ಬಂಗಾಲ ಕೊಲ್ಲಿಯಲ್ಲಿ ಹಮೂನ್​ ಚಂಡಮಾರುತ ತೀವ್ರ: ಭಾರಿ ಮಳೆ ಸಾಧ್ಯತೆ

ವಾಯವ್ಯ ಬಂಗಾಳ ಕೊಲ್ಲಿಯಲ್ಲಿ ಹಮೂನ್​ ಚಂಡಮಾರುತ ತೀವ್ರಗೊಂಡಿದ್ದು, ಹವಾಮಾನ ಇಲಾಖೆ ಈಶಾನ್ಯ ರಾಜ್ಯಗಳಲ್ಲಿ ಭಾರಿ ಮಳೆಯಾಗುವ ಮುನ್ಸೂಚನೆ ನೀಡಿದೆ.

ನವದೆಹಲಿ : ವಾಯವ್ಯ ಬಂಗಾಲ ಕೊಲ್ಲಿಯಲ್ಲಿ 'ಹಮೂನ್' ಚಂಡಮಾರುತ ತೀವ್ರಗೊಂಡಿದೆ. ಈ ಹಿನ್ನೆಲೆ ಈಶಾನ್ಯ ರಾಜ್ಯಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ. ಹಮೂನ್​ ಶಬ್ದವು ಇರಾನ್​ ಭಾಷೆಯಿಂದ ಬಂದಿದ್ದು, ಒಳನಾಡಿನ ಮರುಭೂಮಿ ಸರೋವರಗಳನ್ನು ಈ ಶಬ್ದವು ಸೂಚಿಸುತ್ತದೆ.

• SCS Hamoon intensified into VSCS about 290 km east of Paradip (Odisha), 270 km southeast of Digha (West Bengal), 230 km south-southwest of Khepupara (Bangladesh). Likely to weaken and cross Bangladesh's coast between Khepupara and Chittagong around the evening of 25th Oct as CS. pic.twitter.com/6moaRNxqwZ

  — India Meteorological Department (@Indiametdept) October 24, 2023 " class="align-text-top noRightClick twitterSection" data="

  SCS Hamoon intensified into VSCS about 290 km east of Paradip (Odisha), 270 km southeast of Digha (West Bengal), 230 km south-southwest of Khepupara (Bangladesh). Likely to weaken and cross Bangladesh's coast between Khepupara and Chittagong around the evening of 25th Oct as CS. pic.twitter.com/6moaRNxqwZ

  — India Meteorological Department (@Indiametdept) October 24, 2023

  ">

  SCS Hamoon intensified into VSCS about 290 km east of Paradip (Odisha), 270 km southeast of Digha (West Bengal), 230 km south-southwest of Khepupara (Bangladesh). Likely to weaken and cross Bangladesh's coast between Khepupara and Chittagong around the evening of 25th Oct as CS. pic.twitter.com/6moaRNxqwZ

  — India Meteorological Department (@Indiametdept) October 24, 2023

ಮುಂದಿನ ಆರು ಗಂಟೆಗಳಲ್ಲಿ ಹಮೂನ್​ ಚಂಡಮಾರುತ ಮತ್ತಷ್ಟು ತೀವ್ರಗೊಳ್ಳುವ ಸಾಧ್ಯತೆ ಇದೆ. ಬಳಿಕ ಈಶಾನ್ಯ ದಿಕ್ಕಿಗೆ ಚಲಿಸುವಾಗ ನಿಧಾನವಾಗಿ ಚಂಡಮಾರುತದ ವೇಗ ಕಡಿಮೆಯಾಗಲಿದೆ. ಈ ಚಂಡಮಾರುತವು ಅಕ್ಟೋಬರ್​ 25ರ ಸಂಜೆ ವೇಳೆಗೆ ಬಾಂಗ್ಲಾದೇಶದ ಖೇಪುಪಾರ ಮತ್ತು ಚಿತ್ತಗಾಂಗ್​ ನಡುವೆ ಸಾಗಲಿದೆ. ಚಂಡಮಾರುತದ ವೇಗ ಸುಮಾರು 65-75 ಕಿಮೀ ಇರಲಿದೆ. ಇದು ಅತ್ಯಂತ ತೀವ್ರವಾದ ಸೈಕ್ಲೋನಿಕ್​ ಚಂಡಮಾರುತ ಎಂದು ಹವಾಮಾನ ಇಲಾಖೆ ಮಾಹಿತಿ ನೀಡಿದೆ.

