ಶ್ರದ್ಧಾ ​ಹತ್ಯೆ ಪ್ರಕರಣ: ಅಫ್ತಾಬ್‌ಗೆ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದವ ಸೆರೆ

ಆರೋಪಿ ಅಫ್ತಾಬ್‌ಗೆ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಶೋಧಿಸಿ ಬಂಧಿಸಲಾಗಿದೆ. ಆಘಾತಕಾರಿ ಸಂಗತಿಯೇನೆಂದರೆ ಈ ಮಾದಕ ದ್ರವ್ಯ ದಂಧೆಕೋರ ಸೂರತ್ ನಿವಾಸಿ ಎಂಬುದು ಬೆಳಕಿಗೆ ಬಂದಿದೆ.

ಸೂರತ್‌: ಶ್ರದ್ಧಾ ವಾಲ್ಕರ್​ ಹತ್ಯೆ ಪ್ರಕರಣದ ತನಿಖೆ ಚುರುಕಾಗಿಯೇ ನಡೆಯುತ್ತಿದೆ. ಈಗ ಆರೋಪಿ ಅಫ್ತಾಬ್‌ಗೆ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಮಾದಕ ದ್ರವ್ಯ ದಂಧೆಕೋರ ಸೂರತ್ ನಿವಾಸಿ ಎಂದು ತಿಳಿದುಬಂದಿದೆ.

ಡ್ರಗ್ ಪೆಡ್ಲರ್ ಫೈಸಲ್ ಮೊಮಿನ್ ಆರೋಪಿ. ಈತನನ್ನು ಪಾಂಡೆಸರಾ ಮತ್ತು ಅಮ್ರೋಲಿಯಲ್ಲಿ 4 ಕೋಟಿ ರೂಪಾಯಿ ಮೌಲ್ಯದ ಡ್ರಗ್ಸ್‌ಗೆ ಸಂಬಂಧಿಸಿದ ಪ್ರಕರಣದಲ್ಲಿ ಬಂಧಿಸಲಾಗಿದೆ. ಮೊಮಿನ್ ಅಫ್ತಾಬ್​ಗೆ ಡ್ರಗ್ಸ್ ಪೂರೈಕೆ ಮಾಡುತ್ತಿದ್ದ ಎಂದು ತಿಳಿದು ಬಂದ ನಂತರ ಪೊಲೀಸರು ಫೈಸಲ್ ಮೊಮಿನ್ ಫೋನ್‌ ಕರೆ ದಾಖಲೆಗಳನ್ನು ತನಿಖೆ ಮಾಡಿದ್ದರು.