ಸ್ಯಾನ್ ಫ್ರಾನ್ಸಿಸ್ಕೋ: ಜಾಗತಿಕ ಮಟ್ಟದ ಕಂಪ್ಯೂಟರ್ ಚಿಪ್ ತಯಾರಕ ಕಂಪನಿ ಕ್ವಾಲ್ಕಾಮ್ ತನ್ನ ಹೊಸ ಇಮ್ಮರ್ಸಿವ್ ಹೋಮ್ ಪ್ಲಾಟ್‌ಫಾರ್ಮ್‌ನ ಭಾಗವಾಗಿ ವೈ-ಫೈ 7 ಸಾಮರ್ಥ್ಯದ ಚಿಪ್‌ಸೆಟ್‌ಗಳನ್ನು ಅನಾವರಣಗೊಳಿಸಿದೆ. ಇತ್ತೀಚಿನ ಹೈ-ಸ್ಪೀಡ್ ಬ್ರಾಡ್‌ಬ್ಯಾಂಡ್ ಸಂಪರ್ಕಗಳನ್ನು ಮತ್ತು ಉನ್ನತ-ಕಾರ್ಯಕ್ಷಮತೆಯ ಸಾಧನಗಳ ಸಂಪೂರ್ಣ ಶ್ರೇಣಿಯನ್ನು ಸಪೋರ್ಟ್ ಮಾಡುವಂತೆ ಇವನ್ನು ನಿರ್ಮಿಸಲಾಗಿದೆ. ಹೊಸ ವೈ-ಫೈ 7 ಇಮ್ಮರ್ಸಿವ್ ಪ್ಲಾಟ್ಫಾರ್ಮ್ ಒಟ್ಟಾರೆ 20 ಜಿಬಿಪಿಎಸ್ ಸಿಸ್ಟಮ್ ಸಾಮರ್ಥ್ಯದಲ್ಲಿ ಚಿಕ್ಕ ಗಾತ್ರದಲ್ಲಿ, ವಿದ್ಯುತ್ ಮಿತವ್ಯಯಕಾರಿಯಾಗಿ, ಕಡಿಮೆ ವೆಚ್ಚದಲ್ಲಿ ನೆಟ್ವರ್ಕ್ ಚಿಪ್ಸೆಟ್ ಆರ್ಕಿಟೆಕ್ಚರ್ ಕೆಲಸ ಮಾಡುತ್ತದೆ.
ಹೋಮ್ ನೆಟ್‌ವರ್ಕಿಂಗ್‌ನಲ್ಲಿ ವೆಚ್ಚ-ಪರಿಣಾಮಕಾರಿ, ಕಡಿಮೆ ಪ್ರೊಫೈಲ್ ಫಾರ್ಮ್ ಫ್ಯಾಕ್ಟರ್‌ನಲ್ಲಿ ಉನ್ನತ-ಕಾರ್ಯಕ್ಷಮತೆಯ ಸಂಪರ್ಕವನ್ನು ಸಕ್ರಿಯಗೊಳಿಸಲು ನಾವು ಕ್ವಾಲ್ಕಾಮ್ ಇಮ್ಮರ್ಸಿವ್ ಹೋಮ್ ಪ್ಲಾಟ್ಫಾರ್ಮ್ ಅನ್ನು ಅಭಿವೃದ್ಧಿಪಡಿಸಿದ್ದೇವೆ. ಈ ಮೂಲಕ ಹೊಸ ಆವಿಷ್ಕಾರಗಳನ್ನು ಜನರಿಗೆ ತಲುಪಿಸುತ್ತಿದ್ದೇವೆ ಎಂದು ಕ್ವಾಲ್ಕಾಮ್ ಟೆಕ್ನಾಲಜೀಸ್ ವೈರ್ಲೆಸ್ ಇನ್ಫ್ರಾಸ್ಟ್ರಕ್ಚರ್ ಮತ್ತು ನೆಟ್ವರ್ಕಿಂಗ್ ಹಿರಿಯ ಉಪಾಧ್ಯಕ್ಷ ಮತ್ತು ಜನರಲ್ ಮ್ಯಾನೇಜರ್ ನಿಕ್ ಕುಚರೆವ್ ಸ್ಕಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಹೊಸ ಕ್ವಾಲ್ಕಾಮ್ ಚಿಪ್‌ಗಳನ್ನು ಪ್ರಸ್ತುತ ಹೋಮ್ ರೂಟರ್‌ಗಳು ಮತ್ತು ಮೆಶ್ ವೈ-ಫೈ ಸಾಧನಗಳ ತಯಾರಕರು ಸ್ಯಾಂಪಲ್ ಆಗಿ ಪರಿಶೀಲನೆ ಮಾಡುತ್ತಿದ್ದಾರೆ. ಇವು 2023 ರ ದ್ವಿತೀಯಾರ್ಧದಲ್ಲಿ ಲಭ್ಯವಾಗುವ ನಿರೀಕ್ಷೆಯಿದೆ. ಇಂದಿನ ಮತ್ತು ಭವಿಷ್ಯದ ಮನೆಗಳ ಟೆಲಿಪ್ರೆಸೆನ್ಸ್, AR/VR ಮತ್ತು ಇಮ್ಮರ್ಸಿವ್ ಗೇಮಿಂಗ್ ಅಪ್ಲಿಕೇಶನ್‌ಗಳನ್ನು ಸಕ್ರಿಯಗೊಳಿಸಲು ಚಿಪ್ಸೆಟ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ಹೇಳಿದೆ.
