ನವದೆಹಲಿ: ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ತಿಹಾರ್ ಜೈಲಿನಲ್ಲಿರುವ ಸುಕೇಶ್ ಚಂದ್ರಶೇಖರ್ ಆಗ್ಗಿಂದಾಗಲೇ ಬಂಧಿಖಾನೆಯಿಂದಲೇ ಮಾಧ್ಯಮಗಳಿಗೆ ಪತ್ರವನ್ನು ಬರೆಯುವ ಮೂಲಕ ಸುದ್ದಿಯಾಗುತ್ತಲೇ ಇದ್ದಾರೆ. ಈ ಬಾರಿ ಕೂಡ ಮಾಧ್ಯಮ ಮತ್ತು ಸಾಮಾಜಿಕ ಮಾಧ್ಯಮಗಳನ್ನು ಉದ್ದೇಶಿಸಿ ಅವರು ಬರೆದ ಪತ್ರ ಸುದ್ದಿಯಾಗಿದೆ. ಈ ಪತ್ರದಲ್ಲಿ ಸುಕೇಶ್, ಬಾಲಿವುಡ್ ಬೆಡಗಿ ಜಾಕ್ವೇಲಿನ್ ಆರೋಪವನ್ನು ತಳ್ಳಿ ಹಾಕಿ ಸ್ಪಷ್ಟಿಕರಣ ನೀಡಿದ್ದಾರೆ.
ಏನಿದು ಪ್ರಕರಣ?: ಸುಕೇಶ್ ಮತ್ತು ಜಾಕ್ವೆಲಿನ್ ನಡುವೆ ಸಂಬಂಧ ಕುರಿತು ಈಗಾಗಲೇ ಅನೇಕ ವರದಿಗಳಾಗಿವೆ. ಇದೀಗ ಜೈಲಿನಲ್ಲಿರುವ ಸುಕೇಶ್ ತಮಗೆ ಅಲ್ಲಿಂದಲೇ ಬೆದರಿಕೆ ಸಂದೇಶವನ್ನು ವಾಟ್ಸ್ಆ್ಯಪ್ ಮೂಲಕ ಕಳುಹಿಸಿದ್ದಾರೆ ಎಂದು ನಟಿ ಗಂಭೀರ ಆರೋಪ ಮಾಡಿದ್ದಾರೆ. ಜೈಲಿನಲ್ಲಿರುವ ಸುಕೇಶ್ ವಾಟ್ಸ್ಆ್ಯಪ್ ಮತ್ತು ವಾಯ್ಸ್ ಮೇಸೆಜ್ ಮೂಲಕ ಬೆದರಿಕೆ ಹಾಕುತ್ತಿದ್ದಾರೆ ಎಂದು ದೂರಿದ್ದಳು.
ಈ ಕುರಿತು ಸ್ಪಷ್ಟೀಕರಣಕ್ಕೆ ಪತ್ರ ಬರೆದಿರುವ ಸುಕೇಶ್, ನಾನು ಈ ರೀತಿ ತಪ್ಪು ಮಾಡಿದರೆ, ಸಿಬಿಐ ತನಿಖೆ ನಡೆಸಲಿದೆ. ಈ ತನಿಖೆ ವೇಳೆ ನಾನು ಏನಾದರೂ ತಪ್ಪು ಮಾಡಿದ್ದೇನೆ ಎಂದು ಬಯಲಾದರೆ, ಏನು ಬೇಕಾದರೂ ಶಿಕ್ಷೆ ನೀಡಲಿ ಎಂದಿದ್ದಾರೆ. ಅಷ್ಟೇ ಅಲ್ಲದೇ, ಈ ರೀತಿ ಸಂದೇಶ ಕಳುಹಿಸಿದ ಐಪಿ ಅಡ್ರೆಸ್ ಮತ್ತು ಐಎಂಇಐ ನಂಬರ್ ಅನ್ನು ಪ್ರಶ್ನಿಸಲಿ, ಆಗ ಯಾರ ಸಂಖ್ಯೆ ಅದು ಎಂಬುದು ಸುಲಭವಾಗಿ ಪತ್ತೆ ಆಗುತ್ತದೆ ಎಂದಿದ್ದಾರೆ.
