ಎನ್​ಐಎಗೆ ದಿನಕರ್​ ಗುಪ್ತಾ ಹೊಸ ಬಾಸ್; ಗೃಹ ಸಚಿವಾಲಯಕ್ಕೆ ಸ್ವಾಗತ್​ ದಾಸ್​ ನೇಮಕ

ಹಿರಿಯ ಐಪಿಎಸ್​ ಅಧಿಕಾರಿ ದಿನಕರ್​ ಗುಪ್ತಾ ಅವರನ್ನು ಎನ್​ಐಎ ನೂತನ ಮಹಾನಿರ್ದೇಶಕರನ್ನಾಗಿ ಕೇಂದ್ರ ಸರ್ಕಾರ ನೇಮಕ ಮಾಡಿ ಆದೇಶಿಸಿದೆ.

ನವದೆಹಲಿ: ಭಯೋತ್ಪಾದನೆ, ಆತಂಕವಾದಗಳ ವಿರುದ್ಧ ಶ್ರಮಿಸುವ ಸಂಸ್ಥೆಯಾದ ಎನ್​ಐಎಗೆ ಹೊಸ ಬಾಸ್​ ನೇಮಕ ಮಾಡಲಾಗಿದೆ. ಹಿರಿಯ ಐಪಿಎಸ್ ಅಧಿಕಾರಿ ದಿನಕರ್ ಗುಪ್ತಾ ಅವರನ್ನು ರಾಷ್ಟ್ರೀಯ ತನಿಖಾ ದಳದ ನೂತನ ಮಹಾನಿರ್ದೇಶಕರನ್ನಾಗಿ ಕೇಂದ್ರ ಸರ್ಕಾರ ಗುರುವಾರ ನೇಮಿಸಿ ಆದೇಶಿಸಿದೆ.

• The Government of India appoints IPS Dinkar Gupta as Director General, National Investigation Agency pic.twitter.com/42jtktGG3R

  — ANI (@ANI) June 23, 2022 " class="align-text-top noRightClick twitterSection" data="

  The Government of India appoints IPS Dinkar Gupta as Director General, National Investigation Agency pic.twitter.com/42jtktGG3R

  — ANI (@ANI) June 23, 2022

  ">

  The Government of India appoints IPS Dinkar Gupta as Director General, National Investigation Agency pic.twitter.com/42jtktGG3R

  — ANI (@ANI) June 23, 2022

ಗುಪ್ತಾ ಅವರು ಪಂಜಾಬ್ ಕೇಡರ್‌ನ 1987ರ ಬ್ಯಾಚ್‌ನ ಐಪಿಎಸ್​ ಅಧಿಕಾರಿಯಾಗಿದ್ದಾರೆ. ಕ್ಯಾಬಿನೆಟ್‌ನ ನೇಮಕಾತಿ ಸಮಿತಿಯು ಇವರನ್ನು ಮಾರ್ಚ್ 31, 2024 ರವರೆಗೆ ಎನ್​ಐಎ ಮಹಾನಿರ್ದೇಶಕರನ್ನಾಗಿ ನೇಮಿಸಿದೆ ಎಂದು ಸಿಬ್ಬಂದಿ ಸಚಿವಾಲಯ ಅಧಿಕೃತ ಆದೇಶದಲ್ಲಿ ತಿಳಿಸಲಾಗಿದೆ.

ಮತ್ತೊಂದು ಬೆಳವಣಿಗೆಯಲ್ಲಿ, ಗುಪ್ತಚರ ಇಲಾಖೆ ವಿಶೇಷ ನಿರ್ದೇಶಕರಾಗಿದ್ದ ಸ್ವಾಗತ್ ದಾಸ್ ಅವರನ್ನು ಗೃಹ ಸಚಿವಾಲಯದ ವಿಶೇಷ ಕಾರ್ಯದರ್ಶಿಯನ್ನಾಗಿ(ಆಂತರಿಕ ಭದ್ರತೆ) ನೇಮಕ ಮಾಡಲಾಗಿದೆ. ಇವರು 1987 ರ ಬ್ಯಾಚ್​ನ ಛತ್ತೀಸ್‌ಗಢ ಕೇಡರ್​ನ ಐಪಿಎಸ್​ ಅಧಿಕಾರಿಯಾಗಿದ್ದಾರೆ. ಇವರ ನಿವೃತ್ತಿ ಅವಧಿ ನವೆಂಬರ್ 30, 2024 ರವರೆಗೆ ಇರಲಿದೆ.

ಇದನ್ನೂ ಓದಿ: ಯುನಿಟೆಕ್ ಪ್ರಕರಣ: 257 ಕೋಟಿ ರೂ. ಮೌಲ್ಯದ ಆಸ್ತಿ ಜಪ್ತಿ ಮಾಡಿದ ಇಡಿ