ಕೊಲ್ಲಂ(ಕೇರಳ): ಮೀನುಗಾರರ ಬೋಟ್ ಮುಳುಗಿ ನಾಲ್ಕು ಮಂದಿ ಸಾವನ್ನಪ್ಪಿದ್ದು, 12 ಮಂದಿ ಗಾಯಗೊಂಡಿರುವ ಘಟನೆ ಗುರುವಾರ ಬೆಳಗ್ಗೆ 10.30ಕ್ಕೆ ಕೇರಳದ ಒಚಿರಾ ಕರಾವಳಿಯಲ್ಲಿ ನಡೆದಿದೆ.
ಪ್ರಾಥಮಿಕ ಮಾಹಿತಿಯಂತೆ, ಓಂಕಾರಂ ಎಂಬ ಹೆಸರಿನ ಮೀನುಗಾರಿಕಾ ಬೋಟ್ ಪ್ರಬಲವಾದ ಗಾಳಿಗೆ ಸಿಲುಕಿದ ನಂತರ ಬಂಡೆಯೊಂದಕ್ಕೆ ಅಪ್ಪಳಿಸಿದ ಪರಿಣಾಮ ದುರ್ಘಟನೆ ಸಂಭವಿಸಿದೆ.
ಈ ಘಟನೆ ಸಂಭವಿಸಿದ ವೇಳೆ ಬೋಟ್ನಲ್ಲಿ 16 ಮಂದಿ ಇದ್ದರು. ಮೃತರನ್ನು ಅಝೀಕಲ್ ಮತ್ತು ಅಲಪ್ಪುಳ ನಿವಾಸಿಗಳಾದ ಸುನೀಲ್ ದತ್, ಸುದೇವನ್, ತಂಕಪ್ಪನ್ ಮತ್ತು ಶ್ರೀಕುಮಾರ್ ಎಂದು ಗುರುತಿಸಲಾಗಿದೆ.
12 ಮಂದಿಗೆ ಗಾಯಗಳಾಗಿದ್ದು, ಅವರನ್ನು ಕಾಯಂಕುಲಂ, ಒಚಿರಾ ಮತ್ತು ಕರುನಾಗಪಲ್ಲಿ ಆಸ್ಪತ್ರೆಗಳಿಗೆ ಸಾಗಿಸಿ, ಚಿಕಿತ್ಸೆ ನೀಡಲಾಗುತ್ತಿದೆ. ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ಉನ್ನತ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: ಅವಳಿ ಮರಿಗಳಿಗೆ ಜನ್ಮ ನೀಡಿದ ಆನೆ: ಶ್ರೀಲಂಕಾದಲ್ಲಿ ಅಪರೂಪದ ವಿಸ್ಮಯ
