ಕಾರ್ಪೊರೇಟರ್​ ಶೈಲಿ ಪ್ಯಾಕೇಜಿಂಗ್​ ಆರಂಭಿಸಿದ ಭಾರತೀಯ ಅಂಚೆ ಇಲಾಖೆ

ಶತಮಾನದ ಹಿಂದಿನ ಈ ಪದ್ದತಿ ಬದಲಾವಣೆ ಆಗುತ್ತಿರುವ ಕುರಿತು ಮಾತನಾಡಿರುವ ಪಶ್ಚಿಮ ಬಂಗಾಳ ಸರ್ಕಲ್​, ಅಂಚೆ ಕಚೇರಿ ಆಧುನೀಕರಣ ಆಗುತ್ತಿದ್ದು, ಬದಲಾವಣೆ ಸಮಯದಲ್ಲಿ ವೇಗವನ್ನು ಉಳಿಸಿಕೊಳ್ಳಲು ಸಮರ್ಥನೀಯವಾಗಿದೆ ಎಂದು ಅಲ್ಲಿನ ಅಂಚೆ ಇಲಾಖೆ ಹೇಳಿಕೊಂಡಿದೆ.

ಕೋಲ್ಕತ್ತಾ: ಭಾರತೀಯ ಅಂಚೆ ಪಾರ್ಸೆಲ್​ಗೆ ಬಳಸುತ್ತಿದ್ದ ಬಟ್ಟೆ ಮತ್ತು ಸೆಣಬಿನ ಕವರ್​ ಇನ್ಮುಂದೆ ಕಣ್ಮರೆಯಾಗುವ ಸಾಧ್ಯತೆ ಇದೆ. ಕಾರಣ ಬಟ್ಟೆ ಮತ್ತು ಸೆಣಬಿನ ಕವರ್​ಗಳು ಸಾಕಷ್ಟು ಪ್ರಮಾಣದಲ್ಲಿ ಹಾನಿಯಾಗುತ್ತಿರುವುದು. ಈ ಹಿನ್ನೆಲೆ ಅಂಚೆ ಇಲಾಖೆ ಕೂಡ ದೇಶಾದ್ಯಂತ ಕಾರ್ಪೊರೇಟ್​ ಮಾದರಿ ಬಬಲ್​, ಪ್ಲಾಸ್ಟಿಕ್​ ಮತ್ತು ಪಾಲಿಥೆನ್​ ಪಾರ್ಸೆಲ್​ ಮಾದರಿ ಅಳವಡಿಸಿಕೊಳ್ಳಲಿದೆ.

ಕಾರ್ಪೊರೇಟರ್​ ಶೈಲಿ ಪ್ಯಾಕೇಜಿಂಗ್​ ಆರಂಭಿಸಿದ ಭಾರತೀಯ ಅಂಚೆ ಇಲಾಖೆ

ಶತಮಾನದ ಹಿಂದಿನ ಈ ಪದ್ದತಿ ಬದಲಾವಣೆ ಆಗುತ್ತಿರುವ ಕುರಿತು ಮಾತನಾಡಿರುವ ಪಶ್ಚಿಮ ಬಂಗಾಳ ಸರ್ಕಲ್​, ಅಂಚೆ ಕಚೇರಿ ಆಧುನೀಕರಣ ಆಗುತ್ತಿದ್ದು, ಬದಲಾವಣೆ ಸಮಯದಲ್ಲಿ ವೇಗವನ್ನು ಉಳಿಸಿಕೊಳ್ಳಲು ಸಮರ್ಥನೀಯವಾಗಿದೆ ಎಂದಿದೆ.

