ಅಸನ್ಸೋಲ್ (ಪಶ್ಚಿಮ ಬಂಗಾಳ) : "ಉಚಿತ ಲಸಿಕೆ" ನೀಡುವುದಾಗಿ ಹೇಳಿದ್ದ ಮಮತಾ ಬ್ಯಾನರ್ಜಿ ಹೇಳಿಕೆಯ ವಿರುದ್ಧ ಬಿಜೆಪಿ ಸಂಸದ ಬಾಬುಲ್ ಸುಪ್ರಿಯೋ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪಶ್ಚಿಮ ಬಂಗಾಳ ಮುಖ್ಯಮಂತ್ರಿಯಾಗಿ ಇಂತಹ "ಅಸಂಬದ್ಧ" ಹೇಳಿಕೆಯಿಂದ ದೂರವಿರಬೇಕೆಂದು ಒತ್ತಾಯಿಸಿದ್ದಾರೆ.
ಮಾಧ್ಯಮಗಳ ಜೊತೆ ಮಾತನಾಡಿದ ಸುಪ್ರಿಯೋ, ಕೇಂದ್ರ ಸರ್ಕಾರವು ಈಗಾಗಲೇ ಜನರಿಗೆ ಲಸಿಕೆಗಳನ್ನು ಉಚಿತವಾಗಿ ಘೋಷಿಸಿದೆ. "ಪ್ರಧಾನ ಮಂತ್ರಿ ಎಲ್ಲ ರಾಜ್ಯಗಳ ಮುಖ್ಯಮಂತ್ರಿಗಳೊಂದಿಗೆ ವಿಡಿಯೋ ಕಾನ್ಫರೆನ್ಸಿಂಗ್ ನಡೆಸಿದ್ದಾರೆ. ಖಂಡಿತವಾಗಿಯೂ, ಎಲ್ಲ ರಾಜ್ಯ ಆರೋಗ್ಯ ಕಾರ್ಯಕರ್ತರು ಲಸಿಕೆ ನೀಡುವ ಕೇಲಸ ಮಾಡಬೇಕಾಗುತ್ತದೆ. ಉಚಿತ ಲಸಿಕೆ ನೀಡುವಂತಹ ಅಸಂಬದ್ಧತೆ ಹೇಳಿಕೆಯನ್ನ ನೀಡಬಾರದೆಂದು ನಾನು ಮಮತಾ ಬ್ಯಾನರ್ಜಿಯವರಲ್ಲಿ ವಿನಂತಿಸುತ್ತೇನೆ ಎಂದರು."
ಓದಿ : ರಾಜ್ಯದ ಎಲ್ಲರಿಗೂ ಉಚಿತ ಕೋವಿಡ್-19 ಲಸಿಕೆ : ಮಮತಾ ಬ್ಯಾನರ್ಜಿ
ಕೋವಿಡ್ -19 ವಿರುದ್ಧದ ಲಸಿಕೆಯನ್ನ ರಾಜ್ಯದ ಎಲ್ಲ ಜನರಿಗೆ ಯಾವುದೇ ವೆಚ್ಚವಿಲ್ಲದೇ ಲಸಿಕೆ ಹಾಕಲು ರಾಜ್ಯ ಸರ್ಕಾರ ವ್ಯವಸ್ಥೆ ಮಾಡುತ್ತಿದೆ ಎಂದು ಜನವರಿ 10 ರಂದು ಬ್ಯಾನರ್ಜಿ ಘೋಷಿಸಿದ್ದರು.
ನಿನ್ನೆ ಪಶ್ಚಿಮ ಬಂಗಾಳ ಬಿಜೆಪಿ ಮುಖ್ಯಸ್ಥ ದಿಲೀಪ್ ಘೋಷ್ ಅವರು ಮಮತಾ ಬ್ಯಾನರ್ಜಿ ಅವರನ್ನು ದೂಷಿಸಿದ್ದರು ಮತ್ತು ಮತದಾರರನ್ನು ಸೇಳೆಯಲು ರಾಜ್ಯದಲ್ಲಿ 'ಕೇಂದ್ರದ ಯೋಜನೆಗಳು ಮತ್ತು ಲಸಿಕೆಗಳನ್ನು ತಮ್ಮ ಹೆಸರಿನಲ್ಲಿ ಪ್ರಚಾರ ಮಾಡಿದ್ದಾರೆ' ಎಂದು ಆರೋಪಿಸಿದ್ದರು. ಲಸಿಕೆಯನ್ನು ಚುನಾವಣೆಗೆ ಮುಂಚಿತವಾಗಿ "ಟಿಕಶ್ರೀ" ಅಥವಾ "ಮಮತಾಶ್ರೀ" ಎಂದು ಮರು ನಾಮಕರಣ ಮಾಡುವ ಮೂಲಕ ಅದನ್ನು ಪ್ರಚಾರ ಮಾಡಲು ಬಯಸಿದ್ದಾರೆ ಎಂದು ಘೋಷ್ ಹೇಳಿದರು.
