ಜಜ್ಪುರ್ (ಒಡಿಶಾ): ಸಲಿಂಗ ವಿವಾಹವಾದ ಹಿನ್ನೆಲೆ ಯುವತಿಯರ ಎರಡೂ ಕುಟುಂಬದಲ್ಲಿ ಈಗ ಭಾರೀ ಗಲಾಟೆ ಉಂಟಾಗಿದೆ. ಈ ಘಟನೆ ಜಿಲ್ಲೆಯ ಜಖಾಪುರ ಪೊಲೀಸ್ ವ್ಯಾಪ್ತಿಯಲ್ಲಿ ಜರುಗಿದೆ.
22 ವರ್ಷದ ಯುವತಿ ಹಾಗೂ 21 ವರ್ಷದ ಯುವತಿಯರು ಇದೇ ತಿಂಗಳ 5 ರಂದು ಪ್ರೇಮ ವಿವಾಹವಾಗಿದ್ದಾರೆ. ಈ ವಿವಾಹವು ಒಡಿಶಾದ ಜಾಜ್‌ಪುರ ಜಿಲ್ಲೆಯ ಕಳಿಂಗನಗರ ಪ್ರದೇಶದ ಎರಡು ಕುಟುಂಬಗಳ ನಡುವೆ ಜಗಳಕ್ಕೆ ಕಾರಣವಾಗಿದೆ.
ಸಲಿಂಗ ಪ್ರೇಮ ವಿವಾಹ
ಈ ಮದುವೆಯನ್ನು ಇವರ ಸಂಬಂಧಿಕರು ಒಪ್ಪಿಕೊಳ್ಳುತ್ತಿಲ್ಲ. ಈ ಹಿನ್ನೆಲೆ ಚಂದಮಾ ಗ್ರಾಮದ ಬಾಲಕಿಯ ತಂದೆ ಕೊರೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇನ್ನೊಂದೆಡೆ ಸಲಿಂಗ ಜೋಡಿಯು ತಮ್ಮ ಜೀವಕ್ಕೆ ಅಪಾಯವಿದೆ ಎಂದು ಆರೋಪಿಸಿ ದಾನಗಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
