ಚೆನ್ನೈ: ವಿಐಟಿ (ವೆಲ್ಲೂರು ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ) ಚೆನ್ನೈ, ಲಂಡನ್ ಕ್ವೀನ್ ಮೇರಿ ಯೂನಿವರ್ಸಿಟಿ ಮತ್ತು ಮ್ಯಾಗ್ನೆಟೋ ಕ್ಲೀನ್‌ಟೆಕ್ ಸಹಯೋಗದೊಂದಿಗೆ ಐಐಟಿ ಮದ್ರಾಸ್ (ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ) ಕೋವಿಡ್ ಮತ್ತು ಕ್ಷಯರೋಗ ಹರಡುವುದನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಬಯೋ ಏರೋಸಾಲ್ ಪ್ರೊಟೆಕ್ಷನ್ ಸಿಸ್ಟಮ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುತ್ತಿದೆ.
ಐಐಟಿ ಹಾಗೂ ವಿಐಟಿಯ ಜಂಟಿ ಸಂಶೋಧನೆಯಲ್ಲಿ ಕಂಡು ಹಿಡಿಯಲಾಗುತ್ತಿರುವ ಬಯೋ ಏರೋಸಾಲ್ ಪ್ರೊಟೆಕ್ಷನ್ ಸಿಸ್ಟಮ್(Air Sanitisation) ನಿಂದಾಗಿ ಕಚೇರಿಗಳು, ಆಸ್ಪತ್ರೆಗಳಂತಹ ಸೀಮಿತ ಒಳಾಂಗಣದಲ್ಲಿ ಗಾಳಿಯಿಂದ ಹರಡುವ ಸಾಂಕ್ರಾಮಿಕ ರೋಗಗಳನ್ನು ನಿಗ್ರಹಿಸಲು ಸಹಕಾರಿಯಾಗುತ್ತದೆ.
ಭಾರತದಲ್ಲಿ 2020ರಲ್ಲಿ ಕಾಣಿಸಿಕೊಂಡ ಕೋವಿಡ್ 4 ಲಕ್ಷಕ್ಕೂ ಅಧಿಕ ಜೀವಗಳನ್ನು ಬಲಿ ಪಡೆದಿದೆ. 2019 ರಲ್ಲಿ ಕ್ಷಯರೋಗದಿಂದಾಗಿ 4.45 ಲಕ್ಷಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ. ಈ ಜಂಟಿ ಸಂಶೋಧನೆ ಯಶಸ್ವಿಯಾದರೆ, ಭಾರತದ 10 ಕೋಟಿ ಜನರಿಗೆ ಅನುಕೂಲವಾಗಲಿದೆ.
ನೇರಳಾತೀತ - ಸಿ ವಿಕಿರಣಗಳ ಸಹಾಯದಿಂದ ಈ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಭಾರತದಂತಹ ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಈ ತಂತ್ರಜ್ಞಾನ ಪ್ರಮುಖವಾಗಿದೆ. ಈ ಸಂಶೋಧನೆ ಬಗ್ಗೆ ಸಂಯೋಜನ ಅಬ್ದುಲ್ ಸಮದ್ ವಿವರಿಸಿದ್ದು, ಐಐಟಿ ಮದ್ರಾಸ್ ಯಾವಾಗಲೂ ಸಾಮಾಜಿಕ ಸಮಸ್ಯೆಗಳನ್ನು ಪರಿಹರಿಸಲು ಸಂಶೋಧನೆ ಮಾಡುತ್ತದೆ. ಮಾರ್ಚ್ 2020 ರಲ್ಲಿ ಕೋವಿಡ್ ಪತ್ತೆಯಾಗಿ, ಲಾಕ್ಡೌನ್ ಆದ ಅಂದಿನಿಂದ ನಾವೆಲ್ಲರೂ ಭಯಭೀತರಾಗಿದ್ದೆವು.
ವೈರಸ್ನಿಂದ ಬಚಾವ್ ಆಗುವುದು ಹೇಗೆ ಎಂದು ಚಿಂತಿಸುತ್ತಿದ್ದೆವು. ಅದೇ ಸಮಯದಲ್ಲಿ ಇಂಗ್ಲೆಂಡ್ನ ರಾಯಲ್ ಅಕಾಡೆಮಿ ಆಫ್ ಇಂಜಿನಿಯರಿಂಗ್, ಉದ್ಯಮಕ್ಕೆ ಸಂಬಂಧಿಸಿದ ಅಂತಾರಾಷ್ಟ್ರೀಯ ಸಹಕಾರಿ ಕೆಲಸಗಳಿಗೆ ಸಂಶೋಧನಾ ಧನಸಹಾಯ ಘೋಷಿಸಿತು. ನಾವು ತಕ್ಷಣವೇ ಬಯೋ ಏರೋಸಾಲ್ ಪ್ರೊಟೆಕ್ಷನ್ ಸಿಸ್ಟಮ್ ಅಭಿವೃದ್ಧಿ ಪಡಿಸಲು ಕ್ರಮ ಕೈಗೊಂಡೆವು ಎಂದು ತಿಳಿಸಿದರು.
