ಭಾರತೀಯ ಉಪಖಂಡದಲ್ಲಿ ಭಾರತದ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮತ್ತು ನೊಬೆಲ್ ಪ್ರಶಸ್ತಿ ವಿಜೇತೆ ಮಲಾಲಾ ಯೂಸುಫ್‌ಜಾಯಿ ಈ ಇಬ್ಬರು ಮಹಿಳೆಯರು ಎಲ್ಲ ಕ್ಷೇತ್ರಗಳಲ್ಲಿ ಮಹಿಳೆಯರು ಸಮಾನರು ಎಂಬುದನ್ನು ಸಾರಿದ್ದು ಮಾತ್ರವಲ್ಲದೇ, ತಮ್ಮ ಪರಿಶ್ರಮ ಮತ್ತು ಮಾತೃ ಪ್ರಧಾನತೆಯನ್ನು ಉತ್ತಮ ಆರಂಭವನ್ನು ಗುರುತಿಸುವ ಸಾಮರ್ಥ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ.
ಅವರು ಈ ಮಟ್ಟದ ಜನಪ್ರಿಯತೆಯನ್ನು ಸಾಧಿಸಲು ಕಾರಣವಾದ ಅಂಶಗಳು ಮತ್ತು ಸಮಯ ಸಂದರ್ಭಗಳು ಸಮಾಜದ ಮತ್ತೊಂದು ಮುಖವನ್ನು ಎತ್ತಿ ತೋರಿಸುತ್ತವೆ. ಅಷ್ಟೇ ಅಲ್ಲ ಕೆಲವೊಮ್ಮೆ ವಿಕಸನ ಮತ್ತು ಅಭಿವೃದ್ಧಿಯ ಆಕರ್ಷಕ ಅಂಶಗಳನ್ನೂ ಪ್ರತಿನಿಧಿಸುತ್ತವೆ.
ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ (ಕೆಪಿಕೆ) ಪ್ರದೇಶದ ಪಶ್ತುನ್ ಜನಾಂಗದ ಬುಡಕಟ್ಟು ಬಾಲಕಿ ಮಲಾಲಾ. ಇಸ್ಲಾಮಿಕ್ ಕಾನೂನಿನಂತೆ ಬುಡಕಟ್ಟು ಮಹಿಳೆಯರಿಗೆ ಶಾಲೆಗೆ ಹೋಗುವುದನ್ನು ನಿಷೇಧಿಸಿದ ಪಶ್ತೂನ್ ಬುಡಕಟ್ಟು ಉಗ್ರಗಾಮಿಗಳು, ತಮ್ಮ ನೀತಿ - ನಿಯಮಗಳನ್ನ ಉಲ್ಲಂಘಿಸಿದ್ದಾಳೆ ಎಂಬ ಸಿಟ್ಟಿನಿಂದ ಮಲಾಲಾ ಮೇಲೆ ಗುಂಡು ಹಾರಿಸಿದ್ದರು.
ಮಲಾಲಾ ಉಗ್ರಗಾಮಿಗಳ ಆದೇಶಗಳನ್ನು ಧಿಕ್ಕರಿಸಿ, ತನ್ನ ಅಧ್ಯಯನವನ್ನು ಮುಂದುವರೆಸಿದ್ದರು ಮತ್ತು ಇತರರನ್ನು ಅದೇ ರೀತಿ ಮಾಡಲು ಮನವೊಲಿಸಿದ ಕಾರಣ ಅವಳ ಮೇಲೆ ಗುಂಡು ಹಾರಿಸಿ ಕೊಲ್ಲಲು ಪ್ರಯತ್ನಿಸಲಾಗಿತ್ತು.
ತನಗೆ ಜೀವ ಬೆದರಿಕೆಯಿದ್ದರೂ ಲೆಕ್ಕಿಸದೇ, ಪ್ರದೇಶದಲ್ಲಿ ಹೆಣ್ಣು ಮಕ್ಕಳ ಶಿಕ್ಷಣಕ್ಕಾಗಿ ಹೋರಾಟವನ್ನು ಮುಂದುವರೆಸಿದ ಮಲಾಲಾ ವಿಶ್ವಾದ್ಯಂತ ಪ್ರಾಮುಖ್ಯತೆಯನ್ನು ಪಡೆದರು. ಆಕೆಯ ಸಮರ್ಪಣಾ ಮನೋಭಾವನೆ ಮತ್ತು ನಿರ್ಭಯತೆಯು ನೋಬೆಲ್ ಶಾಂತಿ ಪ್ರಶಸ್ತಿಯನ್ನು ತಂದುಕೊಟ್ಟಿತು.
