ವಿವಿಐಪಿಗಳಿಗೆ ಮಾತ್ರವಲ್ಲ, ಹುಲಿಗೂ ಝೀರೋ ಟ್ರಾಫಿಕ್​: ವಿಡಿಯೋ ನೋಡಿ

ಹುಲಿಯೊಂದು ರಸ್ತೆ ದಾಟಲು ಅರಣ್ಯಾಧಿಕಾರಿಗಳು ಸಂಚಾರವನ್ನೇ ತಡೆದು ನಿಲ್ಲಿಸಿದ ಅಪರೂಪದ ವಿಡಿಯೋ ಇಲ್ಲಿದೆ.

ನವದೆಹಲಿ: ತುರ್ತು ಅಗತ್ಯ ಸೇವೆ, ವಿವಿಐಪಿ, ರಾಜಕಾರಣಿಗಳಿಗೆ ಮಾತ್ರ ಝೀರೋ ಟ್ರಾಫಿಕ್​ ಒದಗಿಸಲಾಗುತ್ತದೆ. ಆದರೆ, ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ಈ ವಿಡಿಯೋ ಮಾತ್ರ ವಿಭಿನ್ನ. ಇಲ್ಲಿ ಹುಲಿಯೊಂದು ರಸ್ತೆ ದಾಟುತ್ತಿದ್ದು, ಇದಕ್ಕಾಗಿ ಅರಣ್ಯಾಧಿಕಾರಿಗಳು ವಾಹನಗಳನ್ನು ತಡೆದು ನಿಲ್ಲಿಸಿದ್ದಾರೆ.

ಈ ವಿದ್ಯಮಾನ ನಡೆದ ಸ್ಥಳದ ಬಗ್ಗೆ ನಿಖರತೆ ಇಲ್ಲ. ಆದರೆ, ವಾಹನಗಳ ಮೇಲಿನ ನಂಬರ್​ ಪ್ಲೇಟ್​ ಆಧಾರದ ಮೇಲೆ ಇದು ಮಹಾರಾಷ್ಟ್ರದಲ್ಲಿ ನಡೆದಿರಬಹುದು ಎಂದು ಹೇಳಲಾಗುತ್ತಿದೆ. ಇಬ್ಬರು ಅರಣ್ಯಾಧಿಕಾರಿಗಳು ರಸ್ತೆ ಬದಿ ಹುಲಿಯೊಂದನ್ನು ಕಂಡು, ಅದು ದಾಟಲು ಅನುವಾಗುವಂತೆ ರಸ್ತೆಯ ಇಕ್ಕೆಲಗಳಲ್ಲಿ ವಾಹನಗಳ ಸಂಚಾರವನ್ನೇ ನಿಲ್ಲಿಸಿದ್ದಾರೆ.

• Green signal only for tiger. These beautiful people. Unknown location. pic.twitter.com/437xG9wuom

  — Parveen Kaswan, IFS (@ParveenKaswan) July 22, 2022 " class="align-text-top noRightClick twitterSection" data="

  Green signal only for tiger. These beautiful people. Unknown location. pic.twitter.com/437xG9wuom

  — Parveen Kaswan, IFS (@ParveenKaswan) July 22, 2022

  ">

  Green signal only for tiger. These beautiful people. Unknown location. pic.twitter.com/437xG9wuom

  — Parveen Kaswan, IFS (@ParveenKaswan) July 22, 2022

ಹುಲಿ ರಸ್ತೆ ದಾಟುವಾಗ ಜನರು ಕಿರುಚಾಡಲು ಮುಂದಾದಾಗ ಗದರಿದ ಅಧಿಕಾರಿಗಳು, ಹುಲಿಯನ್ನು ಹೋಗಲು ಬಿಡಿ ಎಂದು ಸುಮ್ಮನಾಗಿಸಿದ್ದಾರೆ. ಸುತ್ತಲೂ ಜನರು ನಿಂತಿದ್ದರೂ ಹುಲಿ ಮಾತ್ರ ಯಾವ ಹಂಗಿಲ್ಲದೇ ಗಾಂಭೀರ್ಯದಿಂದ ನಡೆದುಕೊಂಡು ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.

ಈ ವಿಡಿಯೋವನ್ನು ಐಎಫ್‌ಎಸ್ ಅಧಿಕಾರಿ ಪರ್ವೀನ್ ಕಸ್ವಾನ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಹುಲಿಗೂ ಕೂಡ ಗ್ರೀನ್​ ಸಿಗ್ನಲ್​ ವ್ಯವಸ್ಥೆ ಮಾಡಲಾಗಿದೆ. ಇದಕ್ಕಾಗಿ ಅಧಿಕಾರಿಗಳು ಮತ್ತು ಜನರಿಗೆ ಅಭಿನಂದನೆಗಳು ಎಂದು ಬರೆದಿದ್ದಾರೆ.

"ಇದು ಅಪರೂಪದ ವಿಡಿಯೋ. ಕಾಡುಪ್ರಾಣಿಯಾದರೂ ಮಾನವರನ್ನು ಒಪ್ಪಿಕೊಂಡು ನಡೆದುಕೊಂಡು ಹೋಗಿದೆ. ಇಲ್ಲವಾದಲ್ಲಿ ಇದು ಹಸಿದಿರಲಿಕ್ಕಿಲ್ಲ" ಎಂದು ಒಬ್ಬರು ಹೇಳಿದರೆ, "ಕಾಡು ಪ್ರಾಣಿಗಳು ಸುಲಭವಾಗಿ ಸಾಗಲು ಗ್ರೀನ್​ ಕಾರಿಡಾರ್​ ಬೇಕಾಗಿದೆ" ಎಂದು ಇನ್ನೊಬ್ಬರು ಕಮೆಂಟ್​ ಮಾಡಿದ್ದಾರೆ.

ಇದನ್ನೂ ಓದಿ: ವಿಮಾನದಲ್ಲಿ ಸಹ ಪ್ರಯಾಣಿಕನಿಗೆ ಎದೆ ನೋವು: ಪ್ರಥಮ ಚಿಕಿತ್ಸೆ ನೀಡಿದ ರಾಜ್ಯಪಾಲರು