ದಿಯೋಘರ್ (ಜಾರ್ಖಂಡ್): ಬೊಲೆರೊ ವಾಹನವೊಂದು ಚಾಲಕನ ನಿಯಂತ್ರಣ ತಪ್ಪಿ ಕಾಲುವೆಗೆ ಬಿದ್ದು ಒಂದೇ ಕುಟುಂಬದ ಐವರು ಸಾವನ್ನಪ್ಪಿ, ಒಬ್ಬ ಗಾಯಗೊಂಡಿರುವ ಘಟನೆ ದಿಯೋಘರ್ ಜಿಲ್ಲೆಯ ಶರತ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಇಲ್ಲಿನ ಸಿಕಾಟಿಯಾ ಬ್ಯಾರೇಜ್ ಕಾಲುವೆಗೆ ವಾಹನ ಬಿದ್ದಿದೆ. ಮೃತರಲ್ಲಿ ಇಬ್ಬರು ಮಕ್ಕಳಿದ್ದಾರೆ.
ದುಮ್ದುಮಿಯ ಅಸನ್ಸೋಲ್ ಎಂಬಲ್ಲಿನ ನಿವಾಸಿ ಮನೋಜ್ ಚೌಧರಿ ಅವರ ಪುತ್ರಿ ಲವ್ಲಿ ಕುಮಾರಿ ತಮ್ಮ ಪತಿ, ಸಹೋದರ ಹಾಗೂ ಇಬ್ಬರು ಮಕ್ಕಳೊಂದಿಗೆ ಗಿರಿದಿಹ್ನ ಬನ್ಸ್ದಿಹ್ನಲ್ಲಿರುವ ತಮ್ಮ ಅತ್ತೆಯ ಮನೆಗೆ ಹೋಗುತ್ತಿದ್ದರು. ಸಿಕಾಟಿಯಾ ಬ್ಯಾರೇಜ್ ಬಳಿ ಚಾಲಕನ ನಿಯಂತ್ರಣ ತಪ್ಪಿದ ವಾಹನ ಕಾಲುವೆಗೆ ಬಿದ್ದಿದೆ.
ಸ್ಥಳೀಯರ ನೆರವಿನಿಂದ ನೀರಿನಿಂದ ಮೃತದೇಹಗಳನ್ನು ಹೊರತೆಗೆಯಲಾಗಿದೆ. ಘಟನೆಯ ಬಗ್ಗೆ ಶರತ್ ಪೊಲೀಸ್ ಠಾಣೆಗೆ ಮಾಹಿತಿ ನೀಡಲಾಗಿದ್ದು, ಪ್ರಭಾರಿ ಶೈಲೇಶ್ ಕುಮಾರ್ ಹಾಗೂ ಎಸ್ಡಿಪಿಒ ವೀರೇಂದ್ರ ಕುಮಾರ್ ಬಂಕಾ ಸ್ಥಳಕ್ಕೆ ಭೇಟಿ ನೀಡಿದರು.
ಎಸ್ಡಿಪಿಒ ವಿರೇಂದ್ರ ಕುಮಾರ್ ಬಂಕಾ ಮಾಧ್ಯಮಗಳ ಜತೆ ಮಾತನಾಡಿ, ಲವ್ಲಿ ಕುಮಾರಿ ತನ್ನ ಪತಿ, ಸಹೋದರ ಹಾಗೂ ಇಬ್ಬರು ಮಕ್ಕಳೊಂದಿಗೆ, ದಶಮಿ ತಿಥಿ ಆಚರಣೆಗೆ ಚಿತ್ರಾ ಪ್ರದೇಶದ ಫತೇಪುರ್ ಗ್ರಾಮದಿಂದ ಗಿರಿದಿಹ್ ಜಿಲ್ಲೆಯ ಸಖೋ ಬನ್ಸ್ಡಿಹ್ಗೆ ಬೊಲೆರೊ ವಾಹನದಲ್ಲಿ ಹೋಗುತ್ತಿದ್ದಾಗ ಅಪಘಾತ ಸಂಭವಿಸಿದೆ. ಲವ್ಲಿ ಕುಮಾರಿ, ಪತಿ ಮುಕೇಶ್ ರೈ, ಸಹೋದರ, ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ. ಗ್ರಾಮಸ್ಥರು ಚಾಲಕ ಗೌತಮ್ ಕುಮಾರ್ನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆ ಎಂದು ತಿಳಿಸಿದರು.
ಇದನ್ನೂ ಓದಿ: ಚಾಲಕನ ನಿಯಂತ್ರಣ ತಪ್ಪಿ ಸ್ಲೀಪರ್ ಕೋಚ್ ಬಸ್ ಪಲ್ಟಿ: ಪ್ರಯಾಣಿಕರಿಗೆ ಗಾಯ
