10 ರೂ. ತೆಗೆದುಕೊಂಡಿದ್ದಕ್ಕೆ ಹೆಂಡ್ತಿ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿದ ಗಂಡ.. ವಿಡಿಯೋ ವೈರಲ್​

ಗಂಡನ ಜೇಬಿನಿಂದ 10 ರೂ. ತೆಗೆದುಕೊಂಡಿದ್ದರಿಂದ ಹೆಂಡತಿ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ನಡೆಸಿರುವ ಘಟನೆ ನಡೆದಿದೆ.

ಶ್ರಾವಸ್ತಿ(ಉತ್ತರ ಪ್ರದೇಶ): 10 ರೂ.ಗೋಸ್ಕರ ಕಟ್ಟಿಕೊಂಡ ಹೆಂಡತಿ ಮೇಲೆ ಗಂಡ ಮಾರಣಾಂತಿಕವಾಗಿ ಹಲ್ಲೆ ನಡೆಸಿರುವ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದ್ದು, ಅದರ ವಿಡಿಯೋ ಇದೀಗ ವೈರಲ್​ ಆಗಿದೆ.

ಉತ್ತರ ಪ್ರದೇಶದ ಶ್ರಾವಸ್ತಿಯಲ್ಲಿ ಮಾನವೀಯತೆಗೆ ಮುಜುಗರ ತುರುವಂತಹ ಘಟನೆವೊಂದು ನಡೆದಿದ್ದು, ಗಂಡನೊಬ್ಬ ಕೈಯಲ್ಲಿ ಕೋಲು ಹಿಡಿದು ಹೆಂಡ್ತಿ ಮೇಲೆ ಪ್ರಾಣಿಗಳ ಮೇಲೆ ಹಲ್ಲೆ ನಡೆಸುವ ರೀತಿ ದಾಳಿ ಮಾಡಿದ್ದಾನೆ. ಈ ವೇಳೆ, ಮಕ್ಕಳು ಕಿರುಚುತ್ತಾ ಬೇಡಿಕೊಂಡರೂ ಆತ ಸುಮ್ಮನಾಗಿಲ್ಲ.

ಗಂಡನ ಜೇಬಿನಿಂದ ಹೆಂಡತಿ 10 ರೂ. ತೆಗೆದುಕೊಂಡಿದ್ದರಿಂದ ಈ ರೀತಿಯಾಗಿ ಹಲ್ಲೆ ನಡೆಸಿದ್ದಾಗಿ ತಿಳಿದು ಬಂದಿದೆ. ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಶ್ರಾವಸ್ತಿ ಪೊಲೀಸ್ ವರಿಷ್ಠಾಧಿಕಾರಿ ಆತನ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಸೂಚನೆ ನೀಡಿದ್ದಾರೆ.