ಹೈದರಾಬಾದ್ (ತೆಲಂಗಾಣ): ರಾಜ್ಯದಲ್ಲಿ ಮಹಿಳೆಯರ ಮೇಲಿನ ದೌರ್ಜನ್ಯ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಸಾಮಾಜಿಕ ಜಾಲತಾಣಗಳ ಮೂಲಕ ಅತೀ ಸುಲಭವಾಗಿ ಯಾರನ್ನಾದರೂ ಸಂಪರ್ಕಿಸಬಹುದು. ಕೆಲವು ಯುವಕರು ಅದೇ ಸಾಮಾಜಿಕ ಜಾಲತಾಣಗಳನ್ನು ಬಳಸಿಕೊಂಡು ಮಹಿಳೆಯರಿಗೆ ಕಿರುಕುಳ ನೀಡುತ್ತಿದ್ದಾರೆ. ಹೌದು, ಯುವಕನೊಬ್ಬ 'ಸ್ನ್ಯಾಪ್‌ಚಾಟ್' ಮೂಲಕ ಯುವತಿಯನ್ನು ಪರಿಚಯ ಮಾಡಿಕೊಂಡಿದ್ದಾನೆ. ನಂತರ ನಗ್ನ ವಿಡಿಯೋ ಮೂಲಕ ಕಿರುಕುಳ ನೀಡಿದ ಘಟನೆ ಹೈದರಾಬಾದ್‌ನಲ್ಲಿ ಇತ್ತೀಚೆಗೆ ಬೆಳಕಿಗೆ ಬಂದಿದೆ.
ಇನ್ನೂ ಸಾಮಾಜಿಕ ಜಾಲತಾಣಗಳು ಹೊಸ ಕ್ರಾಂತಿಯನ್ನೇ ತಂದಿವೆ. ಪ್ರಪಂಚದಲ್ಲಿ ಎಲ್ಲೇ ಇದ್ದರೂ ಮಾಹಿತಿಯನ್ನು ತಿಳಿಯಲು ಸಾಧ್ಯವಾಗುತ್ತದೆ. ನಾವು ಮಾಡಬೇಕಾಗಿರುವುದು ಸೆಲ್ ಫೋನ್ ಅನ್ನು ನಮ್ಮ ಕೈಯಲ್ಲಿ ಇರಿಸಿ ಮತ್ತು ಅದರ ಡೇಟಾ ಆಯ್ಕೆಯನ್ನು ಆನ್ ಮಾಡಿದರೆ, ಇದು ಅನೇಕ ಉಪಯೋಗಗಳನ್ನು ಹೊಂದಿದೆ. ಅಟ್ಲಾಂಟಿಕ್ ಸಾಗರದಲ್ಲಿ ಎಲ್ಲೋ ಮುಳುಗಿದ ಟೈಟಾನಿಕ್ ಚಿತ್ರಗಳನ್ನು ನೋಡಬಹುದು. ಜೊತೆಗೆ ಬಾಹ್ಯಾಕಾಶಕ್ಕೆ ಹೋದ ಗಗನಯಾತ್ರಿಗಳ ಕುರಿತು ನಾವು ತಿಳಿದುಕೊಳ್ಳಬಹುದು.
ಇದಕ್ಕಿಂತಲೂ ಮುಖ್ಯವಾಗಿ, ಇತ್ತೀಚಿನ ದಿನಗಳಲ್ಲಿ, ಸಾಮಾಜಿಕ ಜಾಲತಾಣಗಳನ್ನು ವೇದಿಕೆಯಾಗಿ ಅನೇಕರು ಬಳಕೆ ಮಾಡಿಕೊಳ್ಳುತ್ತಾರೆ. ಜೊತೆಗೆ ಕೆಟ್ಟದಾಗಿ ಬಳಕೆ ಮಾಡಿಕೊಂಡಿರುವ ಉದಾಹರಣೆಗಳು ಅನೇಕ ಇವೆ. ಎದುರುಗಡೆಯಿರುವ ಒಮ್ಮೆ ಪರಿಚಯವಿರುವ ಜನರೊಂದಿಗೆ ಮಾತನಾಡಲು ಗೊಂದಲಕ್ಕೊಳಗಾಗುತ್ತಾರೆ. ಆದ್ರೆ, ಸಾಮಾಜಿಕ ಜಾಲತಾಣಗಳಲ್ಲಿ ಪರಿಚಯವಿರಲಿ, ಇಲ್ಲದಿರಲಿ ಅನಗತ್ಯ ಸಂದೇಶಗಳ ಮೂಲಕ ಎಲ್ಲರಿಗೂ ಹತ್ತಿರವಾಗುವುದದಂತೂ ಸಾಮಾನ್ಯವಾಗಿದೆ.
ಕೊನೆಗೆ ಅವರಲ್ಲಿ ಕೆಲವರು ತಮಗೆ ಮೋಸ ಮಾಡಿದ್ದಾರೆ ಎಂದು ತಿಳಿದಾಗ, ನಮ್ಮ ಜೀವನವು ಹಾಳಾಗುತ್ತಿದೆ. ಈ ಮೂಲಕ ಹಲವು ಯುವಕ, ಯುವತಿಯರು ತಮಗೆ ಪರಿಚಯವಿಲ್ಲದ ವ್ಯಕ್ತಿಗಳೊಂದಿಗೆ ಸಂಪರ್ಕ ಸಾಧಿಸಿ ತಮ್ಮ ಪ್ರಾಣವನ್ನೇ ಅಪಾಯಕ್ಕೆ ಸಿಲುಕಿಸಿಕೊಳ್ಳುತ್ತಿದ್ದಾರೆ. ಇದೇ ರೀತಿಯ ಘಟನೆಯೊಂದು ಹೈದರಾಬಾದ್‌ನಲ್ಲಿ ನಡೆದಿದೆ. ಸ್ನ್ಯಾಪ್‌ಚಾಟ್ ಮೂಲಕ ಪರಿಚಯವಾದ ಯುವಕನು, ಯುವತಿಯನ್ನು ಸಂಪರ್ಕಿಸಿ ನಗ್ನ ಫೋಟೋ, ವಿಡಿಯೋಗಳೊಂದಿಗೆ ಕಿರುಕುಳ ನೀಡಿದ್ದಾನೆ. ಕೊನೆಗೆ ಧೈರ್ಯ ತಂದುಕೊಂಡು ಯುವತಿ ಮಹಿಳಾ ಸಂಘಗಳತ್ತ ಮುಖ ಮಾಡಿದ್ದಾಳೆ.