ಸೆಣಬು ಅಥವಾ ಬಟ್ಟೆ ಟ್ಯಾಂಪರ್​ ಪ್ರೂವ್​ ಆಗಿರುವುದಿಲ್ಲ. ಇದರಲ್ಲಿ ಅನೇಕ ಸಮಸ್ಯೆ ಇದೆ. ಬಹುತೇಕ ಪ್ರಕರಣದಲ್ಲಿ ವಸ್ತುಗಳು ಹಾನಿಯಾಗುವ ಸಾಧ್ಯತೆ ಹೆಚ್ಚಿದೆ. ಆಧುನೀಕರಣದ ಪ್ಲಾಸ್ಟಿಕ್​ ಕವರ್​ ರ್ಯಾಪ್​ ಮಾಡುವುದು ವಸ್ತುಗಳನ್ನು ಸುರಕ್ಷಿತವಾಗಿರಿಸಲು ಸಹಾಯ ಮಾಡುತ್ತದೆ. ಯಾವುದೇ ನೈಸರ್ಗಿಕ ಅನಾಹುತ ಅಥವಾ ಇನ್ನಿತರ ಸಮಸ್ಯೆಯಲ್ಲೂ ವಸ್ತುಗಳ ಸಹಜ ಸ್ಥಿತಿ ಕಾಪಾಡಬಹುದು. ಖಾಸಗಿ ಆನ್​ಲೈನ್​ ಡೆಲಿವರಿ ವ್ಯವಸ್ಥೆಯಂತೆ ನಾವು ಪ್ಯಾಕಿಂಗ್​ ಮಾಡುತ್ತೇವೆ ಎಂದು ಪಶ್ಚಿಮ ಬಂಗಾಳ ಮುಖ್ಯ ಪೋಸ್ಟ್​ ಮಾಸ್ಟರ್​ ಜನರಲ್​ ಜೆ ಚಾರುಕೆಶಿ ತಿಳಿಸಿದ್ದಾರೆ.

ಅಂಚೆ ಇಲಾಖೆ ಮಾಹಿತಿ ಅನುಸಾರ, ಸರಕುಗಳನ್ನು ಏಳು ರೀತಿಯಲ್ಲಿ ಪ್ಯಾಕಿಂಗ್​ ಮಾಡಲಾಗುವುದು. ಅದು ಕೂಡ ಕಡಿಮೆ ವೆಚ್ಚದಲ್ಲಿ. ದೇಶದ ಯಾವುದೇ ಮೂಲೆಗೂ ನೀವು ಪಾರ್ಸೆಲ್​ ಮಾಡಿದರೆ, ದೊಡ್ಡ ವಸ್ತುಗಳಿಗೆ 77 ರೂ ರಿಂದ 450 ರೂ ವೆಚ್ಚದಲ್ಲಿ ಕಳುಹಿಸಬಹುದಾಗಿದೆ. ಪ್ಯಾಕೆಟ್​​ ಚಾರ್ಜ್​ ಅನ್ನು ಮಾತ್ರ ಗ್ರಾಹಕರು ನೀಡಬೇಕಿದ್ದು, ಉಳಿದ ಪ್ಯಾಕಿಂಗ್​ ಹಣ ಇಲಾಖೆ ಭರಿಸಲಿದೆ.

ಸದ್ಯ ಈ ವ್ಯವಸ್ಥೆಯನ್ನು ಪಾರ್ಕ್​ ಸ್ಟ್ರೀಟ್​ ಮತ್ತು ಹೌರಾದಲ್ಲಿನ ಪಶ್ಚಿಮ ಬಂಗಾಳ ಸರ್ಕಲ್​ ಜಿಪಿಒದಲ್ಲಿ ಮಾಡಲಾಗಿದೆ. ರಾಜ್ಯದ ಉಳಿದ ಕಡೆ ಶೀಘ್ರದಲ್ಲೇ ಈ ವ್ಯವಸ್ಥೆ ಜಾರಿಗೆ ಬರಲಿದೆ ಎಂದರು.

ಇದನ್ನೂ ಓದಿ: ಹೈಫೈ ಕೆಲಸ ಬಿಟ್ಟು ಸ್ವಂತ ಕಂಪನಿ ಕಟ್ಟಿದ ಯುವಕರು: 100 ಮಂದಿಗೆ ಉದ್ಯೋಗ ಕೊಟ್ಟ 'ಡಿಸೈನ್ ವಾಲ್ಸ್'