ಮುಂಬೈ( ಮಹರಾಷ್ಟ್ರ): ಇಲ್ಲಿನ 3ನೇ ಹಂತದ ಮೆಟ್ರೋ ರೈಲ್ವೇ ಲೈವ್ ಅಂಡರ್‌ಗ್ರೌಂಡ್ ಪರೀಕ್ಷೆ ನಡೆಸಿದ್ದು, ಇದೀಗ ಯಶಸ್ವಿಗೊಂಡಿದೆ. ಡಿಸೆಂಬರ್ 12 2022 ರಂದು ಮುಂಬೈ ಸೆಂಟ್ರಲ್ ಸ್ಟೇಷನ್‌ನಲ್ಲಿ 42 ನೇ ಹಂತದ ಮತ್ತು ಅಂತಿಮ ಸುರಂಗ ಮಾರ್ಗವನ್ನು ಮುಂಬೈ ಮೆಟ್ರೋ ರೈಲು ನಿಗಮದ ಕೊಲಾಬಾ-ಬಾಂದ್ರಾ-ಸೀಪ್ಜ್ ಮೆಟ್ರೋ-3 ಮಾರ್ಗದಲ್ಲಿ ಪೂರ್ಣಗೊಳಿಸಲಾಗಿದೆ.
ಮೇಲ್ಕಂಡ ಮಾರ್ಗದಲ್ಲಿ ಮೇಲಿನ ಸುರಂಗ ಮಾರ್ಗವು ಪೂರ್ಣವಾಗಲು ಒಟ್ಟು 43 ದಿನಗಳನ್ನು ತೆಗೆದುಕೊಂಡಿತು. ಇದರಲ್ಲಿ ಒಟ್ಟು 558 ಕಾಂಕ್ರೀಟ್ ರಿಂಗ್ಗಳನ್ನು ಬಳಸಲಾಗಿದ್ದು, ಈ ಸುರಂಗಮಾರ್ಗದ ಪರೀಕ್ಷೆಯನ್ನು ಮೆಟ್ರೋ ರೈಲು -3 ಮಾಡಿದೆ. 3ನೇ ಹಂತದ ಮೆಟ್ರೋ ಮಾರ್ಗದ ಉದ್ದದ ವಿಸ್ತರಣೆಗಳಲ್ಲಿ ಒಂದಾದ ಪ್ಯಾಕೇಜ್ - 3 ಮೆಟ್ರೋವು ಮುಂಬೈ ಸೆಂಟ್ರಲ್, ಮಹಾಲಕ್ಷ್ಮಿ, ವಿಜ್ಞಾನ ವಸ್ತುಸಂಗ್ರಹಾಲಯ, ಆಚಾರ್ಯ ಅತ್ರೆ ಚೌಕ್ ಮತ್ತು ವರ್ಲಿಯಲ್ಲಿ ನಿಲ್ದಾಣಗಳನ್ನು ಒಳಗೊಂಡಿದೆ.
ರಾಬಿನ್ಸ್‌ನ ಟಿಬಿಎಂ ತಾನ್ಸಾ-1ಯಂತ್ರವು ಪ್ಯಾಕೇಜ್-3 ರ ಅಡಿ 837 ಮೀಟರ್‌ಗಳ ಅತ್ಯಂತ ಸವಾಲಿನ ಸುರಂಗ ಕಾಮಗಾರಿಯನ್ನು ಮಹಾಲಕ್ಷ್ಮಿ ಮೆಟ್ರೋ ನಿಲ್ದಾಣದಿಂದ ಮುಂಬೈ ಸೆಂಟ್ರಲ್ ಮೆಟ್ರೋ ನಿಲ್ದಾಣದವರೆಗೆ ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. 3ನೇ ಹಂತದ ಮೆಟ್ರೋ ರೈಲ್ವೆಯ ಸುರಂಗಮಾರ್ಗ ಕಾಮಗಾರಿ ಪೂರ್ಣಗೊಂಡ ಸ್ಥಳದಲ್ಲಿ ಮೊದಲ ಪ್ರಾಯೋಗಿಕ ಪರೀಕ್ಷೆ ನಡೆಸಲಾಯಿತು. ಅಲ್ಲದೇ ಭುಯಾರಾದಲ್ಲಿ ಕೂಡ ಮೆಟ್ರೋ ರೈಲನ್ನು ಇತ್ತೀಚೆಗೆ ಪರೀಕ್ಷಿಸಲಾಗಿದೆ.
ಆಕ್ವಾ ಲೈನ್ ಎಂದೂ ಕರೆಯಲ್ಪಡುವ ಜನಪ್ರಿಯ ಮುಂಬೈ ಮೆಟ್ರೋ ಮಾರ್ಗ ಲೈನ್- 3, ಒಟ್ಟಾರೆ 33.5 ಕಿಮೀ ಉದ್ದದ ಸಂಪೂರ್ಣ ಭೂಗತ ಮಾರ್ಗವಾಗಿದೆ ಮತ್ತು ದಕ್ಷಿಣ ಮುಂಬೈನ ಕಫ್ ಪರೇಡ್ ಮತ್ತು ಉತ್ತರ ಮುಂಬೈನ ಸಿಪ್ಜ್ ಮತ್ತು ಆರೆ ನಡುವಿನ ಅಂತರವನ್ನು ಇದು ಒಳಗೊಂಡಿದೆ. ಜೊತೆಗೆ 26 ಭೂಗತ ಮುಂಬೈ ಮೆಟ್ರೋ ನಿಲ್ದಾಣ ಮತ್ತು ಒಂದು ಗುಣಮಟ್ಟದ ನಿಲ್ದಾಣವನ್ನು ಹೊಂದಿದೆ. ಮುಂಬೈ ಮೆಟ್ರೋ ಮಾರ್ಗವು ಮುಂಬೈ ವಿಮಾನ ನಿಲ್ದಾಣದ ಮೂಲಕ ಹಾದು ಹೋಗುತ್ತದೆ, ಆದರಿಂದ ಈ ಪ್ರದೇಶದಲ್ಲಿನ ಸಂಪರ್ಕ ಮತ್ತಷ್ಟು ಹೆಚ್ಚಿಲಿದೆ.
ಈ ಸುರಂಗ ಮಾರ್ಗದ ನಿರ್ಮಾಣಕ್ಕೆ ಒಟ್ಟು 23,136 ಕೋಟಿ ರೂ. ಖರ್ಚಾಗಿದ್ದು, ಈ ಮಾರ್ಗವು ಲೈನ್ 1ರ ಮರೋಲ್ ನಾಕಾ ಮತ್ತು ಲೈನ್ 2 ಬಿಕೆಸಿ ಮತ್ತು ಲೈನ್ 6 ಸಿಪ್ಜ್ ನೊಂದಿಗೆ ಬದಲಾವಣೆಯ ವಿನಿಮಯವನ್ನು ಹೊಂದಿರುತ್ತದೆ.
ಇದನ್ನೂ ಓದಿ: 40 ಕೆಜಿ ಬರ್ಗರ್ ತಯಾರಿಸಿ ಫೇಮಸ್ ಆದರು ಬರ್ಗರ್ ಚಾಚು... ದಾಖಲೆ ಬರೆದ ಭಾರತದ ಅತಿ ದೊಡ್ಡ ಬರ್ಗರ್
