ಅಹಮದಾಬಾದ್ (ಗುಜರಾತ್): ದೇಶಾದ್ಯಂತ ಅತ್ಯಂತ ಸಂಭ್ರಮ ಸಡಗರದಿಂದ ನವರಾತ್ರಿ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಅಹಮದಾಬಾದ್ನಲ್ಲಿ ವಿಶೇಷಚೇತನರಿಗಾಗಿ ದಿವ್ಯಾಂಗ್ ನವರಾತ್ರಿ ಮಹೋತ್ಸವವು ಗರ್ಬಾ ಫೆಸ್ಟ್ನ್ನು ಆಯೋಜಿಸಿದೆ. ಈ ಕಾರ್ಯಕ್ರಮ ಆರು ವರ್ಷಗಳಿಂದ ನಡೆದುಕೊಂಡು ಬಂದಿದ್ದು ಸಂಪ್ರದಾಯವಾಗಿದೆ. ಕಾರ್ಯಕ್ರಮದಲ್ಲಿ 700ಕ್ಕೂ ಹೆಚ್ಚು ವಿಶೇಷಚೇತನರು, ಹಿರಿಯರು, ಯುವಕರು ದೇವಿ ಅಂಬಾಗೆ ಪೂಜೆ ಸಲ್ಲಿಸಿ ಗರ್ಬಾ ನೃತ್ಯ ಮಾಡಿ ಸಂಭ್ರಮಿಸಿದರು.
ದಿವ್ಯಾಂಗ್ ಗರ್ಬಾ ಮಹೋತ್ಸವದ ಆಯೋಜಕರಾದ ವಿಪುಲ್ಭಾಯಿ ಈ ಕುರಿತು ಮಾತನಾಡಿದ್ದಾರೆ. ನಾನು ಸುಮಾರು ಒಂದು ದಶಕದ ಹಿಂದೆ ಮೈದಾನದಲ್ಲಿ ನನ್ನ ಸ್ನೇಹಿತರೊಂದಿಗೆ ಗರ್ಬಾ ಆಡುತ್ತಿದ್ದಾಗ ಅಂಗವಿಕಲ ವ್ಯಕ್ತಿಯನ್ನು ಆ ಸ್ಥಳದಲ್ಲಿ ನೋಡಿದೆ. ನಾನು ಅವರನ್ನು ನೋಡಿ ಭಾವುಕನಾದೆ ಮತ್ತು ಅಂಗವಿಕಲರಿಗಾಗಿ ಗರ್ಬಾವನ್ನು ಆಯೋಜಿಸಲು ಆ ದಿನವೇ ನಿರ್ಧರಿಸಿದೆ. ಇದೀಗ ಆ ಹಬ್ಬ ನಡೆದುಕೊಂಡು ಬಂದು 6 ವರ್ಷಗಳು ತುಂಬಿವೆ. ಈ ಬಾರಿ ಗರ್ಬಾದಲ್ಲಿ ಸಂಭ್ರಮಿಸಲು ಗುಜರಾತ್ ಮತ್ತು ಸುತ್ತಮುತ್ತಲಿನ ಸುಮಾರು 700 ವಿಶೇಷಚೇತನರು ಇಲ್ಲಿ ಸೇರಿದ್ದರು.
