ಭಯೋತ್ಪಾದನೆಗೆ ಹಣಕಾಸು ಪೂರೈಕೆ: ಪ್ರತ್ಯೇಕತಾವಾದಿ ಯಾಸೀನ್ ಮಲಿಕ್​ ದೋಷಿ

ಅಪರಾಧ ಸಾಬೀತಾಗಿರುವ ಯಾಸೀನ್​ ಮಲಿಕ್​ಗೆ ಶಿಕ್ಷೆ ಪ್ರಮಾಣ ವಿಧಿಸುವ ಬಗ್ಗೆ ಮೇ 25ರಂದು ನ್ಯಾಯಾಲಯದಲ್ಲಿ ವಾದ-ಪ್ರತಿವಾದ ನಡೆಯಲಿದೆ.

ನವದೆಹಲಿ: ಭಯೋತ್ಪಾದನೆಗೆ ಹಣಕಾಸು ಪೂರೈಕೆ ಆರೋಪ ಪ್ರಕರಣದಲ್ಲಿ ಜಮ್ಮು-ಕಾಶ್ಮೀರದ ಪ್ರತ್ಯೇಕತಾವಾದಿ ನಾಯಕ ಯಾಸೀನ್​ ಮಲಿಕ್​​ನನ್ನು ರಾಷ್ಟ್ರೀಯ ತನಿಖಾ ದಳ (ಎನ್​ಐಎ) ನ್ಯಾಯಾಲಯವು ದೋಷಿ ಎಂದು ಪ್ರಕಟಿಸಿದೆ.

2017ರಲ್ಲಿ ಕಾಶ್ಮೀರದಲ್ಲಿ ಭಯೋತ್ಪಾದನೆ ಮತ್ತು ಪ್ರತ್ಯೇಕತಾವಾದಿ ಚಟುವಟಿಕೆಗಳ ಆರೋಪಗಳ ಸಂಬಂಧ ಯಾಸೀನ್​ ಮಲಿಕ್ ನ್ಯಾಯಾಲಯದ ಮುಂದೆ​ ತಪ್ಪೊಪ್ಪಿಕೊಂಡಿದ್ದರು. ಇಂದು ನ್ಯಾಯಾಲಯದ ವಿಚಾರಣೆ ವೇಳೆ ಯಾಸೀನ್​ ಮಲಿಕ್​ ದೋಷಿ ಎಂದು ಸಾಬೀತಾದ ನಂತರ ಪೊಲೀಸರು ಆತನನ್ನು ಕೋರ್ಟ್​ನಿಂದ ಕರೆತಂದರು.

ಅಲ್ಲದೇ, ಆರ್ಥಿಕ ಸ್ಥಿತಿ-ಗತಿ ಬಗ್ಗೆ ಅಫಿಡವಿಟ್​ ಸಲ್ಲಿಸುವಂತೆ ಅಪರಾಧಿ ಯಾಸೀನ್​ಗೆ ಕೋರ್ಟ್​ ಸೂಚಿಸಿದೆ. ಇತ್ತ, ಎನ್​ಐಎ ಕೂಡ ಈತನ ಆರ್ಥಿಕತೆ ಬಗ್ಗೆ ವರದಿ ನೀಡುವಂತೆ ತಿಳಿಸಿದೆ. ಈ ಪ್ರಕರಣದಲ್ಲಿ ಶಿಕ್ಷೆ ಪ್ರಮಾಣದ ಬಗ್ಗೆ ಮೇ 25ರಂದು ವಾದ-ಪ್ರತಿವಾದ ನಡೆಯಲಿದೆ.

ಇದನ್ನೂ ಓದಿ: ಭದ್ರತಾ ಪರಿಶೀಲನೆ ವೇಳೆ ಆಡಿಟೋರಿಯಂನಿಂದ ಬಿದ್ದ ಗುಪ್ತಚರ ಇಲಾಖೆ ಅಧಿಕಾರಿ ಸಾವು: ಸಿಸಿಟಿವಿ ದೃಶ್ಯ