ಹೈದರಾಬಾದ್: ಭಾರತದಲ್ಲಿ ಮುಕ್ತ ಇಂಟರ್ನೆಟ್ ಬಳಕೆದಾರರ ಸಂಖ್ಯೆ 600 ಮಿಲಿಯನ್ ಅಂದರೆ ಸುಮಾರು 60 ಕೋಟಿಗೆ ತಲುಪಿದೆ. ನಿಯಂತ್ರಿತ ಕಂಟೆಂಟ್ ನ ಕ್ಲೋಸ್ಡ್ ಇಂಟರ್ನೆಟ್ ಬಳಕೆದಾರರಿಗಿಂತ ಈ ಸಂಖ್ಯೆ 62 ಮಿಲಿಯನ್ ಅಂದರೆ 6.2 ಕೋಟಿಗೆ ಹೆಚ್ಚಾಗಿದೆ. ನ್ಯೂಸ್ ಹಾಗೂ ದಿನನಿತ್ಯ ನೋಡುವ ವೆಬ್ಸೈಟ್ಗಳು, ಓಟಿಟಿ (over the top) ಮತ್ತು ಕನೆಕ್ಟೆಡ್ ಟಿವಿ (CTV), ಮ್ಯೂಸಿಕ್ ಸ್ಟ್ರೀಮಿಂಗ್ ಮತ್ತು ಆನ್ಲೈನ್ ಗೇಮಿಂಗ್ ಇವೆಲ್ಲವೂ ಮುಕ್ತ ಇಂಟರ್ನೆಟ್ ವ್ಯಾಪ್ತಿಗೆ ಬರುತ್ತವೆ. ಕಳೆದ ವರ್ಷದಲ್ಲಿ, ಐದರಲ್ಲಿ ನಾಲ್ಕು ಗ್ರಾಹಕರು (ಶೇ 80) ತಮ್ಮ ಮುಕ್ತ ಇಂಟರ್ನೆಟ್ ಬಳಕೆಯನ್ನು ಹೆಚ್ಚಿಸಿದ್ದಾರೆ ಎಂದು ಜಾಗತಿಕ ಜಾಹೀರಾತು ತಂತ್ರಜ್ಞಾನ ವಿಶ್ಲೇಷಕ ಕಂಪನಿಗಳಾದ ದಿ ಟ್ರೇಡ್ ಡೆಸ್ಕ್ ಮತ್ತು ಕಾಂಟರ್ ಹೇಳಿವೆ.
ಸಂಶೋಧನೆಗಳ ಪ್ರಕಾರ ಗ್ರಾಹಕರು ಸರಾಸರಿ ತಿಂಗಳಿಗೆ ಡಿಜಿಟಲ್ ಮಾಧ್ಯಮದಲ್ಲಿ ಕಳೆಯುವ 307 ಗಂಟೆಗಳಲ್ಲಿ ಅರ್ಧದಷ್ಟು (52 ಪ್ರತಿಶತ) ಸಮಯವನ್ನು ಓಪನ್ ಇಂಟರ್ನೆಟ್‌ನಲ್ಲಿ ಕಳೆಯುತ್ತಾರೆ. ಇದನ್ನು ಹೊರತುಪಡಿಸಿ ಇಂಟರ್ನೆಟ್ನಲ್ಲಿರುವ ಮತ್ತೊಂದು ರೀತಿಯ ವಿಷಯವಸ್ತುವನ್ನು ವಾಲ್ಡ್ ಗಾರ್ಡನ್ (walled gardens) ಎಂದು ಕರೆಯಲಾಗುತ್ತದೆ. ಸೋಷಿಯಲ್ ಮೀಡಿಯಾ, ಬಳಕೆದಾರರು ತಯಾರಿಸಿದ ಕಂಟೆಂಟ್ ಮತ್ತು ಲೈವ್ ಗೇಮ್ ಇದರಲ್ಲಿ ಬರುತ್ತವೆ. ಇವುಗಳಿಂದ ಜನ ಕ್ರಮೇಣವಾಗಿ ಮುಕ್ತ ಇಂಟರ್ನೆಟ್ನತ್ತ ವಾಲುತ್ತಿದ್ದಾರೆ.
ವಾಲ್ಡ್ ಗಾರ್ಡನ್ಗಳಿಗೆ ಭಾರತದಲ್ಲಿ ಹೆಚ್ಚಿನ ಬೇಡಿಕೆ: ಆದಾಗ್ಯೂ, ಓಪನ್ ಇಂಟರ್ನೆಟ್‌ಗೆ ಹೋಲಿಸಿದರೆ ವಾಲ್ಡ್ ಗಾರ್ಡನ್ಗಳು ಭಾರತದಲ್ಲಿ ಈಗಲೂ ಐದೂವರೆ ಪಟ್ಟು (5.5x) ಹೆಚ್ಚು ಜಾಹೀರಾತು ಪಡೆಯುತ್ತವೆ. ಹೆಚ್ಚಿನ ಬಳಕೆದಾರರು ಓಪನ್ ಇಂಟರ್ನೆಟ್‌ನಲ್ಲಿನ ಕಂಟೆಂಟ್ ಅನ್ನು ಬಳಸುತ್ತಿದ್ದರೂ, ಭಾರತದಲ್ಲಿ ಡಿಜಿಟಲ್ ಜಾಹೀರಾತುಗಳು ಓಪನ್ ಇಂಟರ್ನೆಟ್ನ ತ್ವರಿತ ಬೆಳವಣಿಗೆಯ ಲಾಭ ಪಡೆದಿಲ್ಲ ಎಂದು ಈ ವರದಿ ಹೇಳಿದೆ.
