ಮೀರತ್(ಉತ್ತರ ಪ್ರದೇಶ): ಪೊಲೀಸರನ್ನ ಕಂಡರೆ ಮಾರುದ್ದ ಓಡೋರೇ ಹೆಚ್ಚು. ಆದರೆ, ಇಲ್ಲೋರ್ವ ಮಹಿಳೆ ತಾನು ಮಾಡಿರುವ ತಪ್ಪಿಗೆ ಲೇಡಿ ಕಾನ್ಸ್ಟೇಬಲ್ಯೊಬ್ಬರಿಗೆ ಚಪ್ಪಲಿಯಿಂದ ಹೊಡೆದಿದ್ದಾರೆ. ಉತ್ತರ ಪ್ರದೇಶದ ಮೀರತ್ನಲ್ಲಿ ಈ ಘಟನೆ ನಡೆದಿದೆ.
ಮೀರತ್ನಲ್ಲಿ ಗುರುವಾರ ಸಂಜೆ ಈ ಘಟನೆ ನಡೆದಿದ್ದು, ಮಹಿಳೆಯೊಬ್ಬರು ತಮ್ಮ ಸ್ಕೂಟಿ ಮೇಲೆ ರಾಂಗ್ ಸೈಡ್ ಮೂಲಕ ಹೋಗಲು ಪ್ರಯತ್ನಿಸಿದ್ದಾರೆ. ಈ ವೇಳೆ ಲೇಡಿ ಕಾನ್ಸ್ಟೇಬಲ್ ಪ್ರಶ್ನೆ ಮಾಡಿದ್ದಾರೆ. ಆಗ ಇಬ್ಬರ ನಡುವೆ ತೀವ್ರ ವಾಗ್ವಾದ ನಡೆದಿದೆ. ಇದರ ಬೆನ್ನಲೇ ಮಹಿಳಾ ಕಾನ್ಸ್ಟೇಬಲ್ಗೆ ಚಪ್ಪಲಿಯಿಂದ ಥಳಿಸಿದ್ದಾರೆ.
ಇದನ್ನೂ ಓದಿ: ರಾಜಕೀಯಕ್ಕೆ ಬರ್ತಾರಾ ಸೌರವ್ ಗಂಗೂಲಿ.. ಅವರ ಪತ್ನಿ ನೀಡಿದ್ರೂ ಇಂತಹದೊಂದು ಸುಳಿವು!
ಲಭ್ಯವಾಗಿರುವ ಮಾಹಿತಿಯ ಪ್ರಕಾರ, ಮಹಿಳೆ ಮತ್ತು ಅವರ 19 ವರ್ಷದ ಮಗಳು ತಮ್ಮ ಮನೆಗೆ ಹೋಗುತ್ತಿದ್ದರು, ಮಳೆಯಿಂದಾಗಿ ಬುಧಾನ್ ಗೇಟ್ ಬಳಿಯ ಪೊಲೀಸ್ ಔಟ್‌ಪೋಸ್ಟ್‌ನಲ್ಲಿ ಟ್ರಾಫಿಕ್ ಜಾಮ್ ಆಗಿದೆ. ಈ ವೇಳೆ ಮಹಿಳೆ ರಾಂಗ್ ಸೈಡ್ ಮೂಲಕ ಸ್ಕೂಟಿಯನ್ನ ಹೊರತೆಗೆಯಲು ಮುಂದಾಗಿದ್ದಾರೆ.
ಇದೇ ವಿಚಾರವಾಗಿ ಮಹಿಳಾ ಪೇದೆ ಪ್ರಶ್ನೆ ಮಾಡಿದ್ದು, ಇಬ್ಬರ ನಡುವೆ ಮಾತಿಕ ಚಕಮಕಿ ಆರಂಭಗೊಂಡಿದೆ. ಘಟನೆಗೆ ಸಂಬಂಧಿಸಿದಂತೆ ಮಾತನಾಡಿರುವ ಪೊಲೀಸರು ವಿಡಿಯೋ ಆಧರಿಸಿ ಎಫ್ಐಆರ್ ದಾಖಲಿಸುವುದಾಗಿ ಹೇಳಿದ್ದಾರೆ.
