು, ಪ್ರಜ್ಞೆ ತಪ್ಪಿ ಪೀಲ್ಡ್​ನಲ್ಲೇ ಬಿದ್ದಿದ್ದಾರೆ. ಕೂಡಕಲೇ ಅವರನ್ನು ಆಸ್ಪತ್ರೆಗೆ ಸೇರಿಸಿದರೂ ಪ್ರಯೋಜನವಾಗಲಿಲ್ಲ. ಹಾರ್ದಿಕ್​ ಚೌಹಾಣ್ ಪತ್ರಿಕೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು.

ಕ್ರಿಕೆಟ್​ ಆಡುತ್ತಿದ್ದ ವೇಳೆ ಹೃದಯಾಘಾತ ಆದ ಮೂರನೇ ಘಟನೆ ಇದಾಗಿದೆ. ಕೆಲ ದಿನಗಳ ಹಿಂದೆ ರಾಜ್‌ಕೋಟ್‌ನ ಶಾಸ್ತ್ರಿ ಮೈದಾನದಲ್ಲಿ ಕ್ರಿಕೆಟ್ ಆಡುತ್ತಿದ್ದ ವೇಳೆ ಮತ್ತು ನಗರದ ಗಾಂಧಿಗ್ರಾಮ್ ಪ್ರದೇಶದ ಭಾರತಿ ನಗರದಲ್ಲಿ ವಾಸಿಸುತ್ತಿದ್ದ ಯುವಕ ಕೂಡ ಕ್ರಿಕೆಟ್ ಆಡಿದ ನಂತರ ಹೃದಯಾಘಾತಕ್ಕೆ ಒಳಗಾಗಿದ್ದರು.

ಈ ಘಟನೆಗೆ ಸಂಬಂಧಿಸಿದಂತೆ ರಾಜ್‌ಕೋಟ್‌ನ ಖ್ಯಾತ ಹೃದಯ ತಜ್ಞ ಡಾ.ರಾಜೇಶ್ ತೈಲಿ ಮಾತನಾಡಿ, "ಚಿಕ್ಕ ವಯಸ್ಸಿನಲ್ಲಿ ಹೃದಯಾಘಾತ ಮತ್ತು ಹಠಾತ್ ಸಾವಿಗೆ ನಮ್ಮ ಜೀವನಶೈಲಿ ಪ್ರಮುಖ ಕಾರಣವಾಗಿದೆ. ಅದರಲ್ಲಿ ಅತಿಯಾದ ಒತ್ತಡದ ಜೀವನ, ಅನಿಯಮಿತ ಆಹಾರ, ವೈವಿಧ್ಯಮಯ ಆಹಾರ ಪದ್ಧತಿಗಳು ಇದಕ್ಕೆ ಕಾರಣವಾಗಿವೆ" ಎಂದಿದ್ದಾರೆ.

"ಅಲ್ಲದೇ ದಿನ ನಿತ್ಯ ವ್ಯಾಯಾಮ ಮತ್ತು ಕ್ರೀಡೆಗಳಲ್ಲಿ ತೊಡಗಿಕೊಂಡಿದ್ದರೆ ಅಷ್ಟು ಸಮಸ್ಯೆ ಆಗುವುದಿಲ್ಲ. ಒಮ್ಮೆಗೆ ದೈಹಿಕ ಚಟುವಟಿಕೆಗಳಲ್ಲಿ ಭಾಗವಹಿಸುವುದರಿಂದ ಹೃದಯಾಘಾತವಾಗುವ ಸಾಧ್ಯತೆಯಿದೆ. ಜಿಮ್​ ಮತ್ತು ಕ್ರೀಡೆಯಲ್ಲಿ ಒಮ್ಮೆಗೆ ಭಾಗವಹಿಸುವಾಗ ಹೃದಯ ತಪಾಸಣೆ ಮಾಡಿಸಿಕೊಂಡು ವೈದ್ಯಕೀಯ ಸಲಹೆ ಪಡೆಯುವುದು ಉತ್ತಮ" ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಉಳ್ಳಾಲ: ಪೊಲೀಸ್ ಪೇದೆಯ ಸಾವಿಗೆ ಶರಣು .. ಆತ್ಮಹತ್ಯೆಗೆ ಯತ್ನಿಸಿದ ಪಿಯುಸಿ ವಿದ್ಯಾರ್ಥಿನಿ ಸಾವು

ಸ್ವಂತ ಮದುವೆ ಕಾರ್ಡ್ ಹಂಚಲು ಹೊರಟಿದ್ದ ಯುವಕನಿಗೆ ಟ್ರಕ್ ಡಿಕ್ಕಿ: ಸೂರತ್ ನಗರದ ಪೂರ್ಣಗಂ ಪ್ರದೇಶದಲ್ಲಿ ಗೊಡದಾರ ಸೇತುವೆ ಬಳಿ ತನ್ನ ಮದುವೆ ಕಾರ್ಡ್ ಹಂಚಲು ಹೊರಟಿದ್ದ ಯುವಕನಿಗೆ ಸಿಮೆಂಟ್ ತುಂಬಿದ ಟ್ರಕ್ ಡಿಕ್ಕಿ ಹೊಡೆದಿದೆ. ಬೈಕ್​ನಲ್ಲಿದ್ದ ಯುವಕ ಲಕ್ಷ್ಮಿ ಪಾರ್ಕ್ ಸೊಸೈಟಿಯ ನಿವಾಸಿ ಜಿತೇಂದ್ರ ಚರಣ್ (26) ಎಂದು ತಿಳಿದು ಬಂದಿದೆ. ಅಪಘಾತ ಆದ ಕೂಡಲೇ ಸ್ಥಳದಲ್ಲಿದ್ದವರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಜಿತೇಂದ್ರ ಚರಣ್ ಸಾವನ್ನಪ್ಪಿದ್ದಾರೆ. ಈ ಸಂಬಂಧ ಪುಣೆ ಪೊಲೀಸರು ಅಪಘಾತ ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.

ಇದನ್ನೂ ಓದಿ:ಮಡಿಕೇರಿ: ತಂದೆಯಿಂದಲೇ ಮಗನ ಹತ್ಯೆ