ತರನ್ ತರನ್(ಪಂಜಾಬ್): ತರನ್ ತರನ್ ಜಿಲ್ಲೆಯ ಪೊಲೀಸ್ ಠಾಣೆಯ ಮೇಲೆ ಶಂಕಿತ 'ಭಯೋತ್ಪಾದಕ' ದಾಳಿ ನಡೆದಿದೆ. ರಾಕೆಟ್ ಚಾಲಿತ ಗ್ರೆನೇಡ್ (ಆರ್‌ಪಿಜಿ) ಅನ್ನು ಶುಕ್ರವಾರ ರಾತ್ರಿ ಎಸೆಯಲಾಗಿದ್ದು, ಅದು ಸಿಡಿದಿದೆ. ಈ ವೇಳೆ ಠಾಣೆಯಲ್ಲಿ ಠಾಣೆಯ ಎಸ್ಎಚ್ಒ ಸೇರಿ 8 ಸಿಬ್ಬಂದಿ ಇದ್ದರು. ಘಟನೆಯಲ್ಲಿ ಅದೃಷ್ಟವಶಾತ್ ಯಾರಿಗೂ ಹಾನಿಯಾಗಿಲ್ಲ.
ಪಂಜಾಬ್ನಲ್ಲಿ ರಾಕೆಟ್ ಲಾಂಚರ್ ದಾಳಿ
ಗ್ರೆನೇಡ್ ಸಿಡಿದು ಪೊಲೀಸ್ ಠಾಣೆಯ ಮುಖ್ಯ ದ್ವಾರದ ಕಿಟಕಿ ಗಾಜುಗಳಿಗೆ ಹಾನಿಯಾಗಿದೆ. ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಆರ್‌ಪಿಜಿಯಂತಹ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳ ಬಳಕೆಯು ಭಯೋತ್ಪಾದನೆ ಅನುಮಾನ ಮೂಡಿಸಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
