ಹೈದರಾಬಾದ್ : ಈಜಲೆಂದು ತೆರಳಿದ್ದ ಬಾಲಕ ನೀರಲ್ಲಿ ಮುಳುಗಿ ಸಾವು-ಬದುಕಿನ ನಡುವೆ ಹೋರಾಡುತ್ತಿರುವಾಗ ತಾಯಿ ತನ್ನ ಕರುಳ ಕುಡಿ ಕಾಪಾಡಲು ಹರಸಾಹಸ ಪಡುತ್ತಿರುವ ದೃಶ್ಯ ಮನಕಲುಕುವಂತಿದೆ. ಇದು ಹೈದರಾಬಾದ್ನ ಮೂಸಾಪೇಟೆ ಎಂಬಲ್ಲಿ ನಡೆದ ಘಟನೆ.
ಭವಾನಿ ಮತ್ತು ವೆಂಕಟರಾವ್ ದಂಪತಿ ಮಗ ನವೀನ್(8) ಮೃತ ಬಾಲಕ. ಈ ದಂಪತಿ ಕಳೆದ 15 ವರ್ಷದ ಹಿಂದೆ ಉದ್ಯೋಗಕ್ಕಾಗಿ ಹೈದರಾಬಾದ್ಗೆ ಆಗಮಿಸಿದ್ದತ್ತು. ಗುತ್ತಿಗೆಗಾರರಾಗಿ ಕೆಲಸ ಮಾಡುತ್ತಿದ್ದ ವೆಂಕಟರಾವ್ ದಂಪತಿಗೆ ಇಬ್ಬರು ಗಂಡು ಮಕ್ಕಳು.
ನವೀನ್ ಸಣ್ಣ ಕೊಳವೊಂದರಲ್ಲಿ ಈಜಾಡುತ್ತಿದ್ದಾಗ ಕೊಳದಲ್ಲಿದ್ದ ದೊಡ್ಡ ರಂಧ್ರದೊಳಗೆ ಬಿದ್ದಿದ್ದಾನೆ. ಮೇಲೆ ಬರಲಾಗದೆ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾಗ ಆತನ ಜೊತೆಗಿದ್ದ ಬೇರೆ ಮಕ್ಕಳು ತಾಯಿ ಭವಾನಿಗೆ ಮಾಹಿತಿ ನೀಡಿದ್ದಾರೆ.
ಈ ವಿಷಯ ತಿಳಿದ ತಕ್ಷಣ ತಾಯಿ ಬಂದು, ಇತರರ ಸಹಾಯದೊಂದಿಗೆ ಮಗನನ್ನು ರಂಧ್ರದಿಂದ ಹೊರತೆಗೆದಿದ್ದಾಳೆ. ಕರುಳ ಕುಡಿಯ ಜೀವ ಉಳಿಸಲೆಂದು ಬಾಯಿಯ ಮೂಲಕ ಕೃತಕ ಉಸಿರನ್ನು ನೀಡಿದ್ದಾಳೆ.
ಆದರೆ, ನವೀನ್ ಸ್ಥಿತಿ ಗಂಭೀರವಾಗಿದ್ದ ಹಿನ್ನೆಲೆಯಲ್ಲಿ ಕುಕಟ್ಪಲ್ಲಿ ಪೊಲೀಸರು ಆತನನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ, ಆಸ್ಪತ್ರೆಗೆ ತಲುಪುವ ಮುನ್ನವೇ ನವೀನ್ ಕೊನೆಯುಸಿರೆಳೆದಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.
ಕರುಳಬಳ್ಳಿ ಅಂತ್ಯದ ಸುದ್ದಿ ತಿಳಿದ ತಾಯಿ ಭವಾನಿಯ ಆಕಂದ್ರನ ಮುಗಿಲುಮುಟ್ಟುವಂತಿದೆ.