ಯುವಕನಿಂದ ಯುವತಿಕಗೆ ಬೆದರಿಕೆ: ಸಂತ್ರಸ್ತೆಯ ಕಥೆಯ ಪ್ರಕಾರ, ಹೈದರಾಬಾದ್‌ನಲ್ಲಿ ಬಿಟೆಕ್ ಓದುತ್ತಿದ್ದ ಯುವತಿಗೆ ಅಲಿ ಎಂಬ ಯುವಕನು ಸಾಮಾಜಿಕ ಜಾಲಾತಾಣವಾದ ಸ್ನ್ಯಾಪ್‌ಚಾಟ್ ಮೂಲಕ ಪರಿಚಯವಾಯಿತು. ಯುವತಿಯೊಂದಿಗೆ ಸಂಪರ್ಕಕ್ಕೆ ಬಂದ ಯುವಕ ಆಕೆಯೊಂದಿಗೆ ಫೋನ್ ಸಂಭಾಷಣೆಗಳು ಮತ್ತು ವಿಡಿಯೋ ಕರೆಗಳನ್ನು ಮಾಡಿದ್ದಾನೆ. ಈ ಪ್ರಕ್ರಿಯೆಯಲ್ಲಿ ಯುವತಿಯು ಯುವಕನನ್ನು ದೂರ ತಳ್ಳಿದ್ದಾಳೆ. ಯುವಕ ವಿಡಿಯೋ ಕರೆಯ ಸ್ಕ್ರೀನ್‌ಶಾಟ್‌ಗಳನ್ನು ತೋರಿಸಿ ಬೆದರಿಕೆ ಹಾಕಿದ್ದಾನೆ.
ಯುವತಿಯಿಂದ ಶೀ ಟೀಮ್‌ಗೆ ದೂರು: ಆಸೆ ಈಡೇರದಿದ್ದರೆ ಫೋಟೋ, ವಿಡಿಯೋಗಳು ವೈರಲ್ ಆಗುತ್ತವೆ ಎಂದು ಯುವಕ ಬೆದರಿಕೆ ಹಾಕಿದ್ದಾನೆ. ಈ ಕಾರಣದಿಂದಾಗಿ, ಸಂತ್ರಸ್ತೆ ಭಯದಿಂದ ಮಹಿಳಾ ಹಕ್ಕುಗಳ ಕಾರ್ಯಕರ್ತರ ಬಳಿ ಎಲ್ಲ ವಿಚಾರವನ್ನು ತಿಳಿಸಿದ್ದಾಳೆ. ಯುವತಿ ನೀಡಿದ ಮಾಹಿತಿಯಿಂದ ಆರೋಪಿ ಯುವಕ ಅಲಿಯನ್ನು ಆ ಕಾರ್ಯಕರ್ತರು ಹಿಡಿದಿದ್ದಾರೆ. ಬಳಿಕ ಯುವತಿ ಶೀ ಟೀಮ್‌ಗೆ ದೂರು ನೀಡಿದ್ದಾಳೆ. ಇದೇ ರೀತಿ ಅಲಿ ಹಲವು ಯುವತಿಯರಿಗೆ ವಂಚನೆ ಮಾಡುತ್ತಿದ್ದಾನೆ ಎಂದು ಯುವತಿ ಆರೋಪಿಸಿದ್ದಾರೆ.
ಪೊಲೀಸರಿಂದ ಎಚ್ಚರಿಕೆ: ಮತ್ತೊಂದೆಡೆ, ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿರುವ ಇಂತಹ ಘಟನೆಗಳ ಬಗ್ಗೆ ಯುವಕ, ಯುವತಿಯರು ಎಚ್ಚರಿಕೆ ವಹಿಸಬೇಕು ಎಂದು ಪೊಲೀಸರು ಸೂಚಿಸಿದ್ದಾರೆ. ಪರಿಚಯವಿಲ್ಲದವರ ಜೊತೆ ಈ ರೀತಿ ಮಾತನಾಡಬೇಡಿ. ನಿಮ್ಮ ಫೋನ್ ನಂಬರ್ ಮತ್ತು ಬ್ಯಾಂಕ್ ಖಾತೆ ವಿವರಗಳನ್ನು ನೀಡಬಾರದು ಎಂದು ತಜ್ಞರು ಎಚ್ಚರಿಸಿದ್ದಾರೆ. ಪಾಲಕರು ತಮ್ಮ ಮಕ್ಕಳ ಬಗ್ಗೆ ಸೂಕ್ತ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಸೂಚಿಸಲಾಗಿದೆ.
ಇದನ್ನೂ ಓದಿ: ಜಸ್ಟಿಸ್ ಸಿ ವಿ ಕಾರ್ತಿಕೇಯನ್ ಪೀಠದ ಎದುರು ಸೇಂಥಿಲ್ ಬಾಲಾಜಿ ಹೆಬಿಯಸ್ ಕಾರ್ಪಸ್ ಅರ್ಜಿ
