ತಾಪಿ ನದಿಯಲ್ಲಿ ಮುಳುಗಿ ಮೂವರು ಮಕ್ಕಳು ದುರ್ಮರಣ

ನದಿ ದಡದ ಮೇಲೆ ಆಟವಾಡ್ತಿದ್ದ ವೇಳೆ ಏಕಾಏಕಿ ನೀರಿನ ಮಟ್ಟದಲ್ಲಿ ಏರಿಕೆ ಕಂಡು ಬಂದಿದ್ದು, ಮೂವರು ಮಕ್ಕಳು ನೀರಿನಲ್ಲಿ ಮುಳುಗಿ ದುರ್ಮರಣಕ್ಕೀಡಾಗಿದ್ದಾರೆ.

ಸೂರತ್​(ಗುಜರಾತ್​): ತಾಪಿ ನದಿಯ ದಡದಲ್ಲಿ ಆಟವಾಡ್ತಿದ್ದ ವೇಳೆ ಮೂವರು ಅಪ್ರಾಪ್ತ ಮಕ್ಕಳು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ. ಸೂರತ್​​​ನ ರಾಂಡರ್​ ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿದೆ.

ತಾಪಿ ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ ಮಗು

ಇಕ್ಬಾಲ್​ ನಗರದ​ ಮೂವರು ಅಪ್ರಾಪ್ತ ವಯಸ್ಸಿನ ಮಕ್ಕಳು ನಿನ್ನೆ ಸಂಜೆ ಆಟವಾಡ್ತಿದ್ದ ವೇಳೆ ಈ ದುರ್ಘಟನೆ ನಡೆದಿದ್ದು, ಮೃತರನ್ನ ಮೊಹಮ್ಮದ್ ಫಕೀರ್​(7), ಶಹದತ್​ ಫಕೀರ್​(8) ಹಾಗೂ ಸಾನಿಯಾ(14) ಎಂದು ಗುರುತಿಸಲಾಗಿದೆ. ಮೊಹಮ್ಮದ್​​ ಹಾಗೂ ಶಹದತ್​ ಮೃತದೇಹಗಳನ್ನ ನಿನ್ನೆ ಹೊರತೆಗೆಯಲಾಗಿದ್ದು, ಸಾನಿಯಾ ಮೃತದೇಹವನ್ನ ಇಂದು ಬೆಳಗ್ಗೆ ಅಗ್ನಿಶಾಮಕ ದಳದ ಅಧಿಕಾರಿಗಳು ಹೊರತೆಗೆದಿದ್ದಾರೆ.

ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ ಮಗು

ನದಿ ದಡದಲ್ಲಿ ಮಕ್ಕಳು ಆಟವಾಡ್ತಿದ್ದ ವೇಳೆ ಅರಬ್ಬಿ​ ಸಮುದ್ರದಲ್ಲಿ ಏಕಾಏಕಿ ಏರಿಳಿತವಾಗಿರುವ ಕಾರಣ, ನದಿಯ ನೀರಿನ ಮಟ್ಟದಲ್ಲಿ ಹಠಾತ್ ಏರಿಕೆ ಕಂಡು ಬಂದಿದೆ. ಹೀಗಾಗಿ, ಮಕ್ಕಳು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವುದಾಗಿ ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.