ಸೊಪೋರ್: ಜಮ್ಮು ಮತ್ತು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯ ಸೊಪೋರ್ನಲ್ಲಿ ಲಷ್ಕರ್-ಇ-ತೈಬಾ ಉಗ್ರವಾದಿ ಸಂಘಟನೆಯ ಮೂವರನ್ನು ಭದ್ರತಾ ಪಡೆ ಹೊಡೆದುರುಳಿಸಿದೆ. ಮೃತಪಟ್ಟ ಭಯೋತ್ಪಾದಕರ ಪೈಕಿ ಉನ್ನತ ಕಮಾಂಡರ್ ಕೂಡ ಇದ್ದಾನೆ ಎಂದು ಕಾಶ್ಮೀರದ ಪೊಲೀಸ್ ಇನ್ಸ್‌ಪೆಕ್ಟರ್ ಜನರಲ್ ವಿಜಯ್ ಕುಮಾರ್ ತಿಳಿಸಿದ್ದಾರೆ.
ಮುದಾಸಿರ್ ಪಂಡಿತ್ - ಹತೈಯಾದ ಲಷ್ಕರ್-ಇ-ತೈಬಾದ ಉನ್ನತ ಕಮಾಂಡರ್ ಆಗಿದ್ದು, ಈತನ ನೇತೃತ್ವದಲ್ಲಿ ಮಾರ್ಚ್ 29ರಂದು ಸೊಪೋರ್ನಲ್ಲಿ ಪ್ರದೇಶದ ಬಿಡಿಸಿ (ಬ್ಲಾಕ್ ಡೆವಲಪ್ಮೆಂಟ್ ಕೌನ್ಸಿಲ್) ಅಧ್ಯಕ್ಷೆ ಫರೀದಾ ಖಾನ್ ಅವರನ್ನು ಗುರಿಯಾಗಿಸಿ ಪುರಸಭೆ ಮೇಲೆ ಉಗ್ರರು ದಾಳಿ ನಡೆಸಿದ್ದರು. ಮೂವರು ಪೊಲೀಸರು, ಇಬ್ಬರು ಪುರಸಭೆ ಕೌನ್ಸಿಲರ್‌ಗಳು ಮತ್ತು ಇಬ್ಬರು ನಾಗರಿಕರನ್ನು ನಿರ್ದಾಕ್ಷಿಣ್ಯವಾಗಿ ಗುಂಡಿಕ್ಕಿ ಕೊಲ್ಲಲಾಗಿತ್ತು.
ಇದನ್ನೂ ಓದಿ: ಕಲಬುರಗಿಯಲ್ಲಿ ಭೀಕರ ಕೊಲೆ.. ಕೈಕಟ್ಟಿ, ಪೆಟ್ರೋಲ್ ಸುರಿದು ವಿದ್ಯಾರ್ಥಿಯ ಬರ್ಬರ ಹತ್ಯೆ!
ಅಂದಿನಿಂದ ಈತನಿಗಾಗಿ ಬಲೆ ಬೀಸಿದ್ದ ಪೊಲೀಸರು ಇದೀಗ ಎನ್ಕೌಂಟರ್ನಲ್ಲಿ ಮುದಾಸಿರ್ ಪಂಡಿತ್ ಸೇರಿ ಮೂವರು ಭಯೋತ್ಪಾದಕರನ್ನು ಹತೈಗೈದಿದ್ದಾರೆ ಎಂದು ವಿಜಯ್ ಕುಮಾರ್ ಹೇಳಿದ್ದಾರೆ.
