ನವದೆಹಲಿ: ಆಯುಷ್ ಸಚಿವಾಲಯ ಮತ್ತು ಏಮ್ಸ್ ಜಂಟಿಯಾಗಿ ಏಮ್ಸ್ನಲ್ಲಿ ಸಮಗ್ರ ಔಷಧ ವಿಭಾಗ ಸ್ಥಾಪಿಸಲು ಚಿಂತನೆ ನಡೆಸಿದೆ.
ಆಯುಷ್ ಕಾರ್ಯದರ್ಶಿ ವೈದ್ಯ ರಾಜೇಶ್ ಕೋಟೆಚಾ ಮತ್ತು ಏಮ್ಸ್ ನಿರ್ದೇಶಕ ಡಾ.ರಣದೀಪ್ ಗುಲೇರಿಯಾ ಜಂಟಿಯಾಗಿ ನವದೆಹಲಿ ಏಮ್ಸ್ನ ಇಂಟಿಗ್ರೇಟಿವ್ ಮೆಡಿಸಿನ್ ಅಂಡ್ ರಿಸರ್ಚ್ (ಸಿಐಎಂಆರ್) ಕೇಂದ್ರಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ಬಳಿಕ ಈ ನಿರ್ಧಾರ ಪ್ರಕಟಿಸಿದ್ದಾರೆ. ಆಯುಷ್ ಸಚಿವಾಲಯದ ಸೆಂಟರ್ ಆಫ್ ಎಕ್ಸಲೆನ್ಸ್ ಸ್ಕೀಮ್ ಮೂಲಕ ಸಿಐಎಂಆರ್ ಈಗಾಗಲೇ ಉತ್ತಮ ಸಹಕಾರ ಪಡೆಯುತ್ತಿದೆ.
ಓದಿ : ಭಾರತ್ ಬಯೋಟೆಕ್‌ನಲ್ಲಿ ಕೊವ್ಯಾಕ್ಸಿನ್‌ ಬಗ್ಗೆ ವಿದೇಶಿ ರಾಯಭಾರಿಗಳಿಗೆ ಮಾಹಿತಿ
ಸಿಐಎಂಆರ್ ಮುಖ್ಯಸ್ಥ ಡಾ. ಗೌತಮ್ ಶರ್ಮಾ ಮತ್ತು ಆಯುಷ್ ಸಚಿವಾಲಯದ ಹಿರಿಯ ಅಧಿಕಾರಿಗಳು ಈ ವೇಳೆ ಉಪಸ್ಥಿತರಿದ್ದರು. ಯೋಗ ಮತ್ತು ಆಯುರ್ವೇದ ವಿಭಾಗಗಳಲ್ಲಿ ಸಿಐಎಂಆರ್ ನಡೆಸುತ್ತಿರುವ ಅತ್ಯಾಧುನಿಕ ಸಂಶೋಧನಾ ಚಟುವಟಿಕೆಗಳನ್ನು ಪರಿಶೀಲನೆ ನಡೆಸಲಾಯಿತು. ಆಯುಷ್ ಸಚಿವಾಲಯ ಮತ್ತು ಏಮ್ಸ್ ಸಿಐಎಂಆರ್ನಲ್ಲಿ ಸಂಶೋಧನಾ ಸಹಯೋಗ ಮತ್ತು ಸಹಕಾರಿ ಚಟುವಟಿಕೆಗಳ ವ್ಯಾಪ್ತಿಯನ್ನು ವಿಸ್ತರಿಸಲು ನಿರ್ಧರಿಸಿದೆ.
ಸಿಐಎಂಆರ್ನಲ್ಲಿ ಹೆಚ್ಚುತ್ತಿರುವ ರೋಗಿಗಳು ಮತ್ತು ನಡೆಯುತ್ತಿರುವ ಸಂಶೋಧನಾ ಚಟುವಟಿಕೆಗಳನ್ನು ಗಮನಿಸಿದ ಆಯುಷ್ ಕಾರ್ಯದರ್ಶಿ ಮತ್ತು ಏಮ್ಸ್ ನಿರ್ದೇಶಕ, ಇಲ್ಲಿ ಸಮಗ್ರ ಔಷಧ ವಿಭಾಗವನ್ನು ಅಭಿವೃದ್ದಿಪಡಿಸಲು ಉತ್ಸುಕತೆ ತೋರಿದ್ದಾರೆ. ಭವಿಷ್ಯದಲ್ಲಿ ಸಿಐಎಂಆರ್ನಲ್ಲಿ ಶಾಶ್ವತ ವಿಭಾಗ ಸ್ಥಾಪಿಸಿ, ಅಧ್ಯಾಪಕರು ಮತ್ತು ಸಿಬ್ಬಂದಿಯನ್ನು ನೇಮಿಸುವ ಉದ್ದೇಶ ಹೊಂದಲಾಗಿದೆ.
