ತಿರುವನಂತಪುರಂ: ಮುಂದಿನ ತಿಂಗಳು ನಡೆಯಲಿರುವ ರಾಷ್ಟ್ರಪತಿ ಚುನಾವಣೆಯಲ್ಲಿ ಕೇರಳದ ಅಷ್ಟೂ ಮತಗಳು ಪ್ರತಿಪಕ್ಷದ ಅಭ್ಯರ್ಥಿ ಯಶವಂತ್ ಸಿನ್ಹಾ ಅವರಿಗೆ ಚಲಾವಣೆಯಾಗಲಿವೆ. ರಾಜ್ಯವೊಂದರ ಎಲ್ಲ ಮತಗಳು ಪ್ರತಿಪಕ್ಷದ ಅಭ್ಯರ್ಥಿಗೆ ಚಲಾವಣೆಯಾಗಲಿರುವ ಏಕೈಕ ರಾಜ್ಯ ಕೇರಳವಾಗಲಿದೆ.
ಕೇರಳದಲ್ಲಿ ಬಿಜೆಪಿ ಅಥವಾ ಅದರ ಮಿತ್ರ ಪಕ್ಷದ ಯಾವುದೇ ಶಾಸಕರು ಅಥವಾ ಸಂಸದರಿಲ್ಲ. ಹಾಗಾಗಿ, ಎಲ್ಡಿಎಫ್ ಹಾಗೂ ಯುಡಿಎಫ್ನ ಎಲ್ಲ ಮತಗಳು ಯಶವಂತ್ ಸಿನ್ಹಾ ಪರವಾಗಿ ಚಲಾವಣೆಯಾಗಲಿದ್ದು, ದ್ರೌಪದಿ ಮುರ್ಮು ಅವರಿಗೆ ಒಂದೇ ಒಂದು ಮತ ಇಲ್ಲಿಂದ ಸಿಗುವ ಸಾಧ್ಯತೆಗಳಿಲ್ಲ.
ಸಿಪಿಎಂ ನೇತೃತ್ವದ ಎಲ್ಡಿಎಫ್ 99 ಶಾಸಕರು ಹಾಗೂ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ 41 ಶಾಸಕರನ್ನು ಹೊಂದಿದೆ. ಲೋಕಸಭೆಯಲ್ಲಿ ಕಾಂಗ್ರೆಸ್ನ 19 ಹಾಗೂ ಎಲ್ಡಿಎಫ್ನ ಓರ್ವ ಸಂಸದ ಇದ್ದಾರೆ. ರಾಜ್ಯಸಭೆಯಲ್ಲಿ ಎಲ್ಡಿಎಫ್ನ 7 ಹಾಗೂ ಕಾಂಗ್ರೆಸ್ನ ಇಬ್ಬರು ಸಂಸದರಿದ್ದಾರೆ. ಹೀಗಾಗಿ ಈ ಎಲ್ಲ 29 ಸಂಸದರು ಯಶವಂತ್ ಸಿನ್ಹಾರಿಗೆ ವೋಟ್ ನೀಡಲಿದ್ದಾರೆ.
2017ರ ರಾಷ್ಟ್ರಪತಿ ಚುನಾವಣೆಯಲ್ಲಿ ಆಡಳಿತಾರೂಢ ಪಕ್ಷದ ಅಭ್ಯರ್ಥಿ ರಾಮನಾಥ್ ಕೋವಿಂದ್ರಿಗೆ ಬಿಜೆಪಿಯ ಒಂದು ಮತ ಬಂದಿತ್ತು. ಆಗ ಓ.ರಾಜಗೋಪಾಲ್ ಬಿಜೆಪಿಯಿಂದ ಶಾಸಕರಾಗಿದ್ದರು.
