ನವದೆಹಲಿ: ಮಹಾಮಾರಿ ಕೊರೊನಾ ವೈರಸ್ಗೆ ಈಗಾಗಲೇ ಮದ್ದು ಕಂಡು ಹಿಡಿದಿರುವ ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ(ಡಿಆರ್ಡಿಒ), ಸದ್ಯ ಮತ್ತೊಂದು ಸಾಹಸಕ್ಕೆ ಮುಂದಾಗಿದೆ. ಎಲ್ಲವೂ ಅಂದುಕೊಂಡತೆ ನಡೆದರೆ ಮುಂದಿನ ತಿಂಗಳು ಇದು ರಿಲೀಸ್ ಆಗಲಿದೆ.
ರೋಗನಿರೋಧಕ ಹಾಗೂ ಕೊರೊನಾ ಸೋಂಕು ಪತ್ತೆ ಮಾಡುವ ಸಾಧನ ಡಿಪಿ ಕೊವಾನ್(DIPCOVAN) ಅಭಿವೃದ್ಧಿಪಡಿಸಲಾಗ್ತಿದ್ದು, ಮುಂದಿನ ತಿಂಗಳು ಇಂದು ಮಾರುಕಟ್ಟೆಗೆ ರಿಲೀಸ್ ಆಗುವ ಸಾಧ್ಯತೆ ಇದೆ.
ಇದಕ್ಕೆ ಸಂಬಂಧಿಸಿ ಕೆಲಸಗಳು ಈಗಾಗಲೇ ಭರದಿಂದ ನಡೆಯುತ್ತಿದ್ದು, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ(ಐಸಿಎಂಆರ್) ಇದಕ್ಕೆ ಅನುಮೋದನೆ ಸಹ ನೀಡಿದೆ.
ವ್ಯಕ್ತಿಗಳ ದೇಹದಲ್ಲಿನ ಸಾರ್ಸ್ ಕೋವ್-2 ಪತ್ತೆ ಮಾಡುವ ಸಾಮರ್ಥ್ಯ ಈ ಕಿಟ್ಗೆ ಇದೆ. ಕೇವಲ 75 ನಿಮಿಷಗಳಲ್ಲಿ ಕೋವಿಡ್ ಗುಣಲಕ್ಷಣ ಪತ್ತೆ ಹಚ್ಚಬಹುದಾಗಿದೆ. ದೆಹಲಿಯ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ 1000ಕ್ಕೂ ಅಧಿಕ ಕೋವಿಡ್ ಸೋಂಕಿತರ ಮೇಲೆ ಪ್ರಯೋಗ ಮಾಡಲಾಗಿದ್ದು, ಅದರ ಫಲಿತಾಂಶದ ಆಧಾರದ ಮೇಲೆ ಮುಂದಿನ ತಿಂಗಳು ಬಿಡುಗಡೆ ಮಾಡಲು ನಿರ್ಧರಿಸಿದೆ.
ಇದನ್ನೂ ಓದಿ: ಡಿಆರ್ಡಿಒ ಅಭಿವೃದ್ಧಿಪಡಿಸಿದ ಕೋವಿಡ್ ಔಷಧಕ್ಕೆ ಡಿಸಿಜಿಐ ಅನುಮೋದನೆ
ಕಳೆದ ಒಂದು ವರ್ಷದಿಂದ ಈ ಉತ್ಪನ್ನದ ಮೂರು ಬ್ಯಾಚ್ನಲ್ಲಿ ಪ್ರಯೋಗ ನಡೆದಿತ್ತು ಎಂದು ಡಿಆರ್ಡಿಒ ತಿಳಿಸಿದ್ದು, ಇತರ ಕಾಯಿಲೆಗಳೊಂದಿಗೆ ಯಾವುದೇ ಅಡ್ಡ ಪರಿಣಾಮಗಳಿಲ್ಲ ಎಂದು ತಿಳಿಸಿದೆ. ಪ್ರತಿ ಪರೀಕ್ಷೆಯ ರೂ. 75 ಅಗಿದೆ. ಕೋವಿಡ್ ನಿರೋಧಕ ಔಷಧ 2-ಡಿಯೋಕ್ಸಿ-ಡಿ-ಗ್ಲೂಕೋಸ್ ಔಷಧವನ್ನ ಈಗಾಗಲೇ ಡಿಆರ್ಡಿಒ ಅಭಿವೃದ್ಧಿ ಪಡಿಸಿ ಮಾರುಕಟ್ಟೆಗೆ ರಿಲೀಸ್ ಮಾಡಿದೆ.
