ಮೊಬೈಲ್​ ಕದ್ದ ಆರೋಪ, ಯುವಕನ ಲಾರಿಗೆ ಕಟ್ಟಿಹಾಕಿ ಚಿತ್ರಹಿಂಸೆ

ಯುವಕನಿಗೆ ಚಪ್ಪಲಿ ಹಾರ ಹಾಕಿ ಟ್ರಕ್‌ನ ಎದುರಿಗೆ ಕಟ್ಟಿಹಾಕಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಘಟನೆ ಒಡಿಶಾದಲ್ಲಿ ನಡೆದಿದೆ.

ಒಡಿಶಾ: ಇಲ್ಲಿನ ಪರದೀಪ್ ಬಂದರು ಪ್ರದೇಶದಲ್ಲಿ ಕಳ್ಳತನ ಆರೋಪದಡಿ ವ್ಯಕ್ತಿಯೊಬ್ಬನ ಕುತ್ತಿಗೆಗೆ ಚಪ್ಪಲಿ ಹಾರ ಹಾಕಿದ್ದಲ್ಲದೇ ಟ್ರಕ್​​ಗೆ ಕಟ್ಟಿಹಾಕಿ ಹಿಂಸಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಟ್ರಕ್ ಚಾಲಕ ಮತ್ತು ಸಹಾಯಕನನ್ನು ಬಂಧಿಸಿದ್ದಾರೆ. ಆರೋಪಿಗಳನ್ನು ಇಂದು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು ಎಂದು ಪರದೀಪ್ ಠಾಣೆಯ ಪೊಲೀಸರು ತಿಳಿಸಿದ್ದಾರೆ.

3-4 ದಿನಗಳ ಹಿಂದೆ ಈ ಘಟನೆ ನಡೆದಿದೆ. ಕೇಂದ್ರಪಾರ ಜಿಲ್ಲೆಯ ಮಾರ್ಷಘೈ ಪ್ರದೇಶದ ಈ ಯುವಕ, ತಮ್ಮ ಮೊಬೈಲ್ ಕದ್ದಿದ್ದಾನೆ ಎಂದು ಆರೋಪಿಸಿ ಟ್ರಕ್‌ ಚಾಲಕ ಮತ್ತು ಆತನ ಸಹಾಯಕರು ಯುವಕನನ್ನು ಕಟ್ಟಿಹಾಕಿ ಈ ರೀತಿ ಹಿಂಸಿಸಿದ್ದಾರೆ ಎಂಬ ಮಾಹಿತಿ ಇದೆ.

• Odisha | Police lodged case against truck driver & helper in connection with viral video of a man who was tied to a truck with garland of slippers around his neck in Paradeep port area for alleged theft.Accused driver, his helper to be produced before court today: Paradeep Police pic.twitter.com/doy1jzLcEF

  — ANI (@ANI) May 26, 2022 " class="align-text-top noRightClick twitterSection" data="

Odisha | Police lodged case against truck driver & helper in connection with viral video of a man who was tied to a truck with garland of slippers around his neck in Paradeep port area for alleged theft.Accused driver, his helper to be produced before court today: Paradeep Police pic.twitter.com/doy1jzLcEF

— ANI (@ANI) May 26, 2022 ">

Odisha | Police lodged case against truck driver & helper in connection with viral video of a man who was tied to a truck with garland of slippers around his neck in Paradeep port area for alleged theft.Accused driver, his helper to be produced before court today: Paradeep Police pic.twitter.com/doy1jzLcEF

— ANI (@ANI) May 26, 2022

ಯುವಕ ವಾಹನದಿಂದ ಮೊಬೈಲ್ ಕದ್ದು ಪರಾರಿಯಾಗಲು ಪ್ರಯತ್ನಿಸುತ್ತಿದ್ದಾಗ ಟ್ರಕ್ ಚಾಲಕ ಮತ್ತು ಅವನ ಸಹಾಯಕರು ಹಿಂಬಾಲಿಸಿ ಹಿಡಿದಿದ್ದಾರೆ. ಬಳಿಕ ಶಿಕ್ಷೆಯ ರೂಪದಲ್ಲಿ ಕೊರಳಿಗೆ ಚಪ್ಪಲಿ ಹಾರ ಹಾಕಿದ್ದಲ್ಲದೇ ಲಾರಿಯ ಇಂಜಿನ್‌ ಮುಂದೆ ಕಟ್ಟಿ ಹಾಕಿ 15-20 ನಿಮಿಷಗಳ ಕಾಲ ವಾಹನ ಚಲಾಯಿಸಿದ್ದಾರೆ. ಅದರ ವಿಡಿಯೋ ಸಹ ಅವರೇ ಮಾಡಿದ್ದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ ಎಂದು ಜಗತ್‌ಸಿಂಗ್‌ಪುರ ಎಸ್‌ಪಿ ಅಖಿಲೇಶ್ವರ್‌ ಸಿಂಗ್‌ ಮಾಹಿತಿ ನೀಡಿದರು.

ಸಂತ್ರಸ್ತ ಯುವಕ ದೂರು ದಾಖಲಿಸಿಲ್ಲ. ನಂತರ ಆರೋಪಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ. ಒಡಿಶಾ ಮಾನವ ಹಕ್ಕುಗಳ ಆಯೋಗ ಪೊಲೀಸರಿಂದ ಪ್ರಕರಣದ ವರದಿ ಕೇಳಿದೆ.