ನವದೆಹಲಿ: ದೀಪಾವಳಿಯ ಹಬ್ಬದ ಅಂಗವಾಗಿ ಸೋಮವಾರ ಭಾರತೀಯ ಷೇರು ವಿನಿಮಯ ಕೇಂದ್ರಗಳನ್ನು ಮುಚ್ಚಲಾಗಿದೆ. ನಾಳೆ ಸಾಮಾನ್ಯ ವಹಿವಾಟು ಪುನರಾರಂಭವಾಗಲಿದೆ. ಆದಾಗ್ಯೂ, ಭಾರತೀಯ ಷೇರು ವಿನಿಮಯ ಕೇಂದ್ರಗಳು ಮುಹೂರ್ತ ವ್ಯಾಪಾರ ಎಂದು ಕರೆಯಲ್ಪಡುವ ವಹಿವಾಟಿಗಾಗಿ ಇಂದು ಒಂದು ಗಂಟೆ ಕಾಲ ಕೆಲಸ ಮಾಡಲಿವೆ. ಇಂದು ಸಂಜೆ 6.15 ರಿಂದ 7.15 ರವರೆಗೆ ಮುಹೂರ್ತ ವಹಿವಾಟು ನಡೆಯಲಿದೆ. ಈ 1 ಗಂಟೆಯ ವಹಿವಾಟಿನಲ್ಲಿ ಹೂಡಿಕೆದಾರರು ತಮಗೆ ಶುಭ ತರುವ ಮತ್ತು ಉತ್ತಮ ಆದಾಯ ನೀಡಲಿವೆ ಎಂದು ನಂಬುವ ಸ್ಟಾಕ್‌ಗಳಿಗೆ ಆರ್ಡರ್ ಮಾಡುತ್ತಾರೆ.
ಮುಂದಿನ ವಾರ ಪ್ರಕಟವಾಗಲಿರುವ ಎರಡನೇ ತ್ರೈಮಾಸಿಕ ಫಲಿತಾಂಶಗಳು ಮತ್ತು ಹೊಸ ಮುನ್ಸೂಚನೆಗಳಿಗಾಗಿ ಷೇರು ಮಾರುಕಟ್ಟೆಯ ಹೂಡಿಕೆದಾರರು ಕಾಯುತ್ತಿದ್ದಾರೆ. ಏತನ್ಮಧ್ಯೆ, ವಿದೇಶಿ ಬಂಡವಾಳ ಹೂಡಿಕೆದಾರರು ಅಕ್ಟೋಬರ್‌ನಲ್ಲಿ ಭಾರತೀಯ ಷೇರು ಮಾರುಕಟ್ಟೆಗಳಿಂದ ರೂ 5,992 ಕೋಟಿ ಮೌಲ್ಯದ ಹಣವನ್ನು ಹಿಂತೆಗೆದುಕೊಂಡಿದ್ದಾರೆ.
ಸೆಪ್ಟೆಂಬರ್‌ನಲ್ಲಿ ಅವರು ಭಾರತದಲ್ಲಿ ರೂ 7,624 ಕೋಟಿ ಮೌಲ್ಯದ ಈಕ್ವಿಟಿಗಳನ್ನು ಮಾರಾಟ ಮಾಡಿದ್ದಾರೆ ಎಂದು ನ್ಯಾಷನಲ್ ಸೆಕ್ಯುರಿಟೀಸ್ ಡಿಪಾಸಿಟರಿ ಲಿಮಿಟೆಡ್‌ನ ಡೇಟಾ ತೋರಿಸಿದೆ. ಇಲ್ಲಿಯವರೆಗೆ 2022 ರಲ್ಲಿ, ಅವರು ಸಂಚಿತ ಆಧಾರದ ಮೇಲೆ ರೂ 174,781 ಕೋಟಿ ರೂಪಾಯಿ ಮೌಲ್ಯದ ಶೇರು ಮಾರಾಟ ಮಾಡಿದ್ದಾರೆ.
ಇದನ್ನೂ ಓದಿ: ವಿದೇಶಿ ಅಡಕೆ ಆಮದಿನಿಂದ ಬೆಳೆಗಾರರರು ಭಯಪಡಬೇಕಿಲ್ಲ.. ಅಡಕೆ ಸಹಕಾರ ಸಂಘಗಳ ಅಭಯ