ಮುಂದುವರಿದು ಮಾತನಾಡಿದ ಅವರು, ಆತ್ಮನಿರ್ಭರ ಭಾರತ ಮತ್ತು ಸ್ಟಾರ್ಟ್ ಅಪ್ ಇಂಡಿಯಾ ಕಾರ್ಯಕ್ರಮಕ್ಕನುಗುಣವಾಗಿ ಜಂಟಿ ಒಕ್ಕೂಟವು ಕೆಲಸ ಮಾಡುತ್ತಿದೆ ಎಂದು ಮಾಹಿತಿ ನೀಡಿದರು.
ವಿಐಟಿಯ ಸ್ಕೂಲ್ ಆಫ್ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ನ ಪ್ರಾಧ್ಯಾಪಕರಾದ ಪ್ರೊ. ನಿತ್ಯ ವೆಂಕಟೇಶನ್ ಈ ಕುರಿತು ಮತ್ತಷ್ಟು ಮಾಹಿತಿ ನೀಡಿದ್ದಾರೆ. ಈ ಸಂಶೋಧನೆಗೆ ಸಂಬಂಧಿಸಿದಂತೆ, ಭಾರತ ಹಾಗೂ ಇಂಗ್ಲೆಂಡ್ ಸಂಶೋಧಕರು ಕೆಲ ವಿನ್ಯಾಸಗಳನ್ನು ಅಭಿವೃದ್ಧಿಪಡಿಸಿದ್ದಾರೆ, ಈ ಸಾಧನವನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಲು ಪ್ರಯತ್ನಿಸುತ್ತಿದ್ದೇವೆ. ಜನಸಂಖ್ಯೆ ಹೆಚ್ಚಿರುವ ಪ್ರದೇಶಗಳಲ್ಲಿ ಈ ಸಾಧನ ಬಳಸಲು ಯೋಜಿಸುತ್ತೇವೆ ಎಂದಿದ್ದಾರೆ.
ಈ ಯೋಜನೆಯು ಇಂಗ್ಲೆಂಡ್ನ ರಾಯಲ್ ಅಕಾಡೆಮಿ ಇಂಜಿನಿಯರಿಂಗ್ ಪಾಲುದಾರಿಕೆ ಹೊಂದಿದೆ. 82,32,518.20 (£ 80,000) ರೂಪಾಯಿ ವೆಚ್ಚದಲ್ಲಿ ಈ ಯೋಜನೆ ಆರಂಭವಾಗಿದೆ. ಇತರ ಸಂಸ್ಥೆಗಳು ಕೂಡ ಈ ಯೋಜನೆಗೆ ನೆರವು ನೀಡಲಿವೆ.
ಲಂಡನ್‌ನ ಕ್ವೀನ್ ಮೇರಿ ವಿಶ್ವವಿದ್ಯಾಲಯದ ಕೌಂಟರ್ಪಾರ್ಟ್ ನಿರ್ದೇಶಕ ಡಾ.ಎಲ್ಡಾಡ್ ಅವಿಟಲ್ಲ ಮಾತನಾಡಿ, ಕೋವಿಡ್ ರೂಪಾಂತರ, ಕ್ಷಯ ತಡೆಗಟ್ಟಲು ತಂತ್ರಜ್ಞಾನ ಮಾರ್ಗ ಕಂಡುಕೊಳ್ಳಬೇಕು. ನಾವು ಸಂಶೋಧಿಸುತ್ತಿರುವ ಈ ಸಾಧನ ಒಳಾಂಗಣದಲ್ಲಿ ಸೋಂಕು ನಿಗ್ರಹಿಸಲು ಸಹಾಯ ಮಾಡುತ್ತದೆ ಎಂದು ವಿವರಿಸಿದ್ದಾರೆ. ಈ ಯೋಜನೆಗೆ ಲೀಡ್ಸ್ ಬೆಕೆಟ್ ಯೂನಿವರ್ಸಿಟಿಯ ಎಮಿರಿಟಸ್ ಪ್ರೊಫೆಸರ್ ಪ್ರೊ.ಕ್ಲೈವ್ ಬೇಗ್ಸ್ ಸಲಹೆಗಾರರಾಗಿದ್ದಾರೆ
ಯೋಜನೆಯಲ್ಲಿ ಕೆಲಸ ಮಾಡುವ ವಿದ್ಯಾರ್ಥಿಗಳು/ಸಂಶೋಧಕರು
- ಶ್ರೀ ಸಾಕೇತ್ ಕಾಪ್ಸೆ (ಸಂಶೋಧನಾ ಸಹವರ್ತಿ, ವಿಐಟಿ ವಿಶ್ವವಿದ್ಯಾಲಯ, ಚೆನ್ನೈ)
- ಶ್ರೀ. ರಿಷವ್ ರಾಜ್ (MS, Fluid machines, IIT Madras)
- ಶ್ರೀ ಮಹೇಶ್ ಚೌಧರಿ (ಬಿಟೆಕ್, ಐಐಟಿ ಮದ್ರಾಸ್)
- ಡಾ. ವಾಸಿಂ ರಾಜಾ (ಪೋಸ್ಟ್‌ಡಾಕ್ ಫೆಲೋ, ಐಐಟಿ ಮದ್ರಾಸ್)
- ಸುಂದರಿ ದೇನಾ ರೆಹಮಾನ್ (MEng, QMUL)
