ಮುರೆನಾ(ಮಧ್ಯ ಪ್ರದೇಶ): ಪೋರ್ಸಾ ಪ್ರದೇಶದಲ್ಲಿ ಕೊರೊನಾ ಕರ್ಫ್ಯೂ ಜಾರಿಯಲ್ಲಿದ್ದ ವೇಳೆಯೇ 4 ಹುಡುಗಿಯರು ಹೊರಬಂದಿದ್ದು, ಅವರನ್ನು ಪೋರ್ಸಾ ತಹಶೀಲ್ದಾರ್ ವಿಚಾರಿಸಿ, ಬಸ್ಕಿ ಹೊಡೆಸಿರುವ ಘಟನೆ ನಡೆದಿದೆ. ಬಸ್ಕಿ ಹೊಡೆದಿರುವ ವಿಡಿಯೋ ತುಣುಕೊಂದು ಲಭ್ಯವಾಗಿದೆ.
ಕರ್ಫ್ಯೂ ಮರೆತ ಹುಡುಗಿಯರಿಗೆ ಬಸ್ಕಿ ಹೊಡೆಸಿದ ಅಧಿಕಾರಿ
ಕೋವಿಡ್ ಕರ್ಫ್ಯೂ ಹಿನ್ನೆಲೆ ತಹಶೀಲ್ದಾರ್ ರಾಜ್‌ಕುಮಾರ್ ನಾಗೌರಿಯಾ, ಸಬ್ಜಿ ಮಂಡಿ ರಸ್ತೆಯಲ್ಲಿ ಪರಿಶೀಲನೆ ನಡೆಸುತ್ತಿದ್ದರು. ಈ ವೇಳೆ 4 ಮಂದಿ ಹುಡುಗಿಯರು ಒಟ್ಟಾಗಿ ಬರುವುದನ್ನು ಗಮನಿಸಿದ್ದಾರೆ. ಅವರನ್ನು ಅಧಿಕಾರಿ ತಡೆದು ಪ್ರಶ್ನಿಸಿದ್ದಾರೆ. ಈ ವೇಳೆ, ಬ್ಯಾಂಕಿನಿಂದ ಹಣ ಬಿಡಿಸಲು ಹೋಗುತ್ತಿದ್ದೇವೆ ಎಂದು ಉತ್ತರಿಸಿದ್ದಾರೆ.
ಇದನ್ನೂ ಓದಿ: ಕೊರೊನಾ ಸೋಂಕಿಗೆ ಥಾಯ್ಲೆಂಡ್ನ 'ಕಾಲ್ ಗರ್ಲ್' ಯುಪಿಯಲ್ಲಿ ಬಲಿ!
ಕರ್ಫ್ಯೂ ನಿಯಮ ಉಲ್ಲಂಘಿಸಿದ್ದಕ್ಕಾಗಿ ಅಧಿಕಾರಿ ಆ 4 ಹುಡುಗಿಯರಿಗೆ ಬಸ್ಕಿ ಹೊಡೆಸಿದ್ದು, ಅಲ್ಲೇ ಕಟ್ಟಡದ ಮೇಲಿದ್ದವರು ವಿಡಿಯೋ ಮಾಡಿದ್ದಾರೆ. ಇನ್ನೂ ವಿಡಿಯೋಕ್ಕೆ ಹಲವು ರೀತಿಯ ಅಭಿಪ್ರಾಯಗಳು ವ್ಯಕ್ತವಾಗಿವೆ.
