’’ನನ್ನ ಮೇಲೆ ನಿರ್ದೇಶಕ ಅತ್ಯಾಚಾರ ಎಸಗಿದ್ದಾನೆ’’ : ಖ್ಯಾತ ಟೆಲಿವಿಷನ್​​ ನಟಿ ಆರೋಪ

ಟೆಲಿವಿಷನ್​​ ಖ್ಯಾತ ನಟಿಯೊಬ್ಬರು ತಮ್ಮ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಆರೋಪಿಸಿ ಮುಂಬೈನ ವರ್ಸೋವಾ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಮುಂಬೈ : ಟೆಲಿವಿಷನ್​​ ನಟಿಯೊಬ್ಬರು ತಮ್ಮ ಮೇಲೆ ಆಯುಷ್​ ತಿವಾರಿ ಎಂಬುವರು ಅತ್ಯಾಚಾರ ಎಸಗಿದ್ದಾರೆ ಎಂದು ಆರೋಪಿಸಿದ್ದಾರೆ. ಈ ಸಂಬಂಧ ವರ್ಸೋವಾ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ವೆರ್ಸೋವಾ ಠಾಣೆಯ ಪೊಲೀಸ ಅಧಿಕಾರಿಯೊಬ್ಬರ ಪ್ರಕಾರ, ಮದುವೆಯ ನೆಪದಲ್ಲಿ ಆರೋಪಿ ತನ್ನ ಮೇಲೆ ಎರಡು ವರ್ಷಗಳ ಅವಧಿಯಲ್ಲಿ ಅತ್ಯಾಚಾರ ಎಸಗಿದ್ದಾನೆ ಎಂದು ನಟಿ ದೂರಿದ್ದಾರೆ. ನಟಿ ನವೆಂಬರ್ 26 ರಂದು ದೂರು ದಾಖಲಿಸಿದ್ದರು. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಆರೋಪಿಯನ್ನು ಇನ್ನೂ ಬಂಧಿಸಿಲ್ಲ, ಆದರೆ ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.