ಭೀಕರ ರಸ್ತೆ ಅಪಘಾತ: ಐವರು ದಾರುಣ ಸಾವು

ಮಹಾರಾಷ್ಟ್ರದ ನಂದೂರ್ಬಾರ್​ನಲ್ಲಿ ಬೈಕ್​ಗಳ ಮಧ್ಯೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಸ್ಥಳದಲ್ಲೇ ಐವರು ಮೃತಪಟ್ಟಿದ್ದಾರೆ.

ನಂದೂರ್​ಬಾರ್​(ಮಹಾರಾಷ್ಟ್ರ): ಎರಡು ಬೈಕ್​ಗಳ ಮಧ್ಯೆ ಮುಖಾಮುಖಿ ಡಿಕ್ಕಿ ಸಂಭವಿಸಿ ಸ್ಥಳದಲ್ಲೇ ಐವರು ಮೃತಪಟ್ಟಿರುವ ಘಟನೆ ನಂದೂರ್​ಬಾರ್ - ತಲೋಡಾ ತಾಲೂಕು ರಸ್ತೆಯಲ್ಲಿ ನಡೆದಿದೆ. ತುಲಾಜಾ ಮೂಲದ ಮೂವರು ಹಾಗೂ ತಲೋಡಾ ಮೂಲದ ಇಬ್ಬರು ಮೃತಪಟ್ಟಿದ್ದಾರೆ.

ಅಪಘಾತದಲ್ಲಿ ಮೃತಪಟ್ಟವರು

ಮೃತರನ್ನು ದಾರಾಸಿಂಗ್​ ಜಬೋರ್​ (48), ಮದನ್ ದೀಪಾವಳಿ ನಾಯಕ್ (50), ಅಮಿತ್​ ಮಗನ್ ನಾಯಕ್(10), ಉಮೇಶ್​ ಶಾಂತಿಲಾಲ್​ ಚವಾನ್​, ಸುನಂದ ಚವಾನ್ ಪೂಜಾ ಎಂದು ಗುರುತಿಸಲಾಗಿದೆ.

ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ.