ಬಂಕಾ, ಬಿಹಾರ: ನಗರದಲ್ಲಿ ನಕಲಿ ಪೊಲೀಸ್ ಠಾಣೆಯೊಂದು ನಡೆಯುತ್ತಿದ್ದ ಬಗ್ಗೆ ಯಾರಿಗೂ ತಿಳಿದಿರಲಿಲ್ಲ. ಆದರೂ ಪೊಲೀಸರು ಇದನ್ನು ಪತ್ತೆ ಹಚ್ಚಿದ್ದಾರೆ. ಅತಿಥಿ ಗೃಹವೊಂದರಲ್ಲಿ ನಕಲಿ ಪೊಲೀಸ್ ಠಾಣೆಯೊಂದು ಕಾರ್ಯ ನಿರ್ವಹಿಸುತ್ತಿದ್ದು, ಇಲ್ಲಿ ಇನ್‌ಸ್ಪೆಕ್ಟರ್‌ಗಳು, ಕಾನ್‌ಸ್ಟೆಬಲ್‌ಗಳು, ಕ್ಲೆರಿಕಲ್ ಸಿಬ್ಬಂದಿ ಮತ್ತು ಶಸ್ತ್ರಾಸ್ತ್ರಗಳು, ಶ್ರೇಣಿಯ ಪೊಲೀಸ್ ಅಧಿಕಾರಿಗಳು ಕಾರ್ಯ ನಿರ್ವಹಿಸುತ್ತಿರುವುದು ಬೆಳಕಿಗೆ ಬಂದಿದೆ. ಅಷ್ಟೇ ಅಲ್ಲ ಈ ನಕಲಿ ಪೊಲೀಸ್ ಠಾಣೆಗೆ ದೂರು ನೀಡಲು ಜನರ ದಂಡೇ ಹರಿದು ಬರುತ್ತಿರುವುದು ಅಚ್ಚರಿ ಮೂಡಿಸಿದೆ. ಸದ್ಯ ಅತಿಥಿ ಗೃಹದಲ್ಲಿ ನಡೆಯುತ್ತಿದ್ದ ನಕಲಿ ಪೊಲೀಸ್ ಠಾಣೆಯ ಕಾರ್ಯಾಚರಣೆ ಬಳಿಕ ಪೊಲೀಸ್ ಆಡಳಿತದಲ್ಲಿ ಸಂಚಲನ ಮೂಡಿಸಿದೆ.
ಅತಿಥಿ ಗೃಹದಲ್ಲಿ ನಕಲಿ ಪೊಲೀಸ್ ಠಾಣೆ: ಅನುರಾಗ್ ಅತಿಥಿ ಗೃಹದಲ್ಲಿ ನಕಲಿ ಪೊಲೀಸ್ ಠಾಣೆ ನಡೆಯುತ್ತಿತ್ತು ಎನ್ನಲಾಗಿದೆ. ಅತಿಥಿ ಗೃಹದಲ್ಲಿ ಕೃತಕ ಪೊಲೀಸ್ ಠಾಣೆಯನ್ನು ನಕಲಿ ರೀತಿಯಲ್ಲಿ ನಡೆಸುತ್ತಿರುವುದು ಪೊಲೀಸರಿಗೆ ತಿಳಿದಿದ್ದು, ನಂತರ ದಾಳಿ ನಡೆಸಲಾಯಿತು. ಈ ದಾಳಿಯಲ್ಲಿ ನಕಲಿ ಸಮವಸ್ತ್ರದಲ್ಲಿದ್ದ ಹಲವರು ಸಿಕ್ಕಿಬಿದ್ದಿದ್ದಾರೆ. ಪೊಲೀಸ್ ಠಾಣೆಯಲ್ಲಿ ಒಬ್ಬ ನಕಲಿ ಪೊಲೀಸ್ ಅಧಿಕಾರಿಯೂ ಇದ್ದದ್ದು ದೊಡ್ಡ ವಿಷಯವಾಗಿದೆ.
ನಕಲಿ ಪೊಲೀಸ್ ಠಾಣೆಯಲ್ಲಿ ಲೇಡಿ ಇನ್ಸ್ಪೆಕ್ಟರ್: ಈ ನಕಲಿ ಪೊಲೀಸ್ ಠಾಣೆಯಲ್ಲಿ ಲೇಡಿ ಇನ್ಸ್ಪೆಕ್ಟರ್ ಆಗಿ ಅನಿತಾ ದೇವಿ ಎಂಬ ಯುವತಿ ಕಾರ್ಯ ನಿರ್ವಹಿಸುತ್ತಿದ್ದರು. ಬಂಧಿತ ಅನಿತಾ ಬಳಿಯಿಂದ ಕಂಟ್ರಿಮೇಡ್ ಪಿಸ್ತೂಲ್ ವಶಪಡಿಸಿಕೊಳ್ಳಲಾಗಿದೆ. ಈ ಪಿಸ್ತೂಲ್ ಅನ್ನು ತನ್ನ ಹಿರಿಯ ಅಧಿಕಾರಿ ಕಲಿಕೆಗಾಗಿ ನೀಡಿದ್ದಾರೆ. ಜಾರ್ಖಂಡ್ ಮುಖ್ಯಮಂತ್ರಿ ಹೇಮಂತ್ ಸೊರೆನ್ ಅವರ ಸೂಚನೆ ಮೇರೆಗೆ ನನನ್ನು ಇಲ್ಲಿ ನಿಯೋಜಿಸಲಾಗಿದೆ ಎಂದು ಆರೋಪಿ ಅನಿತಾ ಹೇಳಿಕೊಂಡಿದ್ದಾರೆ.
ಖಾಕಿ ಸಮವಸ್ತ್ರದಲ್ಲಿ ಆರೋಪಿಗಳು ಬಂಧನ: ನಕಲಿ ಪೊಲೀಸರಲ್ಲಿ ದೂರು ದಾಖಲಿಸುವ ಕಾರ್ಯನಿರ್ವಹಿಸುತ್ತಿದ್ದ ಫುಲ್ಲಿಡುಮಾರ್‌ನ ಲೋಧಿಯಾ ಗ್ರಾಮದ ರಮೇಶ್ ಕುಮಾರ್ ಮತ್ತು ಸುಲ್ತಂಗಂಜ್‌ನ ಖಾನ್‌ಪುರ ನಿವಾಸಿ ಜೂಲಿ ಕುಮಾರಿಯನ್ನು ಕೂಡ ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ. ಪೊಲೀಸ್ ಸಮವಸ್ತ್ರದಲ್ಲಿ ಭಾಗಲ್‌ಪುರ ಜಿಲ್ಲೆಯ ಖಾನ್‌ಪುರದ ಆಕಾಶ್‌ ಕುಮಾರ್ ಎಂಬಾತನನ್ನೂ ಪೊಲೀಸರು ಬಂಧಿಸಿದ್ದಾರೆ. ನಾವು ನಮ್ಮ ಹಿರಿಯ ಅಧಿಕಾರಿ, ಫುಲ್ಲಿಡುಮಾರ್ ನಿವಾಸಿ ಭೋಲಾ ಯಾದವ್ ಅವರ ನಿರ್ದೇಶನದಂತೆ ಕೆಲಸ ಮಾಡುತ್ತಿದ್ದೇವೆ ಎಂದು ಆರೋಪಿಗಳು ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾರೆ.
