ಚೆನ್ನೈ: ತಾಯಿ ಹಾಗೂ ಮಗುವಿನ ಪ್ರೀತಿ ಪ್ರಾಣಿಗಳಿಗಾಗಲಿ ಮನುಷ್ಯರಿಗಾಗಲಿ ಒಂದೇ ಇರುತ್ತದೆ. ಅದರಲ್ಲೂ ಒಂದು ಕೈ ಪ್ರಾಣಿಗಳೇ ಮೇಲು ಅನ್ನಬಹುದು. ಇಲ್ಲೊಂದು ಘಟನೆ ಜರುಗಿದ್ದು, ತನ್ನ ಕರುವಿಗಾಗಿ ಮಿಡಿದ ತಾಯಿ ಎಮ್ಮೆಯ(buffalo ) ವಾತ್ಸಲ್ಯ ನೋಡುಗರ ಕಣ್ಣನ್ನ ಒದ್ದೆ ಮಾಡಿಸಿದೆ.
ಪ್ರಶಾಂತ್ ಮೋಹನ್ (Prasanth Mohan )ಅವರು ಚೆನ್ನೈನ ಪೋರೂರ್ ಪ್ರದೇಶದವರಾಗಿದ್ದು, ಎಮ್ಮೆಗಳನ್ನು ಸಾಕುತ್ತಿದ್ದಾರೆ. ಹಾಗೆ ಇವರ ಸಾಕಿದ ಎಮ್ಮೆಯೊಂದು ಮೇಯಲು ಹೋಗಿದ್ದು, ಅಲ್ಲಿಯೇ ತನ್ನ ಕರುವಿಗೆ ಜನ್ಮ ನೀಡಿದೆ. ಇದನ್ನು ಅರಿತ ಮಾಲೀಕ ಆ ಎಳೆ ಕರುವನ್ನು ಬೈಕ್ನಲ್ಲಿ ತಮ್ಮ ಮನೆಗೆ ತೆಗೆದುಕೊಂಡು ಬಂದಿದ್ದಾರೆ. ಆದರೆ. ಈ ವೇಳೆ ತಾಯಿ ಎಮ್ಮೆ ಯಾರೋ ತನ್ನ ಕರುವನ್ನು ತೆಗೆದುಕೊಂಡು ಹೋಗುತ್ತಿದ್ದಾರೆ ಎಂದು ತಿಳಿದು ಬೈಕ್ ಜೊತೆ ಜೊತೆಗೇ ಓಡಿ ಬಂದಿದೆ.
ದಾರಿಯುದ್ದಕ್ಕೂ ತನ್ನ ಕರುವಿಗಾಗಿ ಮೂಕ ವೇದನೆಯಲ್ಲಿ ಬೈಕ್ ಹಿಂದೆಯೇ ಓಡಿಬಂದು ತನ್ನ ಮಾಲೀಕನ ಮನೆ ಸೇರಿದೆ. ಇದನ್ನು ನೋಡಿದ ಸಾರ್ವಜನಿಕರು ಅದರ ಮಾತೃವಾತ್ಸಲ್ಯ ಕಂಡು ನಿಬ್ಬೆರಗಾಗಿದ್ದಾರೆ.