ಹಮೂನ್​ ಚಂಡಮಾರುತವು ಅಕ್ಟೋಬರ್​ 24ರ ಬೆಳಿಗ್ಗೆ 5.30ಕ್ಕೆ 21ಕಿಮೀ ವೇಗದಲ್ಲಿ ವಾಯವ್ಯದಿಂದ ಈಶಾನ್ಯ ದಿಕ್ಕಿಗೆ ಚಲಿಸಿತ್ತು. ಮುಂದೆ 230 ಕಿಮೀ ವೇಗದಲ್ಲಿ ಪರದೀಪ್​( ಒಡಿಶಾ), 240 ಕಿಮೀ ವೇಗದಲ್ಲಿ ದಿಘಾ( ಪಶ್ಚಿಮಬಂಗಾಳ), 280 ಕಿಮೀ ವೇಗದಲ್ಲಿ ಖೇಪುಪಾರದಲ್ಲಿ (ಬಾಂಗ್ಲಾದೇಶ) ಸಂಚರಿಸಲಿದೆ ಎಂದು ಹೇಳಲಾಗಿದೆ.

ಹಮೂನ್​ ಚಂಡಮಾರುತ ಹಿನ್ನಲೆ ಈಶಾನ್ಯ ರಾಜ್ಯಗಳಲ್ಲಿ ಭಾರಿ ಮಳೆಯಾಗುವ ಮುನ್ಸೂಚನೆಯನ್ನು ನೀಡಿದೆ. ಅಕ್ಟೋಬರ್​ 24ರಿಂದ 26ರವರೆಗೆ ಮಣಿಪುರ​, ಮಿಜೋರಾಂ, ತ್ರಿಪುರ, ಮೇಘಾಲಯ, ದಕ್ಷಿಣ ಅಸ್ಸಾಂನಲ್ಲಿ ಭಾರಿ ಮಳೆಯಾಗಲಿದೆ ಎಂದು ಹೇಳಿದೆ. ಅಲ್ಲದೇ ಅಕ್ಟೋಬರ್​ 25ರಂದು ಭಾರಿ ಮಳೆ ಮುಂದುವರೆಯುವ ಸಾಧ್ಯತೆ ಇದೆ. ಅಕ್ಟೋಬರ್​ 26ರ ಬಳಿಕ ಮಳೆ ಕಡಿಮೆಯಾಗಲಿದೆ. ಕೆಲವು ಕಡೆಗಳಲ್ಲಿ ಸಾಮಾನ್ಯ ಮಳೆ ಮುಂದುವರೆಯಲಿದೆ ಎಂದು ಹೇಳಿದೆ. ಜೊತೆಗೆ ಮೀನುಗಾರಿಕೆಗೆ ತೆರಳದಂತೆ ಮೀನುಗಾರರಿಗೆ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.

ಅರಬ್ಬಿ ಸಮುದ್ರದಲ್ಲಿ ತೇಜ್​ ಚಂಡಮಾರುತ ಅಬ್ಬರ : ಕಳೆದರೆಡು ದಿನಗಳಿಂದ ಅರಬ್ಬಿ ಸಮುದ್ರದಲ್ಲಿ ತೇಜ್​ ಚಂಡಮಾರುತ ಅಬ್ಬರ ಮುಂದುವರೆದಿದೆ. ಇಲ್ಲಿ ವಾಯುಭಾರ ಕುಸಿತದಿಂದ ಉಂಟಾಗಿರುವ ತೇಜ್ ಚಂಡಮಾರುತ ಯೆಮನ್ ಕರಾವಳಿಯನ್ನು ದಾಟಿದೆ. ಯೆಮನ್​ನಲ್ಲಿ ಚಂಡಮಾರುತ ತಕ್ಕಮಟ್ಟಿಗೆ ದುರ್ಬಲಗೊಂಡಿದೆ. ಈಶಾನ್ಯ ದಿಕ್ಕಿಗೆ ಚಲಿಸುತ್ತಿರುವ ಈ ಚಂಡಮಾರುತವು ಮುಂದಿನ ಆರು ಗಂಟೆಗಳಲ್ಲಿ ಮತ್ತಷ್ಟು ದುರ್ಬಲಗೊಳ್ಳುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಇದಕ್ಕೂ ಮುನ್ನ, ಅಲ್ ಘೈದಾಹ್‌ನ ದಕ್ಷಿಣಕ್ಕೆ ತೇಜ್​ ಚಂಡಮಾರುತ ಸಾಗಿತ್ತು. ಈ ಸಂದರ್ಭ ಇದರ ಗರಿಷ್ಠ ವೇಗ ಗಂಟೆಗೆ 125-13 ಕಿ.ಮೀ ಇತ್ತು ಎಂದು ಹವಾಮಾನ ಇಲಾಖೆ ಮಾಹಿತಿ ನೀಡಿದೆ.

ಇದನ್ನೂ ಓದಿ : ಮಧ್ಯಾಹ್ನದ ವೇಳೆಗೆ ತೇಜ್ ಚಂಡಮಾರುತವು ಅತ್ಯಂತ ತೀವ್ರವಾಗುವ ಸಾಧ್ಯತೆ: ಐಎಂಡಿ ಮುನ್ನೆಚ್ಚರಿಕೆ