ನಾವು ಆನಂದಿಸುವ ಕೆಲವು ಅತ್ಯುತ್ತಮ ಕಂಟೆಂಟ್ಗಳು ಓಪನ್ ಇಂಟರ್ನೆಟ್‌ನಲ್ಲಿವೆ ಮತ್ತು ಬಹುತೇಕ ಇವೆಲ್ಲವೂ ಜಾಹೀರಾತುಗಳಿಂದ ಬಂದ ಹಣದಿಂದ ನಡೆಯುತ್ತವೆ. ಗ್ರಾಹಕ ಇದಕ್ಕಾಗಿ ಕಳೆಯುವ ಸಮಯ ಮತ್ತು ಓಪನ್ ಇಂಟರ್ನೆಟ್‌ನಲ್ಲಿ ಜಾಹೀರಾತುಗಳ ಖರ್ಚುಗಳ ನಡುವಿನ ಅಂತರವು ಇಂದಿನ ಮಾರ್ಕೆಟಿಂಗ್ ಕಂಪನಿಗಳಿಗೆ ಗಮನಾರ್ಹ ಅವಕಾಶವನ್ನು ನೀಡುತ್ತಿದೆ ಎಂದು ಟ್ರೇಡ್ ಡೆಸ್ಕ್ ಭಾರತ ವಿಭಾಗದ ಜನರಲ್ ಮ್ಯಾನೇಜರ್ ತೇಜಿಂದರ್ ಗಿಲ್ ಮಾಹಿತಿ ನೀಡಿದ್ದಾರೆ.
ಶೇಕಡಾ 45 ರಷ್ಟು ಭಾರತೀಯರು ವೃತ್ತಿಪರವಾಗಿ ತಯಾರಿಸಿದ ಪ್ರೀಮಿಯಂ ಕಂಟೆಂಟ್ ಅನ್ನು ಬಳಸಲು ಬಯಸುತ್ತಾರೆ. ಇಂತಹ ಪ್ರೀಮಿಯಂ ಕಂಟೆಂಟ್ ಇರುವುದು ಓಪನ್ ಇಂಟರ್ನೆಟ್‌ನಲ್ಲಿ. ನಿರ್ದಿಷ್ಟವಾಗಿ ಹೇಳುವುದಾದರೆ, OTT/CTV ಮತ್ತು ಸಂಗೀತ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳು ಪ್ರೀಮಿಯಂ ಮತ್ತು ವಿಶ್ವಾಸಾರ್ಹ ಕಂಟೆಂಟ್ನೊಂದಿಗೆ ಹೆಚ್ಚು ಸಂಬಂಧ ಹೊಂದಿವೆ.
ಅದರಂತೆ, ಮುಂದಿನ ಆರು ತಿಂಗಳಲ್ಲಿ OTT/CTV ಮತ್ತು ಮ್ಯೂಸಿಕ್ ಸ್ಟ್ರೀಮಿಂಗ್‌ನಲ್ಲಿ ತಮ್ಮ ಬಳಕೆಯು ಗಣನೀಯವಾಗಿ ಹೆಚ್ಚಾಗುವ ನಿರೀಕ್ಷೆಯನ್ನು ಕ್ರಮವಾಗಿ 44 ಪ್ರತಿಶತ ಮತ್ತು 39 ಪ್ರತಿಶತದಷ್ಟು ಜನ ಹೊಂದಿದ್ದಾರೆ ಎಂದು ವರದಿ ಹೇಳಿದೆ. ಈ ವರದಿಯು ಓಪನ್ ಇಂಟರ್ನೆಟ್‌ನಲ್ಲಿ ಜಾಹೀರಾತು ನೀಡಲು ಬಯಸುವವರಿಗೆ ಬೃಹತ್ ಅವಕಾಶಗಳಿವೆ ಎಂಬುದನ್ನು ತೋರಿಸುತ್ತದೆ. ಅಲ್ಲಿ ಅವರು ಹೆಚ್ಚು ತೊಡಗಿಸಿಕೊಂಡಿರುವ ಪ್ರೇಕ್ಷಕರನ್ನು ತಲುಪಬಹುದು ಎಂದು ಗಿಲ್ ಹೇಳಿದ್ದಾರೆ.
ಇದನ್ನೂ ಓದಿ : ಕನ್ನಡ ಬಿಗ್ ಬಾಸ್ ಓಟಿಟಿ ಮನೆಗೆ ಎಂಟ್ರಿ ಕೊಟ್ಟ ಮೊದಲ ಹಾಗು ಎರಡನೇ ಸ್ಪರ್ಧಿ ಇವ್ರೇ!