ಜಾಕ್ವೇಲಿನ್ ಉದ್ದೇಶ ಪೂರ್ವಕವಾಗಿ ನನ್ನ ವಿರುದ್ಧ ಬೆದರಿಕೆ ಸಂದೇಶದ ಆರೋಪವನ್ನು ಮಾಧ್ಯಮ ಮತ್ತು ಸಾಮಾಜಿಕ ಮಾಧ್ಯಮಗಳ ಮುಂದೆ ಮಾಡುತ್ತಿದ್ದಾರೆ. ಜೈಲಿನಿಂದ ಸಂದೇಶ ಕಳುಹಿಸುವ ಯೋಚನೆ ಸಂಪೂರ್ಣವಾಗಿ ತಪ್ಪು. ಈ ಸಂಬಂಧ ಬೇಕಾದಲ್ಲಿ ಸಂಪೂರ್ಣ ಕಾನೂನು ತನಿಖೆಗೆ ಅರ್ಜಿ ಹಾಕಲಿ. ಜಾಕ್ವೆಲಿನ್ ತಾನೊಬ್ಬಳು ಸಂತ್ರಸ್ತೆ ಎಂದು ಬಿಂಬಿಸಿಕೊಳ್ಳುವ ಯತ್ನ ಮಾಡುತ್ತಿದ್ದಾಳೆ. ಈ ಹಿನ್ನೆಲೆ ಕೋರ್ಟ್ ಮುಂದೆ ತಾನು ಸರಿ ಎಂದು ಸಾಬೀತು ಮಾಡಲು ಈ ರೀತಿ ಮಾಡುತ್ತಿದ್ದಾಳೆ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.
ಈ ಪಿತೂರಿನಲ್ಲಿ ನನ್ನನ್ನೂ ನೀನು ಎಷ್ಟೇ ದೂಷಿಸಿ, ಅದರಲ್ಲಿ ನನ್ನ ಪಾತ್ರ ಇರುವಂತೆ ಮಾಡಿದರೂ. ನಾನು ನಿಮ್ಮನ್ನು ಹುಚ್ಚನಂತೆ ಪ್ರೀತಿಸುತ್ತೇನೆ. ನೀನೇ ನನ್ನ ಜಗತ್ತು ಎಂದಿದ್ದು, ಜಾಕ್ಷೆಲಿನ್ಗೆ ಮುಖ್ಯವಾಗಿ ಹೊಸ ವರ್ಷದ ಶುಭಾಶಯ ಕೋರಿದ್ದಾನೆ. ಸುಕೇಶ್ ಚಂದ್ರಶೇಖರ್ ಈ ರೀತಿ ಪತ್ರ ಬಿಡುಗಡೆ ಮಾಡುವುದನ್ನು ನಿಲ್ಲಿಸುವಂತೆ ಸೂಚನೆ ನೀಡುವಂತೆ ದೆಹಲಿ ಹೈಕೋರ್ಟ್ಗೆ ಜಾಕ್ವೆಲಿನ್ ಮನವಿ ಮಾಡಿದ್ದಳು. ಜೈಲಿನಿಂದ ಸುಕೇಶ್ ಚಂದ್ರ ಬಿಡುಗಡೆ ಮಾಡುವ ಪತ್ರಗಳು ತಮ್ಮನ್ನು ತೇಜೋವಧೆ ಮಾಡುತ್ತಿದೆ. ಈ ಹಿನ್ನೆಲೆಯಲ್ಲಿ ಇವೆಲ್ಲದಕ್ಕೂ ತಡೆ ನೀಡಬೇಕು ಎಂದು ಕೋರಿದ್ದಾಳೆ.
ಇದನ್ನೂ ಓದಿ: ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ತಮ್ಮ ಹೆಸರು ಕೈಬಿಡುವಂತೆ ಕೋರ್ಟ್ ಮೆಟ್ಟಿಲೇರಿದ ಜಾಕ್ವೆಲಿನ್
