ಸಹೋದರರಿಂದಲೇ ಯುವತಿ ಮೇಲೆ 5 ವರ್ಷ ನಿರಂತರ ಅತ್ಯಾಚಾರ: ಕೃತ್ಯಕ್ಕೆ ಅಮ್ಮನೂ ಸಾಥ್​

ತನ್ನ ಮೇಲೆ ಸಾಮೂಹಿಕ ಅತ್ಯಾಚಾರವಾಗಿರುವುದಾಗಿ ಒಡಹುಟ್ಟಿದ ಸಹೋದರರು ಹಾಗೂ ಹೆತ್ತ ತಾಯಿ ವಿರುದ್ಧ ಯುವತಿ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದಾಳೆ.

ಜೋಧ್ಪುರ (ರಾಜಸ್ಥಾನ): ಒಡಹುಟ್ಟಿದ ಇಬ್ಬರು ಸಹೋದರರಿಂದಲೇ ಯುವತಿ ಮೇಲೆ ಐದು ವರ್ಷಗಳಿಂದ ನಿರಂತರವಾಗಿ ಅತ್ಯಾಚಾರವಾಗಿರುವ ದಾರುಣ ಘಟನೆ ರಾಜಸ್ಥಾನದ ಜೋಧ್ಪುರದಲ್ಲಿ ವರದಿಯಾಗಿದೆ.

ಜೋಧ್ಪುರದ ಪ್ರತಾಪ್ ನಗರ ಪೊಲೀಸ್ ಠಾಣೆಯಲ್ಲಿ ಸಂತ್ರಸ್ತೆ ತನ್ನ ಸಹೋದರರು ಹಾಗೂ ತಾಯಿ ವಿರುದ್ಧ ಸಾಮೂಹಿಕ ಅತ್ಯಾಚಾರದ ಆರೋಪದಡಿ ದೂರು ನೀಡಿದ್ದಾಳೆ. ಕಳೆದ ಐದು ವರ್ಷಗಳಿಂದ ಲೈಂಗಿಕ ಕಿರುಕುಳ ಅನುಭವಿಸುತ್ತಿರುವೆ. ಒಮ್ಮೆ ಗರ್ಭಿಣಿ ಕೂಡ ಆಗಿದ್ದು, ಗರ್ಭಪಾತ ಮಾಡಿಸಲಾಗಿದೆ ಎಂದು ಯುವತಿ ದೂರಿನಲ್ಲಿ ತಿಳಿಸಿದ್ದಾಳೆ.

ಇದನ್ನೂ ಓದಿ: ಅಪ್ರಾಪ್ತೆಯ ಮೇಲಿನ ಅತ್ಯಾಚಾರ ಆರೋಪ ಸಾಬೀತು: ಆರೋಪಿಗೆ 12 ವರ್ಷ ಕಠಿಣ ಶಿಕ್ಷೆ, ದಂಡ

ಈ ಸಂಬಂಧ ಪೊಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿದ್ದೇವೆ. ಯುವತಿಯ ವೈದ್ಯಕೀಯ ತಪಾಸಣೆ ಪೂರ್ಣಗೊಂಡಿದ್ದು, ತನಿಖೆ ಆರಂಭಿಸಿದ್ದೇವೆ ಎಂದು ತನಿಖಾಧಿಕಾರಿ ಎಸಿಪಿ ಲಾಬುರಾಮ್ ತಿಳಿಸಿದ್ದಾರೆ.