ಹೈದರಾಬಾದ್ : ಸಾಮಾನ್ಯವಾಗಿ ಒಂದು ಟೀ ಬೆಲೆ ಎಷ್ಟಿರುತ್ತದೆ? ಐದು ರೂಪಾಯಿ, ಕೆಲವೊಮ್ಮೆ 10 ರೂಪಾಯಿ. ದುಬಾರಿ ರೆಸ್ಟೋರೆಂಟ್ಗಳಲ್ಲಿ ಟೀ ಬೆಲೆ ನೂರು ರೂಪಾಯಿ ಇದ್ದರೂ ಇರಬಹುದು. ಆದರೆ, ಈ ಕೆಫೆಯಲ್ಲಿ ಒಂದು ಟೀ ಬೆಲೆ ಸಾವಿರ ರೂಪಾಯಿ.
ಹೈದರಾಬಾದ್‌ನಲ್ಲಿರುವ ನಿಲೋಫರ್ ಕೆಫೆಯಲ್ಲಿ ಒಂದು ಟೀ ಬೆಲೆ ಸಾವಿರ ರೂಪಾಯಿ. ಥರಹೇವಾರಿ ಟೀ ಮತ್ತು ಬಿಸ್ಕೇಟ್ಗಳನ್ನು ಇಲ್ಲಿ ಮಾರಾಟ ಮಾಡಲಾಗುತ್ತದೆ. ಈಗ ಅವರು ಹೈದರಾಬಾದ್ನ ಬಂಜಾರಾ ಹಿಲ್ಸ್ನಲ್ಲಿ ಈ ದುಬಾರಿ ಚಹಾ ಪರಿಚಯಿಸುತ್ತಿದ್ದಾರೆ.
ಟೀ ಬೆಲೆ ಏಕೆ ಜಾಸ್ತಿ?
ಈ ಚಹಾವನ್ನು ಗೋಲ್ಡನ್ ಟಿಪ್ಸ್ ಬ್ಲ್ಯಾಕ್ ಟೀ ಪೌಡರ್ನಿಂದ ಮಾಡಲಾಗುತ್ತದೆ. ಈ ಚಹಾ ಪುಡಿಯನ್ನು ಕೆಫೆಯ ಮಾಲೀಕರು ಹರಾಜಿನಲ್ಲಿ ಗೆದ್ದ ಕಾರಣದಿಂದ ಹೆಚ್ಚು ಬೆಲೆಗೆ ಈ ಟೀ ಮಾರಲಾಗುತ್ತದೆ. ಗೋಲ್ಡನ್ ಟಿಪ್ಸ್ ಬ್ಲ್ಯಾಕ್ ಟೀ ಪೌಡರ್ ಅನ್ನು ಅಸ್ಸೋಂನಲ್ಲಿ ನಡೆದ ಹರಾಜಿನಲ್ಲಿ ಪ್ರತಿ ಕೆಜಿಗೆ 75 ಸಾವಿರ ರೂಪಾಯಿಯಂತೆ ಈ ಕೆಫೆ ಮಾಲೀಕರು ಗೆದ್ದಿದ್ದಾರೆ. ಅಪರೂಪದ ರುಚಿ ಹೊಂದಿರುವ ಈ ಟೀಯನ್ನು ಗ್ರಾಹಕರಿಗೆ ಪರಿಚಯಿಸಲಾಗುತ್ತದೆ ಎಂದು ಕೆಫೆ ಮಾಲೀಕರು ಹೇಳಿದ್ದಾರೆ.
ಇದನ್ನೂ ಓದಿ: ಉಳ್ಳಾಲದಲ್ಲಿ ಬೈಕ್ ಅಪಘಾತ.. ಇಬ್ಬರು ಯುವಕರ ದುರ್ಮರಣ