ಹೊಸ Wi-Fi 7 ತಂತ್ರಜ್ಞಾನವನ್ನು ಇತ್ತೀಚಿನ ಉನ್ನತ ಕಾರ್ಯಕ್ಷಮತೆಯ ಸಾಧನಗಳಿಗೆ ಗರಿಷ್ಠ ಸಂಪರ್ಕವನ್ನು ನೀಡುವಂತೆ ವಿನ್ಯಾಸಗೊಳಿಸಲಾಗಿದೆ. ಇದು ಒಂದು ಸಂಪರ್ಕಿತ ಸಾಧನಕ್ಕೆ 5.8 Gbps ವರೆಗೆ ಗರಿಷ್ಠ ವೇಗವನ್ನು ತಲುಪಿಸುತ್ತದೆ. ಕ್ವಾಲ್ಕಾಮ್‌ನ ಹೊಸ ಪ್ಲಾಟ್ಫಾರ್ಮ್ ಮಲ್ಟಿ-ಲಿಂಕ್ ಮೆಶ್ ಎಂದು ಕರೆಯಲ್ಪಡುವ ಮೆಶ್ ನೆಟ್ವರ್ಕಿಂಗ್ ತಂತ್ರಜ್ಞಾನವನ್ನು ಸಹ ಒಳಗೊಂಡಿದೆ. ಲ್ಯಾಗ್-ಫ್ರೀ ಗೇಮಿಂಗ್ ಅನುಭವಗಳಿಗಾಗಿ ರಿಯಲ್ ಟೈಮ್ ಲೇಟೆನ್ಸಿಯನ್ನು ಶೇಕಡಾ 75 ರಷ್ಟು ಕಡಿಮೆ ಮಾಡಬಹುದು ಎಂದು ಕಂಪನಿ ಹೇಳಿದೆ.
ಇದು ದಟ್ಟಣೆಯ ಮನೆಯ ಪರಿಸರವನ್ನು ತಪ್ಪಿಸಲು ಅಡಾಪ್ಟಿವ್ ಇಂಟರ್‌ಫರೆನ್ಸ್ ಪಂಕ್ಚರಿಂಗ್ ಅನ್ನು ಬಳಸುತ್ತದೆ ಮತ್ತು ಇತರ ನೆಟ್‌ವರ್ಕ್‌ಗಳಿಂದ ಹಸ್ತಕ್ಷೇಪವನ್ನು ತಪ್ಪಿಸಲು ಅವಾಯ್ಡನ್ಸ್ ಅಲ್ಗಾರಿದಮ್‌ಗಳನ್ನು ಬಳಸುತ್ತದೆ.
ಇದನ್ನೂ ಓದಿ: ಗುಜರಾತ್ನಲ್ಲಿ ಸೆಮಿಕಂಡಕ್ಟರ್ ಘಟಕ ಸ್ಥಾಪನೆಗೆ ಮುಂದಾದ ವೇದಾಂತ, ಫಾಕ್ಸ್ಕಾನ್