ಮಲಾಲಾ ಅವರು ಪಾಕಿಸ್ತಾನದ ಫಾಟಾ ಪ್ರದೇಶದಲ್ಲಿ ಮಹಿಳೆಯರ ಮೇಲೆ ನಡೆಯುತ್ತಿರುವ ಕ್ರೂರ ಉಗ್ರಗಾಮಿಗಳ ಕ್ರೌರ್ಯಕ್ಕೆ ತಮ್ಮನ್ನೇ ಒಡ್ಡಿಕೊಂಡರೂ ಹೋರಾಟ ಮಾತ್ರ ನಿಲ್ಲಿಸಲಿಲ್ಲ.
ಹಳ್ಳಿಯಿಂದ ದಿಲ್ಲಿವರೆಗೂ ಛಾಪು: ಮತ್ತೊಂದೆಡೆ, ಮುರ್ಮು ಅವರು ಬುಡಕಟ್ಟು ಹಳ್ಳಿಯ ಹುಡುಗಿಯಿಂದ ಅತ್ಯುನ್ನತ ಹುದ್ದೆಗೆ ತಲುಪಿರುವುದು ಭಾರತದ ಬುಡಕಟ್ಟು ಸಮುದಾಯದವರ ವಿಕಾಸಕ್ಕೆ ಒಂದು ದೃಷ್ಟಾಂತವಾಗಿ ಗೋಚರಿಸುತ್ತದೆ. ಅವರು ಸಂಥಾಲ್ ಸಮುದಾಯದಿಂದ ಬಂದವರಾಗಿದ್ದಾರೆ.
ದೇಶದ ಪಶ್ಚಿಮ ಬಂಗಾಳ, ಒಡಿಶಾ, ಅಸ್ಸೋಂ ಮತ್ತು ಜಾರ್ಖಂಡ್ ಈ ನಾಲ್ಕು ರಾಜ್ಯಗಳಲ್ಲಿ ಸಂಥಾಲ್ ಬುಡಕಟ್ಟು ಸಮುದಾಯದವರು ವಾಸವಾಗಿದ್ದಾರೆ. ಶಾಲಾ ಶಿಕ್ಷಕಿಯಿಂದ ರಾಷ್ಟ್ರಪತಿ ಭವನದವರೆಗೆ ಮುರ್ಮು ಅವರ ಪ್ರಯಾಣವು ಭಾರತದಲ್ಲಿನ ಬುಡಕಟ್ಟು ಜನರ ಒಟ್ಟಾರೆ ಅಭಿವೃದ್ಧಿಗೆ ಒಂದು ಮಾದರಿಯಾಗಿ ಕಾಣಿಸುತ್ತದೆ.
ಆಡಳಿತಾರೂಢ ಬಿಜೆಪಿಯು ದ್ರೌಪದಿ ಮುರ್ಮು ಅವರನ್ನು ರಾಷ್ಟ್ರಪತಿ ಅಭ್ಯರ್ಥಿಯನ್ನಾಗಿ ಘೋಷಿಸಿದ ದಿನ ಸಂಥಾಲ್ ಸಮುದಾಯವು ಭಾರತದಾದ್ಯಂತ ಖ್ಯಾತಿಯನ್ನು ಗಳಿಸಿತು. ರಾಷ್ಟ್ರಪತಿ ಅಭ್ಯರ್ಥಿಯು ಯಾವ ಬುಡಕಟ್ಟಿಗೆ ಸೇರಿದ್ದಾರೆ ಎಂಬುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಜನ ಕುತೂಹಲಭರಿತರಾಗಿದ್ದರು. ಸಂಥಾಲ್ ಭಾರತದಲ್ಲಿರುವ ಬುಡಕಟ್ಟು ಸಮುದಾಯದಲ್ಲೇ ಅತಿ ದೊಡ್ಡ ಬುಡಕಟ್ಟು ಸಮುದಾಯವಾಗಿದೆ.
ಶೌರ್ಯ- ಪರಾಕ್ರಮದಲ್ಲಿ ಹೋಲಿಕೆ: ಶೌರ್ಯ ಮತ್ತು ಹೋರಾಟದ ಪರಾಕ್ರಮದ ವಿಷಯದಲ್ಲಿ ಸಂಥಾಲರನ್ನು ನೆರೆಯ ಪಾಕಿಸ್ತಾನದ ಖೈಬರ್ ಪಖ್ತುನ್ಖ್ವಾದ ಪಶ್ತೂನ್‌ಗಳಿಗೆ ಹೋಲಿಸಬಹುದು. ಹಿಂದಿನ ಪಾಕಿಸ್ತಾನದ ನಾರ್ತ್ ವೆಸ್ಟ್ ಫ್ರಂಟಿಯರ್ ಪ್ರಾವಿನ್ಸ್ನಲ್ಲಿ ಪಶ್ತೂನ್ ಸಮುದಾಯದ ಖಾನ್ ಗಫಾರ್ ಖಾನ್ ಅವರು ಹೋರಾಡಿದಂತೆ, ಸಂಥಾಲ್ ಸಮುದಾಯದಿಂದ ಅನೇಕರು ಬ್ರಿಟಿಷರ ವಿರುದ್ಧ ಹೋರಾಡಿದ್ದರು.
ತಿಲ್ಕಾ ಮಾಂಜಿ ಇವರು ಬ್ರಿಟಿಷರ ವಿರುದ್ಧ ಹೋರಾಡಿದ ಮೊದಲ ಸಂಥಾಲ್ ಸಮುದಾಯದಿಂದ ಬಂದ ಹೋರಾಟಗಾರರು. ತಲಕಲ್ ಚಂದು ಮತ್ತೊಬ್ಬ ಸಂಥಾಲ್ ಹೋರಾಟಗಾರ. ಇವರು ಬ್ರಿಟಿಷರ ವಿರುದ್ಧ ಹೋರಾಡಿ ಕೇರಳದಲ್ಲಿನ ಅವರ ಕೋಟೆಯನ್ನೇ ವಶಪಡಿಸಿಕೊಂಡಿದ್ದರು. ನಂತರ ಇವರನ್ನು ಗಲ್ಲಿಗೇರಿಸಲಾಯಿತು.
ಬ್ರಿಟಿಷರ ಆಡಳಿತದ ವಿರುದ್ಧ ಪ್ರತಿಭಟನೆಗಳನ್ನು ಮುನ್ನಡೆಸಿದ ಪ್ರಖ್ಯಾತ ಸಂತಾಲ್ ಮತ್ತು ಸ್ವಾತಂತ್ರ್ಯ ಹೋರಾಟಗಾರ ಭಿರ್ಸಾ ಮುಂಡಾ, ಆದಿವಾಸಿಗಳಿಗೆ ಗೌರವ ಮತ್ತು ಘನತೆಯಿಂದ ಬದುಕಲು ಜೀವನ ಸಂಹಿತೆಯನ್ನು ನೀಡಿದರು.
ಮಲಾಲಾ ಯೂಸುಫ್‌ಜಾಯ್‌ಗೆ ಜನ್ಮ ನೀಡಿದ ಅದೇ ಪ್ರದೇಶದವರಾದ ಗಫಾರ್ ಖಾನ್‌ನಂತಹ ಇನ್ನೂ ಅನೇಕ ಹೋರಾಟಗಾರರು ಪಶ್ತೂನ್ ಸಮುದಾಯದಲ್ಲಿ ಹುಟ್ಟಿದ್ದಾರೆ. ಖಾನ್ ಅವರು ಕ್ರೌರ್ಯ ಮತ್ತು ದಬ್ಬಾಳಿಕೆಯ ವಿರುದ್ಧದ ಹೋರಾಟವನ್ನು ನಮಗೆ ನೆನಪಿಸಿದರೆ, ಮಲಾಲಾ ಮಹಿಳಾ ಹಕ್ಕುಗಳ ನಿರಾಕರಣೆ ಮತ್ತು ಮಹಿಳೆಯರ ಮೇಲಿನ ದೌರ್ಜನ್ಯದ ವಿರುದ್ಧದ ಹೋರಾಟವನ್ನು ನಮಗೆ ನೆನಪಿಸುತ್ತಾರೆ.
ಮಲಾಲಾ ಮತ್ತು ಮುರ್ಮು ಎರಡು ಬುಡಕಟ್ಟುಗಳ ವಿಭಿನ್ನ ನಿರೂಪಣೆಗಳನ್ನು ಪ್ರತಿನಿಧಿಸುತ್ತಾರೆ. ಒಂದು ಬದಲಾವಣೆಗೆ ಹೊಂದಿಕೊಳ್ಳಲು ತನ್ನನ್ನು ತಾನು ತೆರೆದುಕೊಂಡಿದೆ.
- ಬಿಲಾಲ್ ಭಟ್, ಸಂಪಾದಕರು ಈ ಟಿವಿ ಭಾರತ
ಇದನ್ನು ಓದಿ:ರಾಷ್ಟ್ರಪತಿಗಳ ತಿಂಗಳ ಪಗಾರವೆಷ್ಟು? ಭತ್ಯೆ, ನಿವೃತ್ತಿ ಸೌಲಭ್ಯಗಳೇನು ಗೊತ್ತೇ? ಕಂಪ್ಲೀಟ್ಸ್‌ ಡಿಟೇಲ್ಸ್‌
