ಅರಣ್ಯ ನಾಶವಾಗುವುದು ಹೆಚ್ಚಾದಂತೆ ಮಾನವ-ಪ್ರಾಣಿ ಸಂಘರ್ಷ ಸಹ ಹೆಚ್ಚಾಗುತ್ತಲೇ ಇದೆ. ಅದರಲ್ಲೂ ಕಾಡಂಚಿನ ಗ್ರಾಮಗಳಲ್ಲಂತೂ ಪ್ರತಿನಿತ್ಯ ಒಂದಿಲ್ಲೊಂದು ಪ್ರಾಣಿ ನಾಡಿಗೆ ಬರುವುದು ಸಾಮಾನ್ಯ ಎಂಬಂತಾಗಿದೆ. ಅಸ್ಸೋಂನಲ್ಲಿ ಆನೆಗಳ ಹಿಂಡೊಂದು ಜನರ ಮೇಲೆ ದಾಳಿಗೆ ಮುಂದಾದ ವಿಡಿಯೋವೊಂದು ಎಲ್ಲೆಡೆ ವೈರಲ್ ಆಗುತ್ತಿದೆ.
ಅಂತ್ಯಸಂಸ್ಕಾರಕ್ಕೆ ತೆರಳುತ್ತಿದ್ದವರ ಮೇಲೆ ದಾಳಿ ನಡೆಸಿದ ಆನೆಗಳ ಹಿಂಡು
ಈ ಘಟನೆ ನಡೆದಿದ್ದು ರಂಗಪರ ಎಂಬ ಊರಿನಲ್ಲಿ. ವ್ಯಕ್ತಿಯೋರ್ವ ಮೃತಪಟ್ಟ ಹಿನ್ನೆಲೆ ಅಂತ್ಯಸಂಸ್ಕಾರಕ್ಕೆ ತೆರಳುತ್ತಿದ್ದರು. ಈ ವೇಳೆ ಮುಂದೆ ಆನೆಗಳ ಹಿಂಡನ್ನು ಕಂಡ ಜನ ದಂಗಾಗಿದ್ದಾರೆ.
ಏನು ಮಾಡಬೇಕೆಂದು ತೋಚದೇ ಕಿರುಚಾಡಿ ಕರಿಪಡೆಯನ್ನು ಹಿಮ್ಮೆಟ್ಟಿಸಲು ಪ್ರಯತ್ನಿದ್ದಾರೆ. ಆದರೆ, ಆನೆಗಳು ಈ ಜನರ ಗುಂಪಿನ ಮೇಲೆಯೇ ದಾಳಿಗೆ ಮುಂದಾಗಿವೆ. ಈ ವೇಳೆ ಓರ್ವ ವ್ಯಕ್ತಿ ಸಹ ಗಾಯಗೊಂಡಿದ್ದಾರೆ ಎನ್ನಲಾಗಿದೆ. ಸದ್ಯ ಈ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.
ಓದಿ: ದುರ್ಗಾದೇವಿಯಾದ ಮಮತಾ ಬ್ಯಾನರ್ಜಿ.. ಬಂಗಾಳದಲ್ಲಿ ಹೀಗೂ ತಯಾರಾಯ್ತು ವಿಗ್ರಹ..