-
Divyang Navratri Mahotsav: More than 700 disabled people play Garba in Ahmedabad
— ANI Digital (@ani_digital) October 22, 2023 " class="align-text-top noRightClick twitterSection" data="
Read @ANI Story | https://t.co/6Y25hQZheJ#Garba #disabled #Ahmedabad #DivyangNavratriMahotsav pic.twitter.com/mQRwwIiQXx
">Divyang Navratri Mahotsav: More than 700 disabled people play Garba in Ahmedabad
— ANI Digital (@ani_digital) October 22, 2023
Read @ANI Story | https://t.co/6Y25hQZheJ#Garba #disabled #Ahmedabad #DivyangNavratriMahotsav pic.twitter.com/mQRwwIiQXxDivyang Navratri Mahotsav: More than 700 disabled people play Garba in Ahmedabad
— ANI Digital (@ani_digital) October 22, 2023
Read @ANI Story | https://t.co/6Y25hQZheJ#Garba #disabled #Ahmedabad #DivyangNavratriMahotsav pic.twitter.com/mQRwwIiQXx
ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ವಿಶೇಷ ಚೇತನರೊಬ್ಬರು ಮಾತನಾಡಿ ವಿಶೇಷ ಗರ್ಬಾದ ಕುರಿತು ಸಂತಸ ವ್ಯಕ್ತಪಡಿಸಿದರು. ಈ ಗರ್ಬಾವನ್ನು ವಿಪುಲ್ಭಾಯಿ ಅವರು 6 ವರ್ಷದಿಂದ ಆಯೋಜಿಸುತ್ತಿದ್ದಾರೆ. ನಾವು ಇಲ್ಲಿಗೆ ಬಂದು ಹಬ್ಬವನ್ನು ಆನಂದಿಸುತ್ತಾ, ಸಂಭ್ರಮಿಸುತ್ತಿದ್ದೇವೆ. ಪ್ರತಿ ವರ್ಷ ಗರ್ಬಾವನ್ನು ಆಚರಿಸುತ್ತೇವೆ. ನಾವು ಅನೇಕ ಹೊಸ ಹೊಸ ಸ್ನೇಹಿತರನ್ನು ಮಾಡಿಕೊಂಡಿದ್ದೇವೆ. ನಾವು ಗಾಲಿಕುರ್ಚಿಯ ಮೇಲೆ ಕುಳಿತಿರುವುದರಿಂದ ಗಾರ್ಬಾವನ್ನು ನೃತ್ಯವನ್ನು ಆಡಲು ಸಾಧ್ಯವಿಲ್ಲ ಎಂದು ಹಲವರು ಭಾವಿಸುತ್ತಾರೆ. ಆದರೆ, ಈ ಕಾರ್ಯಕ್ರಮದ ಆಯೋಜಕರು ಆ ರೀತಿ ಯೋಚಿಸದೆ, ನಮ್ಮ ನಡುವೆ ಒಬ್ಬರಾಗಿ ಕಾರ್ಯಕ್ರಮವನ್ನು ನಡೆಸುತ್ತಾರೆ. ಹಬ್ಬಕ್ಕೆ ಎಲ್ಲರಂತೆ ನಾವು ಕೂಡ ಸಾಂಪ್ರದಾಯಿಕ ಬಟ್ಟೆಗಳನ್ನು ಧರಿಸುತ್ತೇವೆ ಮತ್ತು ಎಲ್ಲರನ್ನೂ ಈ ದಿನ ಭೇಟಿಯಾಗುತ್ತೇವೆ ಎಂದು ತಿಳಿಸಿದರು.
ನವರಾತ್ರಿ ವಿಶೇಷವೇನು?: ನವರಾತ್ರಿಯನ್ನು ಒಂಬತ್ತು ದಿನಗಳ ಕಾಲ ಪೂಜಾ-ಪುರಸ್ಕಾರ, ಸಂಭ್ರಮದಿಂದ ಆಚರಿಸಲಾಗುತ್ತದೆ. ನವರಾತ್ರಿ ಉತ್ಸವದಲ್ಲಿ, ಭಕ್ತರು ಮಾತೆ ದುರ್ಗೆಯ ಒಂಬತ್ತು ಅವತಾರಗಳನ್ನು ಆಕೆಯ ಆಶೀರ್ವಾದವನ್ನು ಪಡೆಯಲು ಪೂಜಿಸುತ್ತಾರೆ. ನವರಾತ್ರಿಯ ಪ್ರತಿ ದಿನವೂ ಒಂದೊಂದು ದೇವಿಯ ಅವತಾರವನ್ನು ಭಯ-ಭಕ್ತಿಯಿಂದ ಆರಾಧನೆ ಮಾಡಲಾಗುತ್ತದೆ. ಈ ಒಂಬತ್ತು ದಿನಗಳಲ್ಲಿ ಜನರು ಉಪವಾಸ, ವ್ರತ ಆಚರಿಸುತ್ತಾರೆ. ಪ್ರತಿ ದೇವತೆಗೆ ಸಮರ್ಪಿತವಾದ ಶ್ಲೋಕಗಳನ್ನು ಪಠಿಸುತ್ತಾರೆ. ಹೊಸ ಬಟ್ಟೆಗಳನ್ನು ಧರಿಸುತ್ತಾರೆ.
ಇದನ್ನೂ ಓದಿ: ಗರ್ಬಾ ನೃತ್ಯ ಮಾಡುತ್ತಿದ್ದಾಗಲೇ ಹೃದಯಾಘಾತದಿಂದ ಬಾಲಕ ಸಾವು.. ಸಂಭ್ರಮದ ಮಧ್ಯೆ ಮಡುಗಟ್ಟಿದ ಶೋಕ